Djúpavogshreppur
A A

Ferða- og menningarmálanefnd

4. september 2017

Fundur ferða- og menningarmálanefndar

Fundur var haldinn í ferða- og menningarmálanefnd, mánudaginn 4. september 2017, kl. 15:00, að Bakka 1, Djúpavogi.
Fundinn sátu, Kristján Ingimarsson formaður, Þorbjörg Sandholt, Rán Freysdóttir og Erla Dóra Vogler ferða- og menningarmálafulltrúi.

Liður 1
Rætt var um upplýsingamiðstöð í Djúpavogshreppi og hvernig nýtt fyrirkomulag sl. sumar gekk, en Hótel Framtíð sá um reksturinn og Djúpavogshreppur greiddi ákveðið framlag með þeim rekstri. Svo virðist sem þetta fyrirkomulag hafi gengið vel og nefndin leggur til að þetta fyrirkomulag verði áfram. Einnig var rætt um samning milli Djúpavogshrepps og Hótel Framtíðar vegna afnota af salernisaðstöðu á tjaldstæðinu. Nefndin vísar frekari umræðu um samninginn til sveitarstjórnar.

Liður 2
Rætt var um Cittaslow sunnudaginn sem verður 24. september næstkomandi. Nefndin leggur til að þema sunnudagsins verði matur og menning úr héraði. Hópur fólks frá Orvieto á Ítalíu tekur þátt í sunnudeginum en hópurinn verður hér í Cittaslow skólaheimsókn. Einnig er von á Pier Giorgio Oliveti sem er í forsvari fyrir Cittaslow samtökin, en hann verður hér í þeim tilgangi að stofna Cittaslow Education sem er verkefni sem Djúpavogsskóli tekur þátt í. Stefnt er að því að gera sunnudaginn sem glæsilegastan og nefndin hvetur íbúa til að taka þátt í þessum skemmtilega degi.

Liður 3
Erla gerði grein fyrir vinnu og viðburðum í Tankinum. Hún leggur áherslu á að uppbyggingu verði haldið áfram og að
sótt verði um styrki næstu árin til að ganga almennilega frá rafmagni, kaupa ljós, útvega ýmiskonar tækjabúnað o.fl. Ferða- og menningarmálanefnd er samþykk því að vera í forsvari fyrir Tankinn en að sá starfsmaður sem komi í stað Erlu haldi utan um verkefnið.

Liður 4
Rætt var um vegginn á gamla þvottaplaninu. Margar hugmyndir hafa komið fram um framtíð hans. Nefndin leggur til að gera innhlið veggsins snyrtilegri með því að fjarlægja rör, ljósastaura og mála.

Liður 5
Kristján gerði grein fyrir bók sem Alda Snæbjörnsdóttir frá Þiljuvöllum er að skrifa. Bókin er safn af þjóðsögum úr Djúpavogshreppi. Nefndin mælir með því að útgáfan verði styrkt og vísar því erindi til sveitarstjórnar.

Liður 6
Nefndin leggur til að stofnuð verði sér síða undir léninu visitdjúpivogur sem yrði hugsuð sérstaklega fyrir ferðamenn. Ferða- og menningarmálafulltrúa er falið að kalla eftir tilboðum í gerð vefsíðunnar.

Liður 7
Rætt var um tónleika og viðburðahald í kirkjunni. Nefndin leggur til að sveitarfélagið borgi þjónustugjald sem sóknarnefnd setur upp og hvetji þannig til menningarviðburða í kirkjunni. Fyrirhugaðir eru tónleikar í kirkjunni með Sveiflukvartettnum þann 7. október og þann 9. nóvember með Bertu Dröfn Ómarsdóttur sópransöngkonu frá Fáskrúðsfirði. Nefndin hvetur fólk til að mæta á þessa tónleika.

Liður 8
Kómedíuleikhúsið bauð sveitarfélaginu að kaupa hingað sýningu þeirra um Gísla á Uppsölum. Nefndin afþakkar
boðið þar sem sýningin fór um Austurland síðasta sumar og margir sáu sýninguna þá.

Liður 9
Önnur mál.
Erla gerði grein fyrir stöðu á uppsetningu selfie skilta og ósk Sigurðs Guðmundssonar að slíkt verði ekki sett við Eggin í Gleðivík. Einnig var rætt um gerð Artic Project á kynningarmyndbandi fyrir sveitarfélagið, en fyrirtækið hlaut til þess styrk úr Menningarráði Austurlands 2015. Ferða- og menningarmálafulltrúi segir að sjónrænt aðlaðandi kynningarmyndband, án tals, þar sem tökurnar segja allt sem segja þarf, myndi nýtast mjög vel. Nefndin vísar því erindi til sveitarstjórnar og leggur til að fundnir verði styrkir í það eða aukalegt fé. Rætt var um að kaupa mætti fleiri bekki/borð sem mætti dreifa víðar en á Kallabakkanum og leggur til að þar verði einnig ruslafötur. Erla gerði grein fyrir ýmsum verkefnum sem hún er að vinna að.

Fleira var ekki tekið fyrir á fundinum og honum slitið kl. 16:10

18.12.2017

7. júní 2017

Fundur ferða- og menningarmálanefndar

Fundur var haldinn í ferða- og menningarmálanefnd, föstudagur 7.júní 2017, að Bakka 1, Djúpavogi.

Fundinn sátu, Kristján Ingimarsson formaður, Þorbjörg Sandholt, Rán Freysdóttir og Erla Dóra Vogler ferða- og menningarmálafulltrúi.

Liður 1
Rætt var um stöðuna á Rúllandi Snjóbolta/9. Undirbúningur sýningar gengur vel. Boðskort fara í póst í dag og verða m.a. send á öll heimili í Djúpavogshreppi. Upp hefur komið sú hugmynd að sýningarrýmið fái að standa uppi allt árið og verði nýtt til annarra listviðburð s.s. List- án langamæra og fleira, nefndinni lýst vel á þá hugmynd.

Liður 2
Kristján gerði grein fyrir styrkjum sem Djúpavogshreppur fékk úr Húsfriðunarsjóði. Gamla kirkjan fékk kr. 5.000.000- til verkþáttarins þak á forkirkju og kór og Faktorshúsið fékk 2.000.000- til verkþáttarins útitröppur og pallur, hönnun og smíði. Nefndin þakkar Húsfriðunarsjóði kærlega fyrir styrkina.

Liður 3
Kristján gerðir grein fyrir selfie spot skiltum sem verða sett upp á næstu dögum. Skiltin verða sett upp á Bóndavörðu, við Eggin, Brennikletti og Sólvang/Sigfúsarbryggja. Skiltin eiga að hvetja fólk til að taka myndir frá þessum stöðum og merkja það með millumerki #djupivogur.
Erla gerði grein fyrir gönguleiða skiltum sem stendur til að setja upp á við upphaf og enda gönguleiða í sveitarfélaginu.

Liður 4
Erla gerði grein fyrir að Djúpavogshreppur sé áfram meðlimur í samtökum um söguferðaþjónustu. Hægt er að skoða heimasíðu samtakanna www.sagatrail.is

Liður 5
Nefndin vill lýsa yfir óánægju með verkefnið Pocket guide, búið er að greiða verkefnið að fullu en varan er ókomin. Nefndin skorar á Austurbrú að setja verkefnið í forgang og skila því fyrir lok árs.

Liður 6
Erla gerir grein fyrir stikunardegi 22. júlí sem fyrirhugaðir eru í samstarfi við slysavarnafélagið Báru, ungmennafélagið Neista og ferðafélagi Djúpavogshrepps. Fyrhugað er að stika gönguleiðir á Búlandsnesi.

Liður 7
Erla gerir grein fyrir stöðu á Tankinum en unnið er að því að því að setja upp grind fyrir ljós.

Liður 8
Erla gerir grein fyrir stöðu á verkefninu Áfangastaðurinn Austurland sem gengur vel.

Liður 9
Rætt var um að setja upp opið internet fyrir gesti. Nefndin lýsir áhuga á að koma þessu á sem fyrst.

Liður 10
Kristján gerði grein fyrir tónleikum sem verða í kirkjunni 23. ágúst næst komandi þar sem dúóið Anna og Sölvi munu spila.


Fleira var ekki tekið fyrir á fundinum og honum slitið kl. 9:45

18.07.2017

10. apríl 2017


Fundur ferða- og menningarmálanefndar


Fundur var haldinn í ferða- og menningarmálanefnd, mánudaginn 10. apríl 2017, að Bakka 1, Djúpavogi.

Fundinn sátu, Kristján Ingimarsson formaður, Þorbjörg Sandholt og Bryndís Reynisdóttir ferða- og menningarmálafulltrúi. Rán Freysdóttir boðaði forföll.

Liður 1
Rætt var um nýtt fyrirkomulag á rekstri á upplýsingamiðstöð. Búið er að ganga frá samningum við Hótel Framtíð sem mun sjá um rekstur á upplýsingamiðstöð á Djúpavogi frá 15.maí – 15.september og er samningurinn gerður til eins árs. Með þessu fyrirkomulagi er Djúpavogshreppur að hagræða í rekstir án þess að skerða þjónustu.

Liður 2
Rætt var um endurbyggingu Faktorshús og gömlu kirkjunnar. Beðið er eftir upplýsingum um styrkveitingu og vonast nefndin eftir því að þær liggi fyrir sem fljótlega.

Liður 3
Bryndís fór yfir komudagsetningar skemmtiferðaskipa til Djúpavogs í sumar en það má sá lista yfir komu skipanna í nýjusta tölublaði Bóndavörðunnar. Tekjur vegna komu skemmtiferðaskipa hafa aukist s.l. ár og nefndin telur margvísleg tækifæri felast í þessum þætti ferðaþjónustu.

Liður 4
Kristján fór yfir dagskrá Hammondhátíðar sem er fjölbreytt glæsilega og í ár.

Liður 5
Þór Vigfússon kom inn á fundinn og hann og Bryndís fór yfir stöðuna á Rúllandi Snjóbolta. Skipulagið gengur vel og unnið er að því að finna fleiri styrki í verkefnið. Staðfestur listi yfir þá listamenn sem taka þátt í sýningunni í ár mun liggja fyrir fljótlega.

Liður 6
Bryndís fór yfir stöðuna á bæklingum fyrir sumarið. Bæklingarnir eru í prentun og von á þeim fyrir Hammondhátíð.

Fleira var ekki tekið fyrir á fundinum og honum slitið kl. 16:00

Ritari: Þorbjörg Sandholt

18.07.2017

22. febrúar 2017


Fundur ferða- og menningarmálanefndar

Fundur var haldinn í ferða- og menningarmálanefnd miðvikudaginn 22.febrúar 2017 kl 14:00, að Bakka 1, Djúpavogi.

Fundinn sátu, Kristján Ingimarsson formaður, Þorbjörg Sandholt, Hörður Þórbjörnsson og Bryndís Reynisdóttir ferða og menningarmálafulltrúi.

Dagskrá:
1. Rúllandi snjóbolti
2. Cittaslow
3. Upplýsingamiðstöð
4. Hammondhátíð
5. Tankurinn
6. Bæklingar
7. Skiltamál
8. Rútustæði og göndustígar

Liður 1
Rætt var um Rúllandi Snjóbolta/7 sem verður opinn í sumar frá 15. júlí til 20. ágúst. Sýningin hefur nú þegar fengið styrki að upphæð 1.800.000- og þakkar nefndin kærlega fyrir það, unnið er að því að leita fleiri styrkja. Rúllandi Snjóbolti var tilnefndur til Eyrarrósarinnar í ár sem var ánægjulegt.

Liður 2
Bryndís gerði grein fyrir hvernig Cittaslowráð eru starfandi í mörgum sveitarfélögum og væri möguleiki á að koma slíku ráði í gang í Djúpavogshreppi. Bryndís gerði grein fyrir því að Cittaslow í Djúpavogshreppi fékk styrk úr Uppbyggingasjóði Austurlands að upphæð 500.000- . Styrkurinn ætlaður til uppbyggingar miðstöðvar Cittaslow á Íslandi og þakkar nefndin kærlega fyrir styrkinn.

Liður 3
Rætt var um rekstur upplýsingamiðstöðvar í sumar. Nefndin telur mikilvægt að hafa upplýsingamiðstöð opna í sveitarfélaginu í einhverju formi en leggur til að skoðaðar verði nýjar leiðir og opnunartími verði endurskoðaður.

Liður 4
Rætt var um untandagskrá í tengslum við Hammondhátíð í vor og ákveðið var að halda skipulagsfund þar sem þessi mál verða ákveðin. Fundurinn verður haldinn í Löngubúð þriðjudaginn 8. mars kl. 17:00.

Liður 5
Uppbyggingasjóður Austurlands styrkti Tankinn um 300.000- krónur og þakkar nefndin kærlega fyrir það. Styrkurinn er áætlaður í frekari framkvæmdir við Tankinn og hvetur nefndin listamenn til að nýta sér Tankinn.

Liður 6
Bryndís kynnti hugmyndir að endurbættum bæklingi og kynningarefni fyrir Djúpavogshrepp sem vonandi verður tilbúið fyrir vorið.

Liður 7
Skiltamál voru rædd fyrir sumarið.

Liður 8
Rútustæði og göngustígar voru rædd og nefndin leggur áherslu á að þau mál komist í gott lag sem fyrst.


Fleira var ekki tekið fyrir á fundinum og honum slitið kl. 15:50.


Ritari: Þorbjörg Sandholt

18.07.2017

16. nóvember 2016

Fundur ferða- og menningarmálanefndar

Fundur var haldinn í ferða- og menningarmálanefnd, miðvikudaginn 16. nóvember kl. 14:30, að Bakka 1, Djúpavogi.

Fundinn sátu, Þorbjörg Sandholt formaður, Berglind Häsler, Hörður Þórbjörnsson og Bryndís Reynisdóttir ferða- og menningarfulltrúi var á Skype.

Liður 1
Farið yfir erindisbréf nefndarinnar sem sjá má á heimssíðu Djúpavogshrepps undir stjórnsýsla – nefndir og ráð – ferða og menningarmálanefnd.

Liður 2
Síðastliðin ár hefur verið hægt að kaupa minjagripi af eggjunum í Gleðivík á upplýsingamiðstöðinni og víðar. Upplag eggjanna er nú á þrotum og var nefndin sammála um að Djúpavogshreppur ætti ekki að kaupa nýtt upplag og var ferða- og menningarfulltrúa falið að leita til einkaaðila um mögulega aðkomu að því máli.

Liður 3
Rætt var um möguleika í rekstri upplýsingamiðstöðva. Ferða- og menningarfulltrúa falið að hafa samband við sveitarfélög sem farið hafa nýjar leiðir í þessum efnum. Nefndin sammála um að það sé mikilvægt að hafa upplýsingamiðstöð en ljóst að leita þarf nýrra leiða í rekstri.

Liður 4
Málefni Rúllandi Snjóbolta voru rædd og nefndin leggur áherslu á mikilvægi þess að halda áfram með þetta metnaðarfulla verkefni. Ferða- og menningarfulltrúa falið að leita styrkja í verkefnið.

Liður 5
Formaður gerði grein fyrir verkefninu Áfangastaðurinn Austurland en nýlega kynntu starfsmenn Austurbrúar verkefnið fyrir sveitarstjórn Djúpavogshrepps. Lesa má um verkefnið á http://destinationausturland.com

Liður 6
Bryndís gerði grein fyrir stöðu Bóndavörðunnar en stútfullt jólablað kemur út 1. desember.

Liður 7
Rætt var um fyrirhugaðan fund um ferða- og menningarmál sem haldinn verður í desember og nánar auglýstur síðar.

Fleira var ekki tekið fyrir á fundinum og honum slitið kl. 16:10
Ritari: Þorbjörg Sandholt

18.11.2016

20. júlí 2016

Fundur ferða- og menningarmálanefndar

Fundur var haldinn í ferða- og menningarmálanefnd  mánudaginn 20. júlí kl. 9.00 að Bakka 1, Djúpavogi. 

Fundinn sátu Erla Dóra Vogler, Hörður Þórbjörnsson, Þorbjörg Sandholt og Þór Vigfússon.

 

Liður 1 

Rætt um fyrirhugaðar breytingar á Bakkasvæðinu. Nefndin er sammála um jákvæðar breytingar hafa átt sér stað með því að færa þvottaplanið. Fyrirhugað er að merkja aðgengi fyrir gangandi umferð. Einnig þarf að merkja sérstakt sleppistæði fyrir rútur vel þar sem gert er ráð fyrir að þær stoppi í ca 5 mínútur og hleypi fólki út en leggi á öðrum stað sem merkja þarf sérstaklega. Nefndin er sammála um að sleppistæðið sem þegar er merkt, fyrir framan Bakkabúð henti best til slíks. 

Búið er að setja upp bekki á gamla þvottaplanið. 

Liður 2 

Eggin sem seld hafa verið sem minjagripir eru að verða uppseld. Nefndin leggur til að keypt verði nýtt upplag af eggjunum sem seld verða á upplýsingamiðstöðinni og verslunum og ferðaþjónustustöðum Djúpavogs.

Liður 3 

Boðið er upp á niðurgreidda klassíska tónleika úti á landsbyggðinni, svokallaða Landsbyggðatónleikar. Á fyrri fundi F&M nefndar hafði verið samþykkt að kanna möguleika á að fá slíka tónleika hingað. Nefndin leggur til Erla Dóra hafi samband við forsvarsmenn þeirra og gangi frá samningi um að hér verði tónleikar í lok ágúst. 

Liður 4 

Nefndin leggur til að þróunarstyrkur til menningarmála frá SSA 2016 fari í að efla samtímamyndlist og klassíska tónlistarmenningu í Djúpavogshreppi. 

Liður 5 

Borið hefur á að skilti sem segja til um að ekki skuli tjalda eða gista í bílum séu tekin ófrjálsri hendi, sem er miður. Búið er að panta ný skilti sem verða sett niður sem fyrst. 

Verið er að undirbúa að setja upp áberandi og upplýsandi skilti við innkomu bæjarins sem m.a. segi ferðamönnum að aðeins skuli gist á merktum tjaldstæðum. 

Liður 6

Farið var yfir þá staði, svæði og leiðir í Djúpavogshreppi sem ætti að senda inn til gerðar Landsáætlunar um uppbygging innviða á ferðamannastöðum sem á að ná til verndar náttúru og menningarminja. Farið var yfir tillögur sem komu frá ferðaþjónustuaðilum auk hugmynda sem áður höfðu komið fram, gerður aðgerðarlisti og reynt að forgangsraða verkefnum.

Liður 7

Rætt var um að það vanti sárlega gangstétt eða göngustíg til að tengja Gleðivík til að tryggja öryggi gangandi vegfarenda. Mikil umferð er um þetta svæði bæði gangandi og akandi.

 

Fleira var ekki tekið fyrir á fundinum og honum slitið kl. 11:00

Ritari: Þorbjörg Sandholt

Fundur ferða- og menningarmálanefndar

 

Fundur var haldinn í ferða- og menningarmálanefnd

mánudaginn 20. júlí kl. 9.00 að Bakka 1, Djúpavogi.

 

Fundinn sátu Erla Dóra Vogler, Hörður Þórbjörnsson, Þorbjörg Sandholt og Þór Vigfússon.

 

 

Liður 1

Rætt um fyrirhugaðar breytingar á Bakkasvæðinu. Nefndin er sammála um jákvæðar breytingar hafa átt sér stað með því að færa þvottaplanið. Fyrirhugað er að merkja aðgengi fyrir gangandi umferð. Einnig þarf að merkja sérstakt sleppistæði fyrir rútur vel þar sem gert er ráð fyrir að þær stoppi í ca 5 mínútur og hleypi fólki út en leggi á öðrum stað sem merkja þarf sérstaklega. Nefndin er sammála um að sleppistæðið sem þegar er merkt, fyrir framan Bakkabúð henti best til slíks.

Búið er að setja upp bekki á gamla þvottaplanið.

 

Liður 2

Eggin sem seld hafa verið sem minjagripir eru að verða uppseld. Nefndin leggur til að keypt verði nýtt upplag af eggjunum sem seld verða á upplýsingamiðstöðinni og verslunum og ferðaþjónustustöðum Djúpavogs.

 

Liður 3

Boðið er upp á niðurgreidda klassíska tónleika úti á landsbyggðinni, svokallaða Landsbyggðatónleikar. Á fyrri fundi F&M nefndar hafði verið samþykkt að kanna möguleika á að fá slíka tónleika hingað. Nefndin leggur til Erla Dóra hafi samband við forsvarsmenn þeirra og gangi frá samningi um að hér verði tónleikar í lok ágúst.

 

Liður 4

Nefndin leggur til að þróunarstyrkur til menningarmála frá SSA 2016 fari í að efla samtímamyndlist og klassíska tónlistarmenningu í Djúpavogshreppi.

 

Liður 5

Borið hefur á að skilti sem segja til um að ekki skuli tjalda eða gista í bílum séu tekin ófrjálsri hendi, sem er miður. Búið er að panta ný skilti sem verða sett niður sem fyrst.

Verið er að undirbúa að setja upp áberandi og upplýsandi skilti við innkomu bæjarins sem m.a. segi ferðamönnum að aðeins skuli gist á merktum tjaldstæðum.

 

Liður 6

Farið var yfir þá staði, svæði og leiðir í Djúpavogshreppi sem ætti að senda inn til gerðar Landsáætlunar um uppbygging innviða á ferðamannastöðum sem á að ná til verndar náttúru og menningarminja. Farið var yfir tillögur sem komu frá ferðaþjónustuaðilum auk hugmynda sem áður höfðu komið fram, gerður aðgerðarlisti og reynt að forgangsraða verkefnum.

 

Liður 7

Rætt var um að það vanti sárlega gangstétt eða göngustíg til að tengja Gleðivík til að tryggja öryggi gangandi vegfarenda. Mikil umferð er um þetta svæði bæði gangandi og akandi.

 

 

Fleira var ekki tekið fyrir á fundinum og honum slitið kl. 11:00

Ritari: Þorbjörg Sandholt

 

 

 

 

 

 

06.10.2016

18. apríl 2016

Fundur ferða- og menningarmálanefndar

Fundur var haldinn í ferða- og menningarmálanefnd mánudaginn 18. apríl kl. 14:30 að Bakka 1, Djúpavogi.

Fundinn sátu Berglind Häsler, Erla Dóra Vogler, Rán Freysdóttir og Þorbjörg Sandholt.

 

Liður 1

Erla Dóra gerir grein fyrir stöðu skiltamála. Fyrirhugað er að setja upp leiðbeinandi skilti fyrir sumarið. Skiltin eru tilbúin og fara upp á næstu vikum.

Liður 2

Hverfaveislan sem haldin var 10. apríl s.l. lukkaðis vel og taldi nefndin um 80 manns í íþróttahúsinu. Nefndin telur mikilvægt að halda í slíka samfélagsdaga. Nefndin ræddi um dagskrá á sjómannadegi og 17. júní og býður fram krafta sína við að koma að skipulagi á þessum dögum.

Liður 3

Menningarstefna Djúpavogshrepps sem er í vinnslu og til stóð að kæmi út í vor frestast trúlega fram á haust, vegna annara verkefna.

Liður 4

Erla Dóra lagði fram til kynningar tónlistarviðburði frá Félagi íslenskra tónlistarfmanna - klassískri deild FÍH, landsbyggðartónleika. Margir áhugaverðir tónlistarviðburðir eru í boði og nefndin leggur til að kvartett tónleikar verði á dagskrá hjá okkur í sumar (Hanna Dóra Sturludóttir og Chalumeaux-tríóið), mögulega í tengslum við annan viðburð eða hátíð. Verð fyrir tónleikana sjálfa er 70.000 kr. Sveitarfélagið þyrfti að sjá um uppihald og ferðakostnað en FÍT kemur til móts við útlagðan ferðakostnað.

Liður 5

Rætt var um innleiðingu Cittaslow hugmyndafræðinnar í Djúpavogsskóla. Sú vinna er ágætlega á veg komin undir stjórn Bryndísar Skúladóttur. Verkefnið fékk styrk að upphæð 2.100.000 kr. úr Sprotasjóði og þakkar nefndin góðan styrk.

Liður 6

Ársfundur Norðurlandanets Cittaslow verður haldin á Djúpavogi 25. – 26. maí. Dagskrá fyrir fundardagana er langt komin og stendur til að kynna sem flesta þætti Cittaslow í Djúpavogshreppi fyrir fundarmeðlimum Cittaslow.

Liður 7

Erla Dóra fór fyrir stöðuna við vinnuna við að endurbæta gönguleiðakort sem gengur vel. Verkefnið fékk styrk að upphæð 3.800.000 kr. úr Framkvæmdasjóði ferðamannastaða til eflingar gönguferðamennsku á svæðinu. Nefndin þakkar góðan styrk.

Liður 8

Styrkur að upphæð 500.000 kr. fékkst frá Uppbyggingarsjóði til grunnframkvæmda til að gera Tankinn innan og ofan við Bræðsluna að sýningar-/viðburðarými. Tankurinn verður þrifinn á næstu dögum og í framhaldi af því verður boðað til fundar með þeim sem áhuga hafa að koma að verkefninu.

Liður 9

Fyrirhugað er að merkja bílaplanið og planið fyrir framan Bakkabúð í sumar til að takmarka bílaumferð á svæðinu og gera gangandi umferð í miðbænum hærra undir höfði.

Liður 10

Heimasíða Ríkarðssafns (www.rikardssafn.is) er ekki lengur til. Gerð nýrrar heimasíðu bíður þar sem ekki var gert ráð fyrir slíku í fjárhagsáætlun ársins.

Liður 11

Djúpavogshreppur mun taka þátt í List án landamæra. Hátíðin í ár er þannig upp sett að hægt er að hafa viðburði á vegum hennar allt árið um kring. Bæði virðist vera áhugi á því sem og opnunarviðburði.

Liður 12

Aðalfundur Skógræktarfélags Íslands verður haldinn á Djúpavogi dagana 2.-4. september nk. Skógræktarfélag Djúpavogs biður um að Djúpavogshreppur styrki félagið um fræðslu, skemmtun og veitingar á Teigarhorni föstudaginn 2. september kl. 14-17:00. Ferða- og menningarmálanefnd er hlynnt því að verða við þessari bón félagsins.

 

Fleira var ekki tekið fyrir á fundinum og honum slitið kl. 16:00

Ritari: Þorbjörg Sandholt

06.10.2016

9. mars 2016

Fundur ferða- og menningarmálanefndar

Fundargerð 9. mars 2016

Fundur var haldinn í ferða- og menningarmálanefnd  miðvikudaginn 9. febrúar kl. 17:00 að Bakka 1, Djúpavogi.

Fundinn sátu Erla Dóra Vogler, Hörður Þórbjörnsson, Þorbjörg Sandholt og Þór Vigfússon.

Liður 1
Erla Dóra gerir grein fyrir stöðu skiltamála. Flest skilti tilbúin og fara fljótlega á sinn stað.

Liður 2
Sunnudaginn 10. apríl verður haldið “hverfakaffi” í Íþróttamiðstöð Djúpavogshrepps. Nánar auglýst síðar.

Liður 3
Erla Dóra gerir grein fyrir vinnu við menningarstefnu Djúpavogshrepps sem er í vinnslu. Stefnt er að klára hana fyrir vorið.

Liður 4
Erla Dóra fór yfir stöðuna á PocketGuide verkefninu. Vinnan við það gengur loksins vel og vonandi verður það tilbúið fyrir vorið.

Liður 5
Fundur verður haldinn um utandagskrá Hammondhátíðar, mánudaginn 14. mars kl. 17:00 í Geysi og hvetur nefndin áhugasama um að mæta.

Liður 5
Erla Dóra lagði áherslu á mikilvægi þess að koma munum sem gefnir hafa verið á söfn í Djúpavogshreppi í örugga geymslu á meðan verið er að finna þeim endanlega staðsetningu.

Liður 6
Rætt var um innleiðingu Cittaslow hugmyndafræðinnar í Djúpavogsskóla. Sú vinna er ágætlega á veg komin undir stjórn Bryndísar Skúladóttur.

Liður 7
Ársfundur norðurlandsnets Cittaslow verður haldin á Djúpavogi í lok maí. Unnið er að skipulagðri dagskrá fyrir fundinn.

Liður 8
Rætt var um verkefnið Áfangastaðinn Austurland. Ánægja var með kynningarfundinn sem haldinn var um verkefnið í Löngubúð þriðjudaginn 8. mars s.l. á vegum Austurbrúar. 

Liður 9
Erla Dóra fór fyrir stöðuna á vinnu við endurbætt gönguleiðakort sem gengur vel. Erla Dóra og nefndin þakkar þeim aðilum sem lagt hafa fram vinnu sína við endurbætur á kortinu.

Liður 10
Heimasíða Ríkarðssafns er ekki lengur á internetinu. Vinna við endurgerð á heimasíðunni er á byrjunarstigi.

Liður 11
Listamenn í heimabyggð í samvinnu við Djúpavogshrepp fengu styrk úr Uppbyggingasjóði Austurlands til að vinna að því að gera tankinn inn við Bræslu að sýningarrými. Grunnvinna við tankinn hefst fljótlega og til stendur hann verði nothæfur í sumar. Á næstu vikum verður boðað til fundar þangað sem allir eru velkomnir sem áhuga hafa.

Liður 12
Skógræktarfélag Djúpavogs mun sjá um Aðalfundur Skógræktarfélags Íslands sem haldinn verður hér á Djúpavogi í haust. Undirbúningur er hafin og gengur vel.

Liður 13
Bóndavarðan kemur út í byrjun apríl. Erla Dóra hefur óskað eftir auglýsingum og greinum sem fyrst.

Fleira var ekki tekið fyrir á fundinum og honum slitið kl. 18:40
Ritari: Þorbjörg Sandholt

11.03.2016

23. nóvember 2015

Fundur ferða- og menningarmálanefndar

Fundargerð 23. nóvember 2015

Fundur var haldinn í ferða- og menningarmálanefnd mánudaginn 23. nóvember kl. 15:00 að Bakka 1, Djúpavogi.

Fundinn sátu Erla Dóra Vogler, Hörður Þórbjörnsson, Þór Vigfússon og Þorbjörg Sandholt.

Liður 1
Rætt um kynningarmyndband sem Saga film gerði fyrir Icelandair og hægt er að horfa á í vélum þeirra. Sveitarfélögin á Austurlandi gerðu samning við Icelandair í gegnum Austubrú við Icelandair. Nefndin lýsir yfir óánægju með hvernig staðið var að gerð kynningarmyndbandsins og útkomu þess. Ferða- og menningarmálafulltrúi mun koma skoðun nefndarinnar til hlutaðeigandi aðila. Hægt er að skoða myndbandið hér: https://www.youtube.com/watch?v=mEh8fOGPi8g

Liður 2
Nefndin leggur til að sitjandi ferða- og menningarnefnd hvers tíma myndi stjórn Löngubúðar og því sem menningarhúsinu fylgir. Hún sé tengiliður við rekstraraðila Löngubúðar og stjórn Ríkarðssafns.

Liður 3
Nefndin lýsir yfir ánægju með gestalistamennina sem dvelja hér þessa dagana. Svein Erik og Marie Elisabeth stefna á að halda kynningu á vinnu sinni fimmtudaginn 26. nóvember í Löngubúð kl. 20:00.

Liður 4
Erla fer yfir styrkjamál, en hún vinnur að því þessa dagana að sækja um ýmsa menningarstyrki.

Liður 5
Erla gerir grein fyrir fundi sem haldinn var í Sviðslistamiðstöð Austurlands á Egilsstöðum í sláturhúsinu, með fulltrúum leikfélaga á Austurlandi. Stefnt er að því efla samstarf leikfélaga á Austurlandi.

Liður 6
Unnið úr athugasemdir frá opnum fundi um menningarstefnu Djúpavogshrepps og haldið áfram vinnu við mótum menningarstefnunnar.


Fleira var ekki tekið fyrir á fundinum og honum slitið kl. 17:15
Ritari: Þorbjörg Sandholt

22.02.2016