Djúpivogur
A A

Grunnskóli

Haustganga

Haustganga Grunnskóla Djúpavogs verður miðvikudaginn 1. september kl. 9:40 eða eftir fyrri frímínútur. Kennt verður tvo fyrstu tímana samkvæmt stundatöflu sem og tímann eftir hádegismat.  Nemendur þurfa að taka með sér gott nesti sem snætt verður á leiðinni, klæða sig eftir veðri og vera í góðum skóm eða stígvélum. BE  

Opið hús

Hið hefðbundna opna hús var í grunnskólanum í gær. Sú nýbreytni var að fyrstu bekkingum var boðið að mæta fyrr þar sem skólastjóri og kennarar bekkjarins tóku á móti þeim, sýndu þeim húsakynni skólans og fóru yfir það helsta sem framundan er. Umsjónarkennarar hinna bekkjanna tóku á móti sínum nemendum og forráðamönnum þeirra frá 10:00 til 14:00. Mæting var mjög góð og ekki annað að sjá en að nemendur og kennarar kæmu vel undan sumri og bíða spenntir eftir að takast á við verkefni vetrarins. BE