Sveitarfélagið Austurland?

Sveitarfélagið Austurland?

Sveitarstjórnir Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hafa samþykkt tillögu samstarfsnefndar um að íbúar fái tækifæri til að kjósa um tillögu um sameiningu sveitarfélaganna þann 26. október næstkomandi.

Kosning í Djúpavogshreppi fer fram í Tryggvabúð og stendur kjörfundur yfir klukkan 10:00 til 18:00.

Kosningarnar fara fram í samræmi við lög um kosningar til sveitarstjórna. Kosið verður í hverju sveitarfélagi fyrir sig og ræður einfaldur meirihluti atkvæða niðurstöðunni. Til að sameining verði samþykkt þarf meirihluta atkvæða í hverju sveitarfélagi fyrir sig. Verði tillagan ekki samþykkt í öllum sveitarfélögunum, er heimilt að sameina þau sveitarfélög þar sem íbúar samþykktu, að því gefnu í þeim búi að minnsta kosti 2/3 íbúanna og að 2/3 hluti sveitarfélaganna samþykki.

Hægt er að kjósa utankjörstaðar alveg fram á kjördag. Utankjörstaðarkosning fer fram hjá sýslumönnum um land allt og í sendiráðum Íslands erlendis.

Íbúar Djúpavogshrepps eru eindregið hvattir til að kynna sér málin vel og vandlega.

Íbúafundur í Djúpavogshreppi verður haldinn 9. október á Hótel Framtíð.

Kynningarbæklingur fer í öll hús á Austurlandi með vikublaðinu Austurfrétt sem kemur út 26. september.

Hann má einnig skoða með því að smella hér.

Allar frekari upplýsingar má finna á www.svausturland.is