Djúpavogshreppur
A A

Fræðslu- tómstunda- og jafnréttisnefnd - 01.11.2018

Fræðslu- tómstunda- og jafnréttisnefnd - 01.11.2018

Fræðslu- tómstunda- og jafnréttisnefnd - 01.11.2018

Ólafur Björnsson skrifaði 01.11.2018 - 09:11

2. fundur fræðslu- tómstunda- og jafnréttisnefndar Djúpavogshrepps kjörtímabilið 2018-2022

Fundur var haldinn í fræðslu- tómstunda- og jafnréttisnefnd Djúpavogshrepps að Bakka 1, Djúpavogi, fimmtudaginn 1. nóvember 2018 kl. 16:00. Fundinn sátu Kristján Ingimarsson formaður, Eiður Ragnarsson, Þuríður Elísa Harðardóttir, Elísabet Guðmundsdóttir og Ania Czeczko. Ingibjörg B. Gunnlaugsdóttir og Halldóra Hafþórsdóttir sátu fundinn undir liðum 1 – 5, William Óðinn Lefever sat fundinn undir liðum 4 og 5, Dröfn Freysdóttir sat fundinn undir lið 6 og Guðrún Sigríður Sigurðardóttir og Hera Liljudóttir sátu fundinn undir lið 7.

Dagskrá var eftirfarandi:

1. Djúpavogsskóli – jafnréttisáætlun
2. Matarhlé í Grunnskólanum
3. Viðbygging við skóla – staða mála
4. Samningur um Neistahöllina kynntur
5. Skýrsla æskulýðsfulltrúa
6. Kynning á tómstundastarfi eldri borgara
7. Leikskóli - Ytra mat á leikskóla – Uppeldi til ábyrgðar

-----

1. Djúpavogsskóli – jafnréttisáætlun. Halldóra kynnti jafnréttisáætlun Djúpavogsskóla

2. Matarhlé í Grunnskólanum. Farið yfir stöðu mötuneytismála í Grunnskóla Djúpavogs í ljósi álits umboðsmanns barna um aðstöðu barna í mötuneyti Grunnskóla. Formaður gerði grein fyrir samningi sem er í gildi við Hótel Framtíð. Nefndin sammála um að endurskoða hann og að tekið verði tillit til þessa í lok skólaárs.

3. Viðbygging við skóla – staða mála. Formaður fór yfir stöðu mála varðandi viðbyggingu við Grunnskóla Djúpavogs. Haldnir hafa verið tveir fundir í undirbúningsnefnd og hefur nefndin komið sér saman um útfærslu a viðbyggingu sem kynnt verður nánar á næsta fundi en þá er reiknað með að fastmótaðar tillögur ásamt kostnaðarmati liggi fyrir.

4. Samningur um Neistahöllina kynntur. Formaður ásamt æskulýðsfulltrúa kynntu samning sem gerður hefur verið vegna Neistahallarinnar, milli Djúpavogshrepps og Ungmennafélagsins Neista.

5. Skýrsla æskulýðsfulltrúa. William Óðinn Lefever fór yfir þau verkefni sem hann hefur sinnt síðustu vikur ásamt því sem framundan er.

6. Kynning á tómstundastarfi eldri borgara. Dröfn Freysdóttir kom inn á fundinn og kynnti tómstundastarf eldri borgara.

7. Leikskóli - Ytra mat á leikskóla – Uppeldi til ábyrgðar. FTJ leggur til að Djúpavogshreppur taki þátt í ytra mati leikskóla, Guðrún mun sækja um þátttöku. Nefndir samþykkir að Leikskólastjóri panti þátttöku í námskeiðinu Uppeldi til ábyrgðar. Það hefur í för með sér að færa þarf starfsdaga saman á vorönn.

Næsti fundur áætlaður 6. Desember. Fleira ekki tekið fyrir, fundi slitið klukkan 17:40