Djúpavogshreppur
A A

Rúmar 17 milljónir í Djúpavogshrepp úr húsafriðunarsjóði

Rúmar 17 milljónir í Djúpavogshrepp úr húsafriðunarsjóði
Cittaslow

Rúmar 17 milljónir í Djúpavogshrepp úr húsafriðunarsjóði

skrifaði 10.04.2018 - 11:04

Rúmar 64 milljónir voru veittar til margvíslegra austfirskra verkefna þegar úthlutað var úr húsafriðunarsjóði fyrir skemmstu.

Faktorshúsið á Djúpavogi er það verkefni sem hæsta styrkinn fær á landsvísu.

Að þessu sinni er veitt tíu milljónum til Faktorshússins en endurbygging þess hófst árið 2007. Húsið, sem stendur neðan við Löngubúð, var byggt árið 1848 og friðlýst 1990.

Endurbygging gömlu kirkjunnar á Djúpavogi er einnig meðal þeirra verkefna sem mest fá, fimm milljónir.

Aðrar úthlutanir til verkefna í Djúpavogshreppi eru:

Hofskirkja í Álftafirði - 1.500.000
Gamli bærinn á Karlsstöðum í Berufirði - 500.000
Sólvangur á Djúpavogi - 400.000

Alls var úthlutað 340,7 milljónum króna að þessu sinni til 215 verkefna.

Hér má sjá heildarlista yfir úthlutanir Húsafriðunarsjóðs árið 2018.

ÓB