Djúpivogur
A A

Grunnskóli

Fótboltaleikir milli starfsfólks og nemenda

Síðastliðinn föstudag kom starfsfólk Djúpavogsskóla nemendum skemmtilega á óvart með því að skora á þá í knattspyrnuleiki. Í fyrri frímínútum spilaði starfsfólkið á móti eldri nemendum, þ.e. 5.-10. bekk og lauk leik með sigri nemenda 7-0 þrátt fyrir frábær tilþrif starfsfólks og skot þeirra í slá. Seinni leikurinn var á milli starfsfólks og nemenda 1.-4. bekkjar og lauk honum með 1-1 jafntefli þar sem starfsfólkið náði að jafna á síðustu andartökum leiksins.

Þetta var mikil og góð skemmtun og tóku vel flestir nemenda og starfsfólks þátt. Þeir sem kusu að spila ekki með voru virkir á hliðarlínunni að hvetja enda eru áhorfendur nauðsynlegir á hverjum fótboltaleik.

Áfram Djúpavogsskóli !!!

Göngum í skólann 2018

Til nemenda, foreldra og starfsfólks Djúpavogsskóla

Verkefnið Göngum í skólann hefst miðvikudaginn 5. september. Við hvetjum alla til að nýta góða veðrið til að ganga eða hjóla í skólann.

Tengil á síðu verkefnisins má finna hér.

http://www.gongumiskolann.is/

Skólastjóri

Aðalfundur foreldrafélags grunnskóla Djúpavogs

Propozycja zebrania, jeżeli ktoś ma jakieś sugestie lub pytania zachęcam do kontaktu

Börn hjálpa börnum

Nemendur í 5., 6. og 7. bekk tóku þátt í hjálparstarfi ABC.

Undirbúningur skólaársins 2018/2019

Nú er hafin vinna við undirbúning næsta skólaárs.

Dreifnám á Djúpavogi?

Dreifnám á Djúpavogi?

Austurbrú boðar nemendur á verðandi unglingastigi (7. – 9.bekk), foreldra barna á mið- og unglingastigi sem og alla sem áhuga hafa á fræðslumálum og byggðastefnu, á fund í Sambúð, mánudaginn 30. apríl kl. 20:00. Stutt kynning verður á Dreifnámi og kynning á því sem hefur verið á Vopnafirði síðustu tvö skólaárin.

Umræður á eftir.

Vonumst til að sjá sem flesta.

F.h. Austurbrúar,

Lilja Dögg og Else

Kennara vantar næsta skólaár

Næsta skólaár eru fjölmargar stöður lausar við Djúpavogsskóla. Djúpavogsskóli er lítill en vaxandi skóli sem samanstendur af grunn- og tónskóla. Í grunnskólanum eru um 70 nemendur. Gott samstarf er við leikskólann. Einnig er mjög gott samstarf við Umf. Neista en yfir 90% nemenda grunnskólans stunda æfingar hjá ungmennafélaginu og taka þær við strax að loknu skólastarfinu.

Í Djúpavogsskóla er lögð mikil áhersla á umhverfismennt og átthagafræði og stendur nú yfir innleiðing á hugmyndafræði Cittaslow en sveitarfélagið Djúpavogshreppur varð aðili að Cittaslow hæglætishreyfingunni árið 2013.

Grunnskólinn

Í grunnskólann vantar umsjónarkennara í 1. og 2. bekk (samkennsla), 3. og 4. bekk (samkennsla) og 5. bekk.

Þá vantar kennara í textílmennt (um 10 kst. á viku), heimilisfræði (um 10 kst. á viku), íþróttir og sund (16 kst. á viku), tungumál á mið- og unglingastigi (um 20 kst. á viku). Einnig vantar kennara í upplýsinga- og tæknimennt um 7 st. á viku.

Okkur vantar líka þroskaþjálfa í 100% starf.

Kennarar og leiðbeinendur við grunnskólann vinna eftir kjarasamningi KÍ og Sambands íslenskra sveitarfélaga.

Skólastjóri, Halldóra Dröfn Hafþórsdóttir veitir nánari upplýsingar á skolastjori@djupivogur.is eða í síma 470-8713.

Umsóknarfrestur er t.o.m. 18. apríl 2018. Umsóknareyðublöð má finna á heimasíðu grunnskólans http://djupivogur.is/grunnskoli/

Deildarstjóri við Tónskóla Djúpavogs / organisti við Djúpavogskirkju

Deildarstjóra vantar við Tónskóla Djúpavogs

Djúpavogsskóli er samrekinn grunn- og tónskóli og fyrir skólaárið 2018 – 2019 vantar okkur deildarstjóra í tónskólann í 100% starf. Hann heyrir undir skólastjóra en sinnir daglegri skipulagningu, foreldrasamstarfi og almennu utanumhaldi. Þá vantar einnig tónlistarkennara við grunnskólann til að sinna tónmenntakennslu og samsöng u.þ.b. 23% starfshlutfall.

Djúpavogskirkja auglýsir samhliða eftir organista við kirkjuna en starfshlutfallið þar er 27%

Um frábært tækifæri er að ræða t.d. fyrir tvo tónlistarkennara og eru möguleikar á 100% starfshlutfalli fyrir báða aðila, t.d. með því að kenna í grunnskólanum, eða bjóða uppá tónlistarnám fyrir einstaklinga, kóra eða hvað sem er.

Í Djúpavogsskóla er lögð mikil áhersla á umhverfismennt og átthagafræði og stendur nú yfir innleiðing á hugmyndafræði Cittaslow en sveitarfélagið Djúpavogshreppur varð aðili að Cittaslow hæglætishreyfingunni árið 2013. Mikil samvinna er milli grunn- og tónskólans og á hverju ári er settur upp söngleikur þar sem allir nemendur grunnskólans taka þátt með aðstoð frá nemendum og starfsfólki tónskólans. Mikil hefð er fyrir frábæru tónlistarstarfi í sveitarfélaginu og margir aðilar hér sem sinna tónlistariðkun og því fjölbreyttir og skemmtilegir möguleikar í boði fyrir hugmyndaríkt fólk.

Laun greiðast skv. kjarasamningi KÍ og Sambands íslenskra sveitarfélaga.

Skólastjóri, Halldóra Dröfn Hafþórsdóttir veitir nánari upplýsingar á skolastjori@djupivogur.is eða í síma 470-8713.

Sóknarprestur, Sr. Sjöfn Jóhannesdóttir veitir nánari upplýsingar á sjofnjo@simnet.is eða í síma 892-7651

Umsóknarfrestur er t.o.m. 2. mars 2018.

Stuðningsfulltrúa vantar í grunnskólann

Í grunnskólann vantar stuðningsfulltrúa á yngra stig í 65% starf. Viðkomandi þarf að geta hafið störf 1. mars nk. Vinnutími er frá 8:00 – 13:10.

Stuðningsfulltrúi er kennara til aðstoðar við að sinna einum eða fleiri nemendum sem þurfa sérstaka aðstoð. Starfið miðar fyrst og fremst að því að auka færni og sjálfstæði þessara nemenda, félagslega, námslega og í daglegum athöfnum. Yfirmaður stuðningsfulltrúa er skólastjóri og aðstoðarskólastjóri í umboði skólastjóra.

Unnið er eftir kjarasamningi Sambands íslenskra sveitarfélaga og stéttarfélags umsækjanda.

Skólastjóri, Halldóra Dröfn Hafþórsdóttir veitir nánari upplýsingar á skolastjori@djupivogur.is eða í síma 470-8713.

Umsóknarfrestur er t.o.m. 26. febrúar 2018.

Skólastjóri

Myndband frá undirbúningi fyrir árshátíð grunnskólans

Föstudaginn 19. janúar fer árshátíð Djúpavogsskóla fram á Hótel Framtíð. Í þetta skiptið setur skólinn upp söngleikinn Mamma Mia.

Allir dagar eftir jólafrí hafa meira og minna vera helgaðir undirbúningi og starfsfólk og nemendur hafa á hverjum degi unnið allra handa þrekvirki.

Í meðfylgjandi myndbandi má sjá svipmyndir frá þessum undirbúningi.

Spennan er svo sannarlega að verða óbærileg en eins og áður sagði fer sýningin fram á Hótel Framtíð og hefst klukkan 18:00. Allir hjartanlega velkomnir.

ÓB