Djúpavogshreppur
A A

Til hundaeigenda

Til hundaeigenda

Til hundaeigenda

skrifaði 23.06.2016 - 11:06

Hundaeigendur athugið.

Að gefnu tilefni er fólki sem á hunda bent á að því ber að hirða upp eftir hundinn sinn, þ.e. hundaskít. Sbr. samþykkt um hundahald í Djúpavogshreppi.

                        

  SAMÞYKKT

Um hundahald í Djúpavogshreppi.

3.gr.

7. Hundar skulu aldrei ganga lausir á almannafæri. Utandyra skulu hundar ávallt vera í taumi í fylgd með aðila, sem hefur fullt vald yfir þeim. Þegar hundur er í festi á húslóð, skal lengd festarinnar við það miðuð að óhindrað megi ganga að aðaldyrum hússins.

8. Hundaeigendum ber að hlíta að öðru leyti lögum og reglum, er hundahald varða, þ. á m. reglum um árlega hreinsun hunda og greiðslu leyfisgjalds, svo og fyrirmælum sem heilbrigðisnefnd setur.

 

5.gr.

Eigendum hunda ber að sjá svo um, eftir því sem framast er unnt, að dýrið valdi ekki hávaða, ónæði, óþrifnaði né óhollustu. Eigendum eða forráðamönnum hunda er skylt að sjá til þess að saur eftir hundinn sé fjarlægður á tryggilegan hátt. Ef hundur veldur nágrönnum eða öðrum ítrekuðu ónæði, óþrifum eða tjóni, þá ber eiganda eða forráðamanni að leita leiða til að koma í veg fyrir slíkt.