Djúpavogshreppur
A A

Fótboltaleikir milli starfsfólks og nemenda

Fótboltaleikir milli starfsfólks og nemenda

Fótboltaleikir milli starfsfólks og nemenda

Ólafur Björnsson skrifaði 22.11.2018 - 08:11

Síðastliðinn föstudag kom starfsfólk Djúpavogsskóla nemendum skemmtilega á óvart með því að skora á þá í knattspyrnuleiki. Í fyrri frímínútum spilaði starfsfólkið á móti eldri nemendum, þ.e. 5.-10. bekk og lauk leik með sigri nemenda 7-0 þrátt fyrir frábær tilþrif starfsfólks og skot þeirra í slá. Seinni leikurinn var á milli starfsfólks og nemenda 1.-4. bekkjar og lauk honum með 1-1 jafntefli þar sem starfsfólkið náði að jafna á síðustu andartökum leiksins.

Þetta var mikil og góð skemmtun og tóku vel flestir nemenda og starfsfólks þátt. Þeir sem kusu að spila ekki með voru virkir á hliðarlínunni að hvetja enda eru áhorfendur nauðsynlegir á hverjum fótboltaleik.

Áfram Djúpavogsskóli !!!