Djúpavogshreppur
A A

Metsumar hjá Papeyjarferðum

Metsumar hjá Papeyjarferðum

Metsumar hjá Papeyjarferðum

skrifaði 29.08.2009 - 10:08

Sumarið 2009 hefur verið fádæma gott ferðamannasumar hér á Djúpavogi. Sem dæmi má nefna að Papeyjarferðir eru búnar að bæta rækilega metið yfir fjölda farþega en rúmlega 1800 manns hafa lagt leið sína út í Papey í sumar.

Már Karlsson hjá Papeyjarferðum segist vera mjög ánægður með sumarið og nýja metið sem er bæting um rúm 15% frá fyrra meti. Það verði að teljast nokkuð gott í þessu árferði.

Undirritaður brá sér niður á bryggju í gær (föstudag) áður en ferjan lagði upp í ferð með 7 farþega. Tókst honum að ná áhöfninni á Gísla í Papey og "landformanninum" Má, saman á mynd.

Við á fréttasíðunni óskum Papeyjarferðum innilega til hamingju með góðan árangur.

Nánar verður fjallað um ferðamannasumarið hér á síðunni í september.

ÓB

 

 


Gunnar Guðmundsson leiðsögumaður, Jens Albertsson skipstjóri og Már Karlsson framkvæmdarstjóri Papeyjarferða við Papaeyjarferjuna, Gísla í Papey.