Djúpavogshreppur
A A

Fundargerðir

16. apríl 2013 (aukafundur)

Sveitarstjórn Djúpavogshrepps:  Fundargerð 16.04.2013

3. aukafundur 2010-2014

Aukafundur var haldinn í sveitarstjórn Djúpavogshrepps þriðjudaginn 16. apríl 2013 kl. 16:00.  Fundarstaður: Geysir.
Mættir voru:  Andrés Skúlason, Albert Jensson, Ingibjörg Bára Gunnlaugsdóttir, Sóley Dögg Birgisdóttir  og Þórdís Sigurðardóttir. Einnig sat fundinn Gauti Jóhannesson, sveitarstjóri. Andrés stjórnaði fundi.


Dagskrá:

1.    Kjörskrá

Sveitarstjórn Djúpavogshrepps  samþykkir að fela sveitarstjóra að semja kjörskrá.
Jafnframt er sveitarstjóra veitt fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna Alþingiskosninga 27. apríl nk. í samræmi við 27. gr. laga um kosningar til Alþingis.


Fleira ekki fyrir tekið. Fundi slitið kl. 16:30.

Fundargerðin færð í tölvu, lesin upp, staðfest, prentuð út og síðan undirrituð.
Gauti Jóhannesson, fundarritari.

17.04.2013

21. mars 2013

Sveitarstjórn Djúpavogshrepps:  Fundargerð 21.03.2013

35. fundur 2010 – 2014

Fundur var haldinn í sveitarstjórn Djúpavogshrepps fimmtudaginn 21. mars 2013 kl. 16:00.
Fundarstaður: Langabúð.

Mættir voru: Andrés Skúlason, Albert Jensson, Sóley Dögg Birgisdóttir, Ingibjörg Bára Gunnlaugsdóttir og  Þórdís Sigurðardóttir. Einnig sat fundinn Gauti Jóhannesson, sveitarstjóri. Andrés stjórnaði fundi.

Dagskrá:

1.    Fundargerðir

a)    Stjórn SSA, dags. 5. febrúar 2013.
b)    Hafnasamband Íslands, dags. 15. febrúar 2013.
c)    Samband íslenskra sveitarfélaga, dags. 1. mars 2013.
d)    Framkvæmdaráð SSA, dags. 18. febrúar 2013.
e)    Skólaskrifstofa Austurlands, dags. 12. mars 2013

2.    Erindi og bréf

a)    Austurbrú, samkeppni um merki og nafn fyrir almenningssamgöngur, dags. 15. febrúar 2013. Sveitarstjóri niðurstöður dómnefndar um nýtt merki og nafn vegna almenningssamgangna á Austurlandi. Samþykkt samhljóða.
b)    UMFÍ, kynning á niðurstöðum þátttakenda á ráðstefnu UMFÍ, dags. 1. mars 2013. Lagt fram til kynningar.
c)    Velferðarvaktin, málefni fjölskyldna á Íslandi, dags. 20. febrúar 2013. Lagt fram til kynningar.
d)    Íþróttafélagið Huginn, dags. mars 2013 – samþykkt að gefa 12.000 kr í tilefni 100 ára afmælis félagsins.

3.    Hafnarframkvæmdir

Sveitarstjóri kynnti tillögu Siglingastofnunar um að gengið verði til samninga við lægstbjóðanda vegna framkvæmda við nýja smábátabryggju í Djúpavogshöfn 2013. Málið hefur þegar fengið umfjöllun og jákvæða afgreiðslu hjá Hafnarnefnd Djúpavogshrepps. Samþykkt samhljóða og sveitarstjóra falið að ganga frá undirritun verksamnings.

4.    Stjórnsýsluúttekt KPMG

Sveitarstjóri gerði grein fyrir stjórnsýsluúttekt sem gerð var á vegum KPMG vegna ársins 2012.

5.    Frá Félagsmálanefnd

Kynnt var framkvæmdaáætlun í barnavernd, starfsáætlun 2013 og nýjar reglur um  sérstakar húsaleigubætur.  Samþykkt samhljóða.

6.    Byggingartengd mál

a)    Oddviti og sveitarstjóri kynntu nýja samþykkt um byggingartengd gjöld, unna í samráði við byggingarfulltrúa. Samþykkt samhljóða.
b)    Markarland 2.  19.03. 2013.  Skipulags- bygginga- og umhverfisnefnd.  Teikningar frá  Sniddu /vinnustofu arkitekta Egilsstöðum / Anna María Þórhallsdóttir af breytingum á innra skipulagi og stækkun hússins að Markarlandi 2 lagðar fram ásamt skráningartöflu samþykkt samhljóða af hálfu SBU.   Staðfest af sveitarstjórn.

7.    Cittaslow

Sveitarstjóri gerði grein fyrir því að Djúpavogshreppur hefur formlega fengið aðild að Cittaslow samtökunum. Aðild verður staðfest í Kristiinankaupunki Merikatu í Finlandi og mun sveitarstjóri fara þangað fyrir hönd sveitarfélagsins 11.apríl næstk.Verkefnið er styrkt af Nýsköpunarmiðstöð Íslands.

8.    Sóknaráætlun Austurlands

Sveitarstjóri kynnti nýja sóknaráætlun Austurlands.

9.    Málefni Safnahúss

Sveitarstjóri kynnti erindi frá Fljótsdalshéraði dags.19.feb.2013. Sveitarstjórn samþykkir tillögur að breytingum á rekstrarformi og eignarhaldi safnahússins á Egilsstöðum.

10.    Skipulagsstofnun vegna Axarvegar

Lagt fram bréf frá Skipulagsstofnun vegna breyttrar legu Axarvegar milli Háubrekku og Reiðeyrar í Djúpavogshreppi.  Í bréfinu kemur fram að það sé niðurstaða Skipulagsstofnunnar eftir að hafa yfirfarið þau gögn sem lögð voru fram af hálfu Vegagerðarinnar  til kynningar og umsagnar að vegalagning samkvæmt veglínu G milli Háubrekku og Reiðeyrar í Djúpavogshreppi skuli ekki háð mati á umhverfisáhrifum.  Sveitarstjórn fagnar því að tekist hafi að draga úr umhverfisáhrifum með fyrirliggjandi breytingu á vegstæði með þeirri niðurstöðu að Skipulagsstofnun telji ekki ástæðu til athugasemda vegna framkvæmdarinnar.  Djúpavogshreppur mun vinna að breytingum á aðalskipulagi að tilmælum Skipulagsstofnunar í samræmi við breytta legu vegarins.

11.    Skýrsla sveitarstjóra

a)    Fundarferð oddvita. Oddviti gerði grein fyrir fundarferð til Reykjavíkur dagana 14.-15. mars. Oddviti sótti m.a. fundi í ráðuneyti Umhverfismála, vegna Ríkarðshúss, Landsþing sveitarfélaga, Lánasjóð sveitarfélaga og ráðstefnu um orku, olíu og fisk, haldin af sveitarfélögum á landsvísu.
b)    Málefni eldri borgara. Sveitarstjóri gerði grein fyrir stöðu mála varðandi nýja aðstöðu eldri borgara í Vogi.
c)    Starfsmannamál. Sveitarstjóri gerð grein fyrir stöðu starfsmannamála í áhaldahúsi.
d)    Stofnskrá Ríkarðshúss – sveitarstjóri og oddviti skýrðu frá frágangi á stofnskjali vegna Ríkarðshúss sem og 15 m kr framlagi frá menntamálaráðuneytinu til verkefnisins sem ber að fagna sérstaklega.

Fleira ekki fyrir tekið. Fundi slitið kl. 17:40.
Fundargerðin færð í tölvu, lesin upp, staðfest, prentuð út og síðan undirrituð.
Gauti Jóhannesson, fundarritari.

22.03.2013

14. febrúar 2013

Sveitarstjórn Djúpavogshrepps:  Fundargerð 14.02.2013

34. fundur 2010 – 2014

Fundur var haldinn í sveitarstjórn Djúpavogshrepps fimmtudaginn 14. febrúar 2013 kl. 16:00. Fundarstaður: Langabúð.

Mættir voru: Andrés Skúlason, Albert Jensson, Sóley Dögg Birgisdóttir, Sigurður Ágúst Jónsson og Þórdís Sigurðardóttir. Einnig sat fundinn Gauti Jóhannesson, sveitarstjóri. Andrés stjórnaði fundi.

Dagskrá:

1.    Fundargerðir

a)    SBU, dags. 31. janúar 2013. Liður 1: Kamína í Búlandi 16, staðfest. Að öðru leyti lögð fram til kynningar.
b)    SSA, dags. 8. janúar 2013. Lögð fram til kynningar.
c)    SSA, dags. 5. febrúar 2013. Liður 1g: Sveitarstjórn leggur áherslu á að almennt verði leitað leiða til að kynna Austurland sem eina heild þegar mjög stórar og viðamiklar fjárfestingar eru til skoðunar innan fjórðungsins.
d)    Héraðsskjalasafn Austfirðinga, dags. 23. janúar 2013. Lögð fram til kynningar.
e)    Héraðsskjalasafn Austfirðinga, dags. 30. janúar 2013. Lögð fram til kynningar.
f)    Héraðsskjalasafn Austfirðinga, dags. 6. febrúar 2013. Lögð fram til kynningar.
g)    Heilbrigðisnefnd Austurlands, dags. 14. janúar 2013. Lögð fram til kynningar.
h)    Hafnasamband Íslands, dags. 18. janúar 2013. Lögð fram til kynningar.
i)      Samtök sjávarútvegssveitarfélaga, dags. 16. janúar 2013. Lagt fram til kynningar.
j)      Samband íslenskra sveitarfélaga, dags. 25. janúar 2013. Lögð fram til kynningar.

2.    Erindi og bréf

a)    Lífstöltið, dags. 7. febrúar 2013.
b)    Samtök sjávarútvegssveitarfélaga, byggðakvóti, dags. janúar 2013. Sveitarstjóra og oddvita falið að bregðast við efni bréfsins.   
c)    Atvinnuvega- og nýsköpunarráðuneytið, umsókn í Framkvæmdasjóð ferðamannastaða, dags. 25. janúar 2013.
d)    Síminn, ljósnet á Djúpavog, dags. 6. febrúar 2013.
Sveitarstjórn fagnar uppsetningu ljósnetsins á Djúpavogi sem ráðgerð er á þriðja ársfjórðungi.

3.    Félagsmálanefnd

Sveitarstjóri kynnti breyttar reglur um fjárhagsaðstoð. Samþykkt samhljóða.

4.    Kjör fulltrúa á 27. Landsþing sambands íslenskra sveitarfélaga 15 mars.

Aðalmaður: Andrés Skúlason Til vara: Albert Jensson

5.    Kjör stjórnarmanna í Ríkarðshús

Lögð fram lokadrög að stofnskrá fyrir Ríkarðshús. Hún samþykkt samhljóða. Jafnframt samþykkt að Andrés Skúlason og Þór Vigfússon verði fulltrúar Djúpavogshrepps í stjórn Ríkarðshúss.

6.    Cittaslow

Sveitarstjóri gerði grein fyrir stöðu mála gagnvart umsókn sveitarfélagsins að Cittaslow (cittaslow.com). Sveitarstjórn samþykkir samhljóða að sveitarfélagið sæki um aðild að samtökunum og felur sveitarstjóra frekari úrvinnslu málsins.

7.    Útboð vegna bryggjusmíði í Djúpavogshöfn.

Sveitarstjóri gerði grein fyrir tilboðum sem borist hafa í framkvæmdina.
Fulltrúar hafnarnefndar og sveitarstjóri munu á næstu dögum fara yfir tilboðin með Siglingastofnun.   

8.    Kaup ríkisins  á Teigarhorni

Eins og kunngert hefur verið hefur ríkisjóður að tillögu umhverfis- og auðlindaráðherra Svandísar Svavarsdóttur keypt óðalsjörðina Teigarhorn, en með kaupunum er stuðlað að enn frekari verndun  náttúru- og menningarminja á svæðinu.  Þá eru aðrir mikilvægir þættir tryggðir til framtíðar með kaupunum á þessari fornfrægu jörð t.d. vatnstökusvæði þéttbýlisins á Djúpavogi. Þá má leiða líkum að því að kaupin muni styrkja svæðið í heild mjög mikið til framtíðar litið er varðar ferðaþjónustu- og menningartengda starfsemi.  Það að Teigarhorn er nú í komið í opinbera eigu er því að mati sveitarstjórnar mikið fagnaðarefni og hagsmunamál fyrir íbúa Djúpavogshrepps sem og landsmenn alla.  Unnið er að því að móta nánara fyrirkomulag og framtíðarstefnu um jörðina.  Ríkið tekur formlega við jörðinni þann 15. apríl næstk. og hafa fulltrúar sveitarfélagsins þegar lýst áhuga á að Djúpavogshreppur fái umsjónarhlutverk með jörðinni og skýrast þau mál innan tíðar hvort af því verður. Oddviti fór yfir aðkomu sína að málinu og þá miklu vinnu sem innt hefur verið af hendi um árabil vegna þess. Þakka skal öllum sem höfðu aðkomu að frágangi þessa máls, ekki síst fyrrum óðalserfingjum.

9.    Markarland 2

Sveitarstjóri gerði grein fyrir stöðu framkvæmda við nýja félagsmiðstöð eldri borgara að Markarlandi 2 og fór yfir stækkun á húsnæðinu sem þegar hefur verið lögð fram til kynningar hjá SBU. Í ljósi stækkunar seinkar opnun hússins töluvert en stefnt er að félagsstarf geti hafist af fullum krafti í nýju húsnæði frá og með haustinu og hefur það þegar verið kynnt meðal markhópsins.

10.    Skýrsla sveitarstjóra

a)    Suðurferð sveitarstjóra og oddvita í jan. Velferðarráðuneyti, útgerðarmenn í Grindavík , umhverfisráðuneyti, þjóðminjasafn, Teiknistofa GJ og fl.
b)    Kjaraviðræður kennara. Sveitarstjóri gerði grein fyrir stöðu mála í kjaraviðræðum launanefndar sambands íslenskra sveitarfélaga og Félags grunnskólakennara.
c)    Verklag vegna umsagna um þingsályktunartillögur, frumvörp og önnur erindi. Sveitarstjóri fór yfir hugmyndir að verklagi vegna aðsendra erinda.
d)    Aukin hreindýrakvóti – sveitarstjóri gerði grein fyrir fundi með fulltrúum umhverfisstofnunnar á Djúpavogi þann 12. feb.
e)    Sóknaráætlun – sveitarstjóri gerði grein fyrir stöðu mála er varðar vinnu við áætlunina.
f)    Sveitarstjóri tilkynnti að úthlutunarfundur menningaráðs verði þann 1. mars á Djúpavogi.

Fleira ekki fyrir tekið. Fundi slitið kl. 17:40.
Fundargerðin færð í tölvu, lesin upp, staðfest, prentuð út og síðan undirrituð.
Gauti Jóhannesson, fundarritari.

15.02.2013

10. janúar 2013

Sveitarstjórn Djúpavogshrepps:  Fundargerð 10.01.2013

33. fundur 2010 – 2014

Fundur var haldinn í sveitarstjórn Djúpavogshrepps fimmtudaginn 10. janúar 2013 kl. 16:00.
Fundarstaður: Langabúð.

Mættir voru: Andrés Skúlason, Albert Jensson, Ingibjörg Bára Gunnlaugsdóttir, Sóley Dögg Birgisdóttir og  Þórdís Sigurðardóttir. Einnig sat fundinn Gauti Jóhannesson, sveitarstjóri. Andrés stjórnaði fundi.

Dagskrá:

1.    Fundargerðir

a)    Framkvæmdastjórn Skólaskrifstofu Austurlands, dags. 20. nóvember. Lögð fram til kynningar.
b)    Skólaskrifstofa Austurlands, dags. 23. nóvember 2012. Lögð fram til kynningar.
c)    Heilbrigðisnefnd Austurlands, dags. 12. desember 2012. Lögð fram til kynningar.
d)    Héraðsskjalasafn Austfirðinga, dags. 18. desember 2012. Lögð fram til kynningar.
e)    Samtök sjávarútvegssveitarfélaga, dags. 11. desember 2012. Lögð fram til kynningar.
f)    Samband íslenskra sveitarfélaga, dags. 12. desember 2012. Lögð fram til kynningar.

2.    Erindi og bréf

a)    SBU, deiliskipulag í Fljótsdalshreppi, dags. 2. janúar 2013. Staðfest af sveitarstjórn.

3.    Almenningssamgöngur

Sveitarstjóri kynnti yfirlýsingu sveitarfélaga á Austurlandi um almenningssamgöngur.
Honum falið að undirrita og staðfesta fyrir hönd sveitarstjórnar.

4.    Sérstakar húsaleigubætur

Sveitarstjóri kynnti hugmyndir um sérstakar húsaleigubætur. Nú er unnið að endurbótum á reglum um sérstakar húsaleigubætur hjá Félagsmálanefnd Fljótsdalshéraðs.  Ákveðið að fresta afgreiðslu málsins og hafa þær til hliðsjónar við endanlega afgreiðslu í ljósi samvinnu sem til staðar er innan málaflokksins.

5.    Skýrsla sveitarstjóra

a)    Hafnarframkvæmdir. Sveitarstjóri gerði grein fyrir stöðu framkvæmda en útboð vegna þeirra fram 19. janúar nk.

Fleira ekki fyrir tekið. Fundi slitið kl. 17:50.
Fundargerðin færð í tölvu, lesin upp, staðfest, prentuð út og síðan undirrituð.
Gauti Jóhannesson, fundarritari.

11.01.2013