Djúpavogshreppur
A A

Bera - fyrsta íslenska hot sauce sósan

Bera - fyrsta íslenska hot sauce sósan
Cittaslow

Bera - fyrsta íslenska hot sauce sósan

Ólafur Björnsson skrifaði 23.11.2018 - 11:11

"Bera er fyrsta íslenska „hot sauce” sósan. Nefnd eftir austfirskri skessu og framleidd í samnefndum firði. Hún er sterk, stór og ber að nálgast af varfærni. En ef rétt er að farið opnast gáttirnar fyrir sætu og seiðandi suðrænu bragði sem sleppir seint taki."

Svona er lýsingin á sósunni sem Djúpavogsbúinn William Óðinn Lefever hefur verið að vinna að síðastliðin ár. Og nú er komið að lokahnykknum við að koma sósunni á markað. Óðinn hefur komið á laggirnar Karolina Fund söfnun til að klára verkefnið. Á Facebook síðu Lefever Hot Sauce segir: Tæplega 600 mangóum seinna og sósan er klár! Nú þurfum við á ykkar hjálp að halda! Ykkar framlag á Karolinafund getur látið þennan draum verða að veruleika. Íslandi sárvantar hot sauce í matarflóru sína. Með ykkar framlagi getum við teygt það til frambúðar!

Óðinn hefur staðið sveittur með hjálp góðra manna í framleiðslueldhúsinu á Karlsstöðum við að malla sósuna og koma á flöskur.

Við hvetjum að sjálfsögðu alla til að styðja við þetta flotta verkefni.

Heimasíða Lefever Sauce co.
Facebooksíða Lefever Sauce co.
Instagramsíða Lefever Sauce co.
Karolina Fund síða Lefever Sauce co.


William Óðinn Lefever sósugerðarmeistari.