Djúpavogshreppur
A A

Sameining sveitarfélaga - íbúafundir

Sameining sveitarfélaga - íbúafundir

Sameining sveitarfélaga - íbúafundir

skrifaði 02.03.2017 - 12:03

Kæru íbúar Sveitarfélagsins Hornafjarðar, Djúpavogshrepps og Skaftárhrepps.

Vinna stendur yfir að greiningu á kostum og göllum þess að sameina Sveitarfélagið Hornafjörð, Djúpavogshrepp og Skaftárhrepp í eitt sveitarfélag. Verkefninu er stýrt af samstarfsnefnd sveitarfélaganna og ráðgjafarsviði KPMG. Í framhaldi af þeirri vinnu fer fram umræða innan sveitarstjórna sveitarfélaganna um tillöguna.

Boðað er til íbúafunda vegna þessa verkefnis í hverju sveitarfélagi fyrir sig:

1. Íbúafundur á Klaustri laugardaginn 4. mars kl. 11 – 13
Staðsetning: Félagsheimilið Kirkjuhvol

2. Íbúafundur á Höfn laugardaginn 4. mars kl. 16 – 18
Staðsetning: Nýheimum Litlubrú 3

3. Íbúafundur á Djúpavogi sunnudaginn 5. mars kl. 11 – 13
Staðsetning: Hótel Framtíð. Súpa og brauð í boði.

Fundirnir standa yfir í um 2 klukkustundir hver. Dagskráin er svohljóðandi:

1. Stutt erindi fulltrúa viðkomandi sveitarfélags um ástæður þess að farið sé í þessa vinnu
2. Kynning á sviðsmyndum um framtíð sveitarfélaganna
3. Yfirferð með íbúum um framtíðaráherslur þeirra

Sveitarstjórnir sveitarfélaganna þriggja hvetja alla íbúa til þess að mæta á þessa íbúafundi til þess að kynna sér sviðsmyndir um framtíð sveitarfélaganna. Þátttaka íbúa í þessari vinnu skiptir miklu máli.

Með von um góða þátttöku,

jpg