Djúpavogshreppur
A A

Djúpavogsskóli auglýsir eftir aðstoðarskólastjóra

Djúpavogsskóli auglýsir eftir aðstoðarskólastjóra

Djúpavogsskóli auglýsir eftir aðstoðarskólastjóra

Ólafur Björnsson skrifaði 18.06.2020 - 09:06

Djúpavogsskóli starfar í takt við hugmyndafræði Cittaslow og er mikil áhersla lögð á velferð og vellíðan. Starfsandinn er góður og tækifærin mörg fyrir einstaklinga sem eru tilbúnir að vinna eftir stefnu skólans og taka þátt í skapandi vinnu. Skólinn er í mikilli þróun og á næsta skólaári verður áherslan meðal annars á teymis-og útikennslu, grenndarnám, núvitund og nýskapandi vinnu.

Við leitum að aðstoðarskólastjóra sem hefur farsæla starfsreynslu, er tilbúinn að taka þátt í samrýmdu teymi stjórnenda, taka þátt í þróunarstarfi og starfa eftir stefnu og framtíðarsýn skólans. Aðstoðarskólastjóri í Djúpavogsskóla er staðgengill skólastjóra, hefur umsjón með stoðþjónustu, tekur þátt í að leiða faglega þróun og hefur kennsluskyldu.

Menntun og kröfur um hæfni:

  • Umsækjendur þurfa að hafa kennsluréttindi.
  • Framhaldsmenntun í stjórnun er kostur.
  • Umsækjendur þurfa að búa yfir góðri hæfni í mannlegum samskiptum, hafa gott vald á íslenskri tungu, vera sjálfstæðirí vinnubrögðum og vera tilbúnir að vinna eftir stefnu skólans.
  • Umsókn sendist á skolastjori@djupivogur.is með kynningarbréfi.

Laun greiðast skv. Kjarasamningi SÍ og Sambands íslenskra sveitarfélaga. Nánari upplýsingar um starfið veitir Signý Óskarsdóttir skólastjóri Djúpavogsskóla, skolastjori@djupivogur.is. Umsóknarfrestur er til 29. júní 2020.