Djúpivogur
A A

Hjólað til stuðnings nýjum Axarvegi

Hjólað til stuðnings nýjum Axarvegi

Hjólað til stuðnings nýjum Axarvegi

skrifaði 13.08.2010 - 07:08

Á morgun laugardag stefnir undirritaður á að hjóla 85 km leið um Öxi í Egilsstaði bæði til gamans og í alvöru.
Hjólreiðaferðin er því bæði til heilsuræktar og ekki síður til að minna á baráttu fyrir nýjum og fullkomnum heilsársvegi um Öxi.  Þótt undirritaður geri sér grein fyrir að fyrirvarinn sé lítill þá vill hann engu að síður vekja athygli á hjólreiðatúrnum hér á heimasíðunni m.a. ef einhverjir hefðu áhuga á að taka skyndiákvörðun og hjóla með.
Stefnt er á að leggja af stað kl 09:00 í fyrramálið frá ráðhúsinu Geysi.   

Í nafni þessarar 85 km hjólreiðaferðar skorar undirritaður og sveitarstjórn Djúpavogshrepps á samgönguyfirvöld í ljósi loforða að hraða sem kostur er gerð nýs heilsársvegar um Öxi og setja þessa gríðarlega mikilvægu samgöngubót í forgang samgönguframkvæmda á Austurlandi.

Til áréttingar skal minna á að vegleiðin um Öxi styttir vegalengd frá Djúpavogi í kjarna Austurlands á Egilsstöðum um
72 km miðað við fjarðaleið.

                                                                                                                        
Áfram Öxi     
                                                                                                                     
Andrés Skúlason
                                                                                                                         
Oddviti DPV.