Í tilefni Dags íslenskrar tungu
Málfarsmínútur
Íslenskt mál á varla vin;
villur inn sér smeygja.
Bjagað kerfi, brenglað kyn,
boðar; mál skal deyja.
**
Íslenskt mál á engan vin;
yndi, göfgi hverfur.
Ambögur og öfugt kyn
inn að kviku sverfur.
Öll er villan eðlisgóð,
æðstu prestar telja;
þó að örg af miklum móð,
megi eyru kvelja.
Engu skeytt er hætis hót,
um hættur þegja allir.
Málspjöllunum mæla bót
málfræðingar snjallir.
Málörbirgð
Rosa–langt og rosa–mjótt.
Rosa er blómið lítið.
Rosa–fallegt, rosa–ljótt.
Rosalega skrýtið.
Kristín Sigfinnsdóttir
