Djúpavogshreppur
A A

Enn gerum við gagn - lokadagur

Enn gerum við gagn - lokadagur

Enn gerum við gagn - lokadagur

Ólafur Björnsson skrifaði 20.06.2019 - 08:06

Áheitagöngunni „Enn gerum við gagn“ til styrktar Krabbameinsfélagi Austfjarða lýkur sunnudaginn 23. júní 2019 með sameininglegri göngu fulltrúa félaga eldri borgara í Fjarðabyggð og Djúpavogshreppi.

Fyrir liggja upplýsingar um áætlaðan fjölda göngumanna. Allir velunnarar verkefnisins (og á öllum aldri) velkomnir að taka þátt í stuttu göngunni að Sólbrekku (sjá neðar). Einnig eru allir íbúar byggðarlaganna og aðrir áhugasamir boðnir velkomnir í grillveizluna, en vegna undirbúnings þurfa þeir sem ekki teljast göngumenn á vegum félaganna, að tilkynna þátttöku í síma 895-9951 eða á netfangið bibbasin@simnet.is eigi síðar en að kvöldi 21. júní.

Minnum á áheitakassana, sem enn liggja frammi á auglýstum stöðum (alla vega til loka júní).

Dagskráin verður sem hér greinir:

Kl. 11:00 Ganga hefst af Mjóafj.heiði og frá Dalatanga í átt að Sólbrekku.

Kl. 12:30 U.þ.b. á þessum tíma eiga gönguhópar að vera komnir í um 1 km fjarlægð frá Sólbrekku. Þaðan verður sameiginleg ganga úr báðum áttum að Sólbrekku. Í þeim hluta göngunnar geta tekið þátt allir sem vilja og sýna með því samhug í verki.

Kl. 13:30 Áætlað er að grillveizla hefjist við Sólbrekku á þessum tíma.

Kl. 15:00 Verkefninu verður formlega slitið eigi síðar en kl. 15:00.

Með von um góða þátttöku og austfirzka veðurblíðu eins og hún gerist bezt.

Yfirgöngustjóri