Djúpavogshreppur
A A

Fundargerðir

12. júlí 2018

2. fundur 2018 - 2022

17.07.2018

14. júní 2018

1. fundur 2018 - 2022.

15.06.2018

2. júní 2018

46. fundur 2014-2018

06.06.2018

9. maí 2018

45. fundur 2014-2018

11.05.2018

12. apríl 2018

Sveitarstjórn Djúpavogshrepps: Fundargerð 12.04.2018
44. fundur 2014-2018

12.04.2018

8. mars 2018

Sveitarstjórn Djúpavogshrepps: Fundargerð 08.03.2018
43. fundur 2014-2018

Fundur var haldinn í sveitarstjórn Djúpavogshrepps fimmtudaginn 8. mars 2018 kl. 16:00. Fundarstaður: Geysir.

Mættir voru: Sóley Dögg Birgisdóttir, Rán Freysdóttir, Kristján Ingimarsson, Kári Snær Valtingojer og Þorbjörg Sandholt. Einnig sat fundinn Gauti Jóhannesson, sveitarstjóri sem ritaði fundargerð.
Sóley stjórnaði fundi.

Dagskrá:

1. Fráveitumál
Farið var yfir skýrslu frá Mannvit – verkfræðistofu ásamt kostnaðaráætlun vegna fráveituframkvæmda. Valgeir Kjartansson sat fundinn undir þessum lið og fór yfir kostnaðar- og mögulega framkvæmdaáætlun. Sveitarstjórn sammála um að vinna að málinu áfram m.a. með því að kanna aðstæður við mögulegar útrásir sem fyrst með það fyrir augum að fá tilboð í verkið þegar grunnupplýsingar liggja fyrir.

2. Fundargerðir

a) Heilbrigðisnefnd Austurlands, dags. 7. febrúar 2018. Lögð fram til kynningar.
b) Viðbragðsaðilar á Djúpavogi, dags. 15. febrúar 2018. Lögð fram til kynningar.
c) Félagsmálanefnd, dags. 20. febrúar 2018. Lögð fram til kynningar.
d) Skipulags-, framkvæmda- og umhverfisnefnd, dags. 22. febrúar 2018. Liður 1, íbúðarhúsalóð í Hammersminni 24 staðfestur. Liður 2, uppdráttur af vallarsvæði og byggingarreitur staðfestur. Að öðru leyti lögð fram til kynningar.

3. Erindi og bréf

a) Skipulagsstofnun, breyting á aðalskipulagi, dags. 2. febrúar 2018. Lagt fram til kynningar.
b) Umhverfisstofnun, deiliskipulag Bragðavellir, dags. 2. febrúar 2018. Lagt fram til kynningar.
c) Mennta- og menningarmálaráðuneytið, Pisa 2018, dags. 2. febrúar 2018. Lagt fram til kynningar.
d) Atvinnuvega- og nýsköpunarráðuneytið, raforkuflutningskerfi í dreifbýli, dags. 8. febrúar 2018. Sveitarstjóra falið að bregðast við erindinu.
e) Samgöngu- og sveitarstjórnarráðuneytið, uppgjör við Brú lífeyrissjóð, dags. 8. febrúar 2018. Lagt fram til kynningar.
f) Náttúruverndarsamtök Austurlands, ályktanir frá aðalfundi, dags. 14. febrúar 2018. Lagt fram til kynningar.
g) Minjastofnun, Bragðavellir – breyting á aðalskipulagi, dags. 16. febrúar 2018. Lagt fram til kynningar.
h) Minjastofnun, Bragðavellir – tillaga að deiliskipulagi, dags. 16. febrúar 2018. Lagt fram til kynningar.
i) Skipulagsstofnun, Bragðavellir – breytingar á aðalskipulagi, dags 26. febrúar 2018. Lagt fram til kynningar.
j) Umhverfisstofnun, Teigarhorn – deiliskipulag, dags. 28. febrúar 2018. Lagt fram til kynningar.
k) Héraðsskjalasafn Austfirðinga, viðbótarframlag, dags. 5. mars 2018. Sveitarstjórn samþykkir greiðslu viðbótarframlags.

4. Ungt Austurland – Ályktanir af miðstjórnarfundi félagsins 2017
Lagt fram til kynningar.

5. Skoðanakönnun vegna samstarfs/sameiningar sveitarfélaga
Farið yfir skoðanakönnun sem fyrirhugað er að leggja fyrir íbúa sveitarfélagsins.
Sveitarstjórn hvetur íbúa til að taka þátt þannig að niðurstöður endurspegli sem best viðhorf meirihluta íbúa.

6. Verkefnislýsing Svæðisskipulags Austurlands
Farið yfir Verkefnislýsingu svæðisskipulags Austurlands sem barst 15. febrúar 2018.
Sveitarstjórn gerir ekki athugasemdir við framlagða verkefnislýsingu og er hún samþykkt samhljóða.

7. Virkjun vindorku á Íslandi
Stefnumótunar- og leiðbeiningarrit Landverndar lagt fram til kynningar.

8. Húsbyggjendastyrkur 2018
Farið var yfir reglur um eingreiðslu til húsbyggjenda í Djúpavogshreppi sem eru að mestu sambærilegar þeim sem samþykktar voru fyrir 2017. Eftir nokkrar umræður voru reglurnar staðfestar af sveitarstjórn og sveitarstjóra falið að koma þeim í kynningu.

9. Skipulags- og byggingamál

a) Aðalskipulag Breiðdalshrepps 2018-2030, forkynning.
Sveitarstjórn gerir ekki athugasemdir við drög að aðalskipulagi Breiðdalshrepps 2018-2030.
b) Bragðavellir - uppbygging ferðaþjónustu - breyting á Aðalskipulagi Djúpavogshrepps 2008 - 2020. Tillaga að breytingu á aðalskipulagi dags. 15. nóvember 2017, uppfærð 10. janúar 2018 og 6. mars 2018 lögð fram ásamt umhverfisskýrslu. Skipulagsstofnun veitti heimild til auglýsingar í bréf dags. 26. febrúar 2018. Sveitarstjórn samþykkir framlögð gögn og er sveitarstjóra falið að koma þeim í auglýsingu hið fyrsta.
c) Bragðavellir - uppbygging ferðaþjónustu á og nærri bæjarstæði - deiliskipulagstillaga.Tillaga að deiliskipulagi dags. 15. nóvember 2017, uppfærð 10. janúar 2018 og 6. mars 2018 ásamt umhverfisskýrslu lögð fram. Sveitarstjórn samþykkir framlögð gögn og er sveitarstjóra falið að auglýsa tillöguna samhliða því sem breyting á aðalskipulagi er auglýst.
d) Steinaborg - lýsing á deiliskipulagi. Lýsing á deiliskipulagi sem fylgdi innsendu erindi TPZ dags. 19. febrúar 2018 lögð fram. Sveitarstjórn samþykkir framlögð gögn og er sveitarstjóra falið að koma þeim í kynningar- og umsagnarferli hið fyrsta.

10. Skýrsla sveitarstjóra

a) Sveitarstjóri gerði grein fyrir nokkrum möguleikum varðandi nýja slökkvibifreið sem fyrirhugað er að kaupa fyrir slökkviliðið 2019 samkvæmt fjárhagsáætlun.
b) Sveitarstjóri kynnti stöðuna varðandi flutning gamla golfskálans á nýjan stað á Neistavellinum þar sem hann mun standa í staða gamla skúrsins sem hefur verið fjarlægður. Stefnt er að því að hefja framkvæmdir við fyrsta tækifæri.
c) Sveitarstjóri gerði grein fyrir úttekt og kostnaðaráætlun vegna viðgerða á girðingum á Berufjarðarströnd. Enn er beðið eftir greinargerð frá Vegagerðinni.
d) (Sóley vék af fundi) Sveitarstjóri kynnti endanleg drög að leigusamningi vegna löndunarhússins og tankanna við gömlu bræðsluna. Sveitarstjóra falið að ganga frá samningnum. (Sóley kom aftur til fundar)
e) Sveitarstjóri kynnti drög að samþykkt um gatnagerðargjald, stofngjald holræsa, stofngjald vatnsveitu, byggingarleyfisgjöld og framkvæmdaleyfisgjald í Djúpavogshreppi. Stefnt er að afgreiðslu á næsta fundi sveitarstjórnar sem fyrirhugaður er 12. apríl.
f) Sveitarstjóri gerði grein fyrir stöðu mála varðandi umsókn til Orkusjóðs. Sveitarstjóra falið að vinna að verkinu áfram.
g) Sveitarstjóri gerði grein fyrir fyrirhuguðum malbikunarframkvæmdum í maí, alls um 3000 ferm. á hafnarsvæðinu, við grunnskólann og ofan við Löngubúð.


Fleira ekki fyrir tekið. Fundi slitið kl. 18:15.
Fundargerðin færð í tölvu, lesin upp, staðfest, prentuð út og síðan undirrituð.
Gauti Jóhannesson, fundarritari.

09.03.2018

8. febrúar 2018

Sveitarstjórn Djúpavogshrepps: Fundargerð 08.02.2018

42. fundur 2014-2018

Fundur var haldinn í sveitarstjórn Djúpavogshrepps fimmtudaginn 8. febrúar 2018 kl. 16:00. Fundarstaður: Geysir.

Mættir voru: Andrés Skúlason, Rán Freysdóttir, Sóley Dögg Birgisdóttir, Kári Snær Valtingojer og Þorbjörg Sandholt. Einnig sat fundinn Gauti Jóhannesson, sveitarstjóri sem ritaði fundargerð.
Andrés stjórnaði fundi.

Fundarstjóri fór fram á að lið 2a) yrði bætt við dagskrána. Samþykkt samhljóða.

Dagskrá:

1. Fráveitumál
Farið var yfir skýrslu frá Mannvit – verkfræðistofu ásamt kostnaðaráætlun vegna fráveituframkvæmda við voginn.

2. Fundargerðir

a) Samstarfsnefnd, dags. 6. nóvember 2017. Lögð fram til kynningar.
b) Félagsmálanefnd, dags. 16. janúar 2018. Lögð fram til kynningar.
c) Stjórn Hafnasambands Íslands, dags. 22. janúar 2018. Lögð fram til kynningar.
d) Stjórn SSA, dags. 22. janúar 2018. Lögð fram til kynningar.
e) Stjórn Samb. ísl. sveitarfélaga, dags. 26. janúar 2018. Lögð fram til kynningar.
f) Samstarfsnefnd, dags. 29. janúar 2018. Lögð fram til kynningar.
g) Stjórn Brunavarna Austurlands, dags. 31. janúar 2018. Lögð fram til kynningar.
h) Fundur með Búnaðarfélagi Beruneshrepps 1. febrúar 2018. Lögð fram til kynningar.
i) Stjórn Samtaka sjávarútvegssveitarfélaga, dags. 2. febrúar 2018. Lögð fram til kynningar.
j) Samráðsf. v. húsnæðisáætl. f. Austurland, dags. 6. febrúar 2018. Lögð fram til kynningar.
k) Stjórn Samtaka sjávarútvegssveitarfélaga, dags. 7. febrúar 2018. Lögð fram til kynningar.

3. Erindi og bréf

a) Búnaðarfélag Beruneshrepps, lausaganga búfjár, dags. 17. janúar 2018. Þegar hefur verið brugðist við erindinu með vísan til fundargerðar frá 1. febrúar 2018.
b) Skipulagsstofnun, deiliskipulag á Teigarhorni, dags. 22. janúar 2018. Lagt fram til kynningar.
c) Skógræktin, deiliskipulag á Teigarhorni, dags. 23. janúar 2018. Lagt fram til kynningar.
d) Umhverfisstofnun, breyting á aðalskipulagi v. Bragðavalla, dags. 24. janúar 2018.
Lagt fram til kynningar.
e) Samgöngu- og sveitarstjórnarráðuneytið, samstarf sveitarfélaga, dags. 25. janúar 2018. Brugðist hefur verið við erindinu í samráði við SSA.
f) Björgunarsveitin Bára og Djúpavogsdeild RKÍ, dags. 1. febrúar 2018. Sveitarstjóra og oddvita falið að funda með aðilum málsins.

4. Viðauki við samning um félagsþjónustu og barnavernd.
Farið yfir viðauka við samning um félagsþjónustu og barnavernd sem gerir ráð fyrir upptöku „sænska módelsins“ í málaflokknum. Sveitarstjórn staðfestir þátttöku Djúpavogshrepps í verkefninu og felur sveitarstjóra að undirrita samning þess efnis.

5. Almenningssamgöngur – Strætisvagnar Austurlands
Farið yfir fundargerð stjórnarfundar Strætisvagna Austurlands frá 29. janúar 2018. Forsendur eru nokkuð breyttar frá því sveitarstjórn samþykkti að taka þátt í verkefninu þar sem Vopnafjarðarhreppur og Seyðisfjörður munu ekki taka þátt. Sveitarstjóra falið að undirrita samning til eins árs.

6. Skipulags- og byggingamál

a) Íþróttasvæðið í Blánni – nýtt vallarhúsnæði.
Formaður SFU kynnti tillögu að staðsetningu á nýju vallarhúsi og stærð vallarsvæðis. Sveitarstjórn staðfestir umrædda staðsetningu og uppsetningu á nýju vallarhúsnæði. Sveitarstjóra og formanni SFU falið að sjá um grenndarkynningu í samráði við skipulagsskrifstofu.
b) Gjaldskrárbreytingar
Sveitarsstjóri kynnti vinnu sem staðið hefur yfir undanfarið vegna gjaldskrárbreytinga sem fyrirhugaðar eru vegna byggingartengdra málefna.

7. Skýrsla sveitarstjóra

a) Sveitarstjóri gerði grein fyrir stöðu mála varðandi jarðhitaleit á Búlandsnesi en umsókn hefur verið lögð inn til Orkusjóðs.
b) Sveitarstjóri kynnti nýja íbúaskrá frá Þjóðskrá Íslands 1. desember 2017. Samkvæmt henni voru íbúar í sveitarfélaginu alls 461, karlar 18 ára og eldri 185 og konur á sama aldri 156. Börn, 17 ára og yngri voru 120.
c) Sveitarstjóri gerði grein fyrir fyrirhugaðri úttekt á girðingum á Berufjarðarströnd í framhaldi af fundi með Vegagerðinni og igna hluta bænda á svæðinu. Stefnt er að því að úttektinni verði lokið á allra næstu dögum.
d) Sveitarstjóri gerði grein fyrir sölu eigna sveitarfélagsins. Gengið hefur verið frá sölu Borgarlands 40 sem þegar hefur verið afhent og Borgarlands 20b og 38. Þær eignir verða afhentar 1.ágúst.

Fleira ekki fyrir tekið. Fundi slitið kl. 17:30.

Fundargerðin færð í tölvu, lesin upp, staðfest, prentuð út og síðan undirrituð.
Gauti Jóhannesson, fundarritari.

09.02.2018

11. janúar 2018

 

Sveitarstjórn Djúpavogshrepps: Fundargerð 11.01.2018

41. fundur 2014-2018

Fundur var haldinn í sveitarstjórn Djúpavogshrepps fimmtudaginn 11. janúar 2017 kl. 16:00. Fundarstaður: Geysir.

Mættir voru: Andrés Skúlason, Rán Freysdóttir, Sóley Dögg Birgisdóttir, Kári Snær Valtingojer og Þorbjörg Sandholt. Einnig sat fundinn Gauti Jóhannesson, sveitarstjóri sem ritaði fundargerð.
Andrés stjórnaði fundi.
Fundarstjóri fór fram á að lið 3f) væri bætt við dagskrána. Samþykkt samhljóða.

Dagskrá:

1. Fjárhagsleg málefni

a) Viðauki við fjárhagsáætlun 2018 vegna uppgjörs við Brú lífeyrissjóð.
Lagt fram samkomulag milli Djúpavogshrepps og Brúar lífeyrissjóðs starfsmanna sveitarfélaga um framlög Djúpavogshrepps til A-deildar Brúar vegna samkomulags milli Bandalags háskólamanna, BSRB og Kennarasambands Íslands annars vegar og fjármála- og efnahagsráðherra, fyrir hönd ríkissjóðs, og Sambands íslenskra sveitarfélaga hinsvegar sem undirritað var 19. september 2016. Markmið þess samkomulags var að samræma lífeyrisréttindi á almennum og opinberum vinnumarkaði. Samhliða þessu samkomulagi gerðu fjármála- og efnahagsráðherra og Samband íslenskra sveitarfélaga með sér samning um fjármögnun lífeyrisskuldbindinga A-deilda LSR og Brúar með fjárframlögum til sjóðanna, dags. 19. september 2016. Skv. 8. gr. samningsins var samningurinn gerður með fyrirvara um að hann skyldi öðlast gildi gagnvart einstökum sveitarfélögum við samþykkt viðkomandi sveitarstjórna á uppgjöri þeirra á skuldbindingum sem myndast í A-deild Brúar. Lög nr. 127/2016 um breytingu á lögum nr. 1/1997 um Lífeyrissjóð starfsmanna ríkisins byggðu að meginstefnu til á fyrrgreindu samkomulagi aðila. Framlagt samkomulag felur í sér að Djúpavogshreppur skuldbindur sig að greiða kr. 4.818.432 framlag í jafnvægissjóð A-deildar Brúar, kr. 12.333.093 framlag í lífeyrisaukasjóð A-deildar Brúar og 1.326.831 framlag í varúðarsjóð A-deildar Brúar. Samtals eru þetta framlög að upphæð kr. 18.476.356 Sveitarstjórn Djúpavogshrepps samþykkir samhljóða fyrirliggjandi samkomulag um uppgjör við Brú lífeyrissjóð starfsmanna sveitarfélaga. Sveitarstjórn Djúpavogshrepps samþykkir viðauka við fjárhagsáætlun 2018 vegna áranna 2018-2021 til að mæta þessum skuldbindingum sem samkomulagið felur í sér. Sveitarstjóra falið að útfæra viðauka í samstarfi við KPMG og afgreiða hann í samræmi við sveitarstjórnarlög og fjármálareglur sveitarfélaga.“

b) Ákvörðun um að taka lán hjá Lánasjóði sveitarfélaga sem tryggt er með veði í tekjum sveitarfélagsins.
Sveitarstjórn Djúpavogshrepps samþykkir hér með á sveitarstjórnarfundi að taka lán hjá Lánasjóði sveitarfélaga að fjárhæð allt að kr. 50.000.000, með lokagjalddaga þann 5. apríl 2034, í samræmi við skilmála lánstilboð sem liggur fyrir á fundinum og sem sveitarstjórnin hefur kynnt sér. Sveitarstjórnin samþykkir að til tryggingar láninu (höfuðstól auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga. Er lánið tekið til fjármögnunar á afborgunum eldri lána hjá Lánasjóðinum og vegna uppgjörs lífeyrisskuldbindinga við lífeyrissjóðinn Brú sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Gauta Jóhannessyni, kt. 070364-2559, veitt fullt og ótakmarkað umboð til þess f.h. sveitarfélagsins Djúpavogshrepps að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

2. Fundargerðir

a) Stjórn Ríkarðssafns ehf., dags.18. ágúst 2017. Lögð fram til kynningar.
b) Stjórn SSA, dags. 11. desember 2017. Lögð fram til kynningar.
c) Félagsmálanefnd, dags. 12. desember 2017. Lögð fram til kynningar.
d) Heilbrigðiseftirlit Austurlands, dags. 13. desember 2017. Lögð fram til kynningar.
e) Ferða- og menningarmálanefnd, dags. 15. desember 2017. Lögð fram til kynningar.
f) Hafnarnefnd, dags. 15. desember 2016. Liður 1, gjaldskrá 2018 staðfestur. Að öðru leyti lögð fram til kynningar.
g) Stjórn Sambands ísl. sveitarfélaga, dags. 15. desember 2017. Lögð fram til kynningar.
h) Starfshópur um fjárhagsleg málefni, dags. 11. janúar 2018. Liður 1, viðauki við fjárhagsáætlun 2018, staðfestur. Liður 3, tilboð í Borgarland 40 og sala íbúða í eigu sveitarfélagsins, staðfestur. Sveitarstjóra falið að koma íbúðunum í söluferli.

3. Erindi og bréf

a) Landgræðslan, endurheimt votlendis, dags. 12. desember 2017. Lagt fram til kynningar.
b) Atvinnuvega- og nýsköpunarráðuneytið, breyting á Aðalskipulagi Djúpavogshrepps 2008-2020, dags. 13. desember 2017. Lagt fram til kynningar.
c) Skipulagsstofnun, Borgargarður, hverfisvernd, dags. 20. desember 2017. Lagt fram til kynningar.
d) Halldóra Dröfn Hafþórsdóttir, Albert Jensson, tillaga að deiliskipulagi við Teigarhorn, dags. 7. janúar 2018. Lagt fram til kynningar.
e) Mannvirkjastofnun, vegna brunavarnaáætlunar, dags. 4. janúar 2018. Lagt fram til kynningar.
f) Íris Birgisdóttir, Kolbeinn Einarsson, tillaga að deiliskipulagi við Teigarhorn, dags. 9. janúar 2018. Lagt fram til kynningar.

4. Byggingartengd málefni

a) Kynntar tillögur að skipulagi á planinu við Kjörbúðina og gömlu kirkjuna.
b) Bragðavellir - uppbygging ferðaþjónustu - breyting á Aðalskipulagi Djúpavogshrepps
2008 - 2020. Tillaga að breytingu á aðalskipulagi dags. 15. nóvember 2017, uppfærð 10. janúar 2018 lögð fram til samþykktar ásamt umhverfisskýrslu. Sveitarstjóra falið að óska eftir heimild Skipulagsstofnunar til auglýsingar og koma tillögu í auglýsingu ef athugasemdir Skipulagsstofnunar eru engar eða minniháttar.
c) Bragðavellir - uppbygging ferðaþjónustu á og nærri bæjarstæði - deiliskipulagstillaga.
Tillaga að deiliskipulagi dags. 15. nóvember 2017, uppfærð 10. janúar 2018 ásamt umhverfisskýrslu lögð fram til samþykktar fyrir auglýsingu. Sveitarstjóra er falið að auglýsa tillöguna samhliða því sem breyting á aðalskipulagi er auglýst.
d) Teigarhorn - fólkvangur og náttúruvætti - deiliskipulagstillaga.
Ábendingafrestur vegna tillögu að deiliskipulagi á Teigarhorni rann út 10. janúar 2018. Tvær ábendingar bárust. Þar sem lögum samkvæmt er ekki gert ráð að innsendum ábendingum á kynningartíma sé svarað með formlegum hætti, skal áréttað að í næsta skrefi kynningar-/samráðsferlis verður tillagan auglýst í Lögbirtingablaðinu og Fréttablaðinu. Þá gefst öllum þeim sem telja sig eiga hagsmuna að gæta tækifæri til að senda inn skriflega athugasemd og er athugasemdafrestur 6 vikur. Öllum innsendum athugasemdum þarf sveitarfélagið, lögum samkvæmt, að svara með skriflegum og rökstuddum hætti.
Þeir sem telja sig eiga hagmuna að gæta eru því eindregið hvattir til að kynna sér stöðu mála á auglýsingatíma og nýta sér eftir atvikum þann rétt sem þeir hafa til athugasemda. Á auglýsingatíma munu uppdrættir, greinargerð og umhverfisskýrsla verða aðgengilegir á heimasíðu og á skrifstofu sveitarfélagsins auk þess sem hægt er að leita upplýsinga hjá skipulagsskrifstofu sveitarfélagsins. Sveitarstjóra falið að senda þeim aðilum sem sendu inn ábendingar á nýliðnum kynningartíma meðfylgjandi leiðbeiningar til áréttingar. Deiliskipulagstillaga er í umsagnarferli stofnana til 26. janúar nk. Sveitarstjórn samþykkir tillögu að deiliskipulagi dags. 15. nóvember 2017 til auglýsingar með fyrirvara að ekki komi fram meiriháttar athugasemdir á umsagnartíma stofnanna.

5. Skýrsla sveitarstjóra

a) Sveitarstjóri gerði grein fyrir samningi við Ferðamálastofu vegna ferða- og menningarmálafulltrúa.

 

Fleira ekki fyrir tekið. Fundi slitið kl. 18:00.
Fundargerðin færð í tölvu, lesin upp, staðfest, prentuð út og síðan undirrituð.
Gauti Jóhannesson, fundarritari.

12.01.2018

2. nóvember 2017

Starfshópur um fjárhagsleg málefni – Fundargerð 2. nóvember 2017 

Fundur var haldinn í starfshópi um fjármál Djúpavogshrepps að Bakka 1, Djúpavogi, kl. 08:30 fimmtudaginn 2. nóvember 2017. Fundinn sátu Kári Snær Valtingojer, Sóley Dögg Birgisdóttir og Gauti Jóhannesson sveitarstjóri sem ritaði fundargerð og stjórnaði fundi. Dagskrá var eftirfarandi: 

1. Fjárhagsáætlun 2018 

Sveitarstjóri gerði grein fyrir stöðu mála vegna gerðar fjárhagsáætlunar fyrir 2018 og kynnti frumdrög unnin í samráði við KPMG. Ekki er gert ráð fyrir breytingum á gjaldskrám utan að þær taki mið af þróun launavísitölu um 6,5%. Ekki ert gert ráð fyrir söluhagnaði vegna Nordic Factory en þar sem fasteignin er til sölu leggur hópurinn til að það verði gert. Farið var yfir fjárfestingarhluta áætlunarinnar og gerðar á honum minniháttar breytingar. Stefnt er að því að hópurinn fundi a.m.k. einu sinni enn áður en áætlunin verði tekin til fyrri umræðu.

Fleira ekki tekið fyrir og fundi slitið kl. 09:30.

Gauti Jóhannesson, fundarritari

18.12.2017