Djúpavogshreppur
A A

Milljarður rís 2020

Milljarður rís 2020
17 Feb
12:15

Milljarður rís 2020

Dansbyltingin Milljarður rís fer fram í Íþróttamiðstöð Djúpavogshrepps þann 17. febrúar klukkan 12.15-13.00. Þetta er í áttunda sinn sem UN Women á Íslandi heldur viðburðurinn hér á landi og fólk á öllum aldri kemur saman og dansar fyrir heimi þar sem allir, óháð kyni og kynhneigð, njóta sömu tækifæra án ótta við ofbeldi.

Það er óhugnanleg staðreynd að 1 af hverjum 3 konum um heim allan verður fyrir kynbundnu ofbeldi einhvern tímann á lífsleiðinni, það er um ein milljón kvenna! Við mjökumst þó hægt í rétta átt og það verður ljósara með hverju árinu sem líður að ofbeldi í garð kvenna verður ekki lengur liðið. Í ár beinir UN Women kastljósinu að stafrænu ofbeldi, sem er sívaxandi vandamál sem Ísland og önnur lönd hafa verið sein að grípa til aðgerða gegn.

Vissir þú að:

  • Ein af hverjum tíu konum í Evrópusambandinu hefur upplifað kynferðislega áreitni á Netinu
  • Konur á aldrinum 18 – 24 ára eru í sérstökum áhættuhópi gagnvart eltihrellum, kynferðislegri áreitni á Netinu og hljóta í kjölfarið hótanir um líkamlegt ofbeldi
  • Ein af hverjum fimm konum í heiminum býr í landi þar sem mjög ólíklegt er gerandi á Netinu verði sóttur til saka
  • Tækninýjungar og Netið hafa auðveldað mansal og vændi til muna

Á Milljarði Rís stígur heimsbyggðin baráttudans gegn ofbeldi með gleði að vopni, dansað verður í yfir 200 borgum víðsvegar um heiminn. Auk þess verður dansað á tíu stöðum víðsvegar um landið; í Hörpu, Hofi Akureyri, Frystiklefanum Rifi, Menntaskólanum Egilsstöðum, íþróttamiðstöðini Vestmannaeyjum, Fosshóteli Húsavík, Ungmennahúsinu Reykjanesbæ, Félagsheimilinu á Hólmavík, Herðubreið á Seyðisfirði, í íþróttamiðstöð Djúpavogshrepps á Djúpavogi og íþróttahúsinu við Vallaskóla á Selfossi.

Sameinumst öll og dönsum gegn kynbundu ofbeldi!

Tengill á Djúpavogi er Halldóra Dröfn Hafþórsdóttir, starfandi atvinnu- og menningarfulltrúi Djúpavogshrepps