Djúpavogshreppur
A A

Sérstakar verslanir fyrir eldri borgara og viðkvæma

Sérstakar verslanir fyrir eldri borgara og viðkvæma

Sérstakar verslanir fyrir eldri borgara og viðkvæma

Ólafur Björnsson skrifaði 16.03.2020 - 11:03

Samkaup hefur ákveðið að opna tólf verslanir Nettó og fimmtán verslanir Kjörbúðarinnar eingöngu fyrir þá sem eldri eru, með undirliggjandi sjúkdóma eða viðkvæmir.

Verslanirnar, sem eru um land allt, verða opnar frá klukkan 9-10 alla virka daga fyrir þessa tilteknu hópa, frá og með þriðjudeginum 17. mars og á meðan samkomubann er í gildi. Þetta er gert til að koma til móts við þá hópa sem eru í mestri hættu út af kórónaveirunni, COVID-19.

Í verslununum verða viðhafðar ítarlegar verklagsreglur. Allir snertifletir verða sótthreisnaðir og starfsmenn með grímur og einnota hanska við afgreiðslu. Viðskiptavinir eru jafnframt beðnir um að fylgja fyrirmælum sóttvarnalæknis og halda tveggja metra fjarlægð sín á milli. Mælst er til þess að fólk noti snertilausar greiðslur og noti ekki peninga.

Hægt er að finna upplýsingar um hvaða verslanir um er að ræða á vefnum. Þær verslanir sem opnar eru sérstaklega fyrir eldri borgara og viðkvæma eru:

  • Nettó Borgarnesi
  • Nettó Egilsstaðir
  • Nettó Grindavík
  • Nettó Hafnarfirði
  • Nettó Hornafirði
  • Nettó Hrísalundi
  • Nettó Húsavík
  • Nettó Iðavöllum
  • Nettó Ísafirði
  • Nettó Lágmúla
  • Nettó Salavegi
  • Nettó Selfossi
  • Kjörbúðin Búðardal
  • Kjörbúðin Blönduósi
  • Kjörbúðin Bolungarvík
  • Kjörbúðin Dalvík
  • Kjörbúðin Djúpavogi
  • Kjörbúðin Eskifirði
  • Kjörbúðin Fáskrúðsfirði
  • Kjörbúðin Garði
  • Kjörbúðin Grundarfirði
  • Kjörbúðin Neskaupsstað
  • Kjörbúðin Ólafsfirði
  • Kjörbúðin Reykjahlíð
  • Kjörbúðin Sandgerði
  • Kjörbúðin Seyðisfirði
  • Kjörbúðin Siglufirði
  • Kjörbúðin Skagaströnd
  • Kjörbúðin Þórshöfn

Frétt af ruv.is