Aðalvefur

Í samræmi við samþykkt sveitarstjórnar frá 16. apríl varðandi viðbrögð vegna Covid – 19 verður eindaga fasteignagjalda í júní frestað fram í janúar 2021.

Sveitarstjóri

Vöfflukaffið i Tryggvabúð verður á sínum stað kl. 15:00 í dag en í ljósi aðstæðna verður það eingöngu í boði fyrir 60 ára og eldri.

Forstöðukona Tryggvabúðar

Auka-aðalfundur UMF Neista verður haldinn mánudaginn 8. júní kl. 17:00 í Neista.

Á aðalfundi Neista kom fram að Ungmennafélagið Neisti þarf að uppfæra samþykktir félagsins og því var samþykkt að boðað yrði til auka-aðalfundar sem fyrst.

Vegna námskeiða sundlaugarvarða verður íþróttamiðstöðin lokuð fimmtudaginn 26. maí.

Við biðjumst velvirðingar á þessum stutta fyrirvara en vegna COVID-19 varð smá rask á áætlun námskeiðsins.

Við vekjum líka athygli á því að íþróttamiðstöðin er lokuð mánudaginn 1. júní, annan í hvítasunnu.

Forstöðumaður ÍÞMD

Búlandstindur óskar eftir að ráða vélfræðing eða vélstjóra til að sinna fölbreyttum og krefandi störfum í vinnslu félagsins. Æskilegt er að viðkomandi geti hafið störf sem fyrst.

Hinn árlegi vinnudagur UMF Neista fór fram sl. sunnudag á Neistavelli.

Í góðu veðri og mikilli stemmningu framkvæmdu þeir fjölmörgu sem mættu hin ýmsu þarfaverk, m.a. að gróðursetja tré og runna, laga langstökksgryfju og kúluvarpshring, gera vörutalningu birgða og síðast en ekki síst raka saman nokkur kerrufylli af hreindýra- og gæsaskít af vellinum.

Að sjálfsögðu var séð til þess að vinnuhópurinn fengi grillaðar pylsur, en grillstjórnin var undir styrkri stjórn sr. Alfreðs Finnsonar og svo var Neistakaka með kaffinu.

Frábær dagur og nú má segja að allt sé klárt fyrir fyrstu leiki í Djúpavogsdeildinni, sem fram fara 6. júní næstkomandi.

Sumarblómasala Kvenfélagsins Vöku verður fimmtudaginn 4. júní.

Tímasetning auglýst síðar.

Kvenfélagið Vaka

Ungmennafélagið Neisti verður með spennandi Hreyfiviku 25. maí - 31. maí 2020 þar sem boðið verður upp á fjölbreytta og fjöruga afþreyingu fyrir alla fjölskylduna.

Hefurðu áhuga á fótbolta?

Viltu láta gott af þér leiða og styrkja í leiðinni knattspyrnustjörnur framtíðarinnar.

Þá erum við með tækifæri fyrir þig til þess. Umf. Neisti á Djúpavogi er að leita að þjálfara sem getur séð um knattspyrnuæfingar fyrir krakka á aldrinum 6-11 ára (fædd árið 2009-2014) í sumar frá 8. júní til 31. júlí. Um er að ræða 2x 2 æfingar á viku og er tímasetning æfinga eftir samkomulagi. Við erum opin fyrir öllu svo ef þú hefur draum í maganum um að prófa þjálfun þá er þetta tækifærið.

Frekari upplýsingar eru hjá neisti@djupivogur.is og er umsóknarfrestur til 28. maí 2020.

UMF Neisti

Tryggvabúð, félagsaðstaða eldri borgara í Djúpavogshreppi, mun opna aftur eftir lokun vegna Covid-19, mánudaginn 25. maí.

Opnunartími Tryggvabúðar er mánudaga, miðvikudaga og fimmtudaga frá klukkan 10:30- 16:00/17:00. Þriðjudaga er opið frá 10:30-14:00.

Margrét Friðfinnsdóttir
Forstöðukona

Undirbúningsstjórn verkefnisins hefur lagt til við sveitarstjórnarráðuneytið að boðað verið til sveitarstjórnarkosninga í sameinuðu sveitarfélagi Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar þann 19. september.

Áður var boðað til sveitarstjórnarkosninga þann 18. apríl 2020, með það fyrir augum að sameining sveitarfélaganna tæki gildi 3. maí 2020, þegar ný sveitarstjórn kemur saman. Sveitarstjórnarkosningum var frestað með vísan til þess að heilbrigðisráðherra hafði á grundvelli sóttvarnalaga takmarkað samkomur tímabundið til að hægja á útbreiðslu heimsfaraldri COVID-19.

Endurskoðuð verk- og tímaáætlun verkefnisins hefur verið samþykkt og byggir hún á að kosningar til sveitarstjórnar og heimastjórna fari fram 19. september og að ný sveitarstjórn taki við 4. október.

Það má gleðja marga með því að á mánudaginn 25. maí opnar ræktin loksins og einnig opnar salurinn svo hægt verður að stunda íþróttir á ný.

Enn og aftur viljum við benda fólki á að virða 2m regluna af bestu getu og sótthreinsa tæki eftir notkun. Sýna einnig tillitsemi að við gætum þurft að biðja fólk um að koma seinna ef að of margir eru niðri á sama tíma.

Fyrst og fremst skulum við þó njóta!

Dagur Björnsson
Forstöðumaður ÍÞMD

Í samræmi við 4. mgr. 40. gr. skipulagslaga nr. 123/2010 er hér kynnt tillaga að deiliskipulagi fyrir Markarland 10-16 (greinargerð dags. 11. maí 2020 / uppdráttur dags. 29. apríl 2020). Deiliskipulagstillagan gerir ráð fyrir byggingu raðhúss (allt að 330 m² að stærð) fyrir að hámarki fimm íbúðir og íbúðarhúss (allt að 120 m2 að stærð) ásamt bílskúr/vinnustofu/verslunar- og þjónusturými (allt að 40 m² að stærð). Afmarkaðar eru lóðir og byggingarreitir, bílastæði og gönguleiðir.

Djúpavogshreppur auglýsir laust starf við skráningu muna í eigu Ríkarðshúss.

Gert er ráð fyrir að verkefnið taki um tvo mánuði og að því verði lokið eigi síðar en 1. október með skráningu allra muna inn á sarpur.is.

Gerð er krafa um góða íslensku- og tölvukunnáttu og skipulögð vinnubrögð. Vakin er athygli á að gert er ráð fyrir að allir munir verði ljósmyndaðir.

Áhugasömum er bent á að hafa samband við atvinnu- og menningarmálafulltrúa eða sveitarstjóra á amfulltrui@djupivogur.is og/eða sveitarstjori@djupivogur.is. Umsóknarfrestur er til og með 25. maí 2020.

Við munum opna sundlaugina og barnalaugina næstkomandi mánudag 18 maí. Opnunartíminn miðast við vetraropnun fram að 1. júní og verður sundlaugin opin frá kl 07:00-20:30 alla virka daga og frá kl 11:00-15:00 á laugardögum, lokað á sunnudögum.

22. fundur 2018 - 2022

Breyting frá fyrri auglýsingu vegna sumarvinnu grunnskólabarna í 7.-10. bekk.Foreldrar/forráðamenn þeirra barna sem hafa áhuga á að vinna hjá Djúpavogshrepp í sumar, vinsamlegast hafið samband við Sigurbjörn Heiðdal, Bjössa sem allra fyrst.Síminn hjá honum er:864-4911.

Lumar þú á góðri hugmynd? Ertu frumkvöðull?

Ættir þú að sækja um styrk frá Rannís?

Samkvæmt 1. mgr. 31. gr. skipulagslaga nr. 123/2010 er hér auglýst tillaga að breytingu á Aðalskipulagi Djúpavogshrepps 2008 - 2020 dags. 9. mars 2020 m.s.br. ásamt umhverfisskýrsluarfélagamörkum í suðri

22. fundur 2018 - 2022

Hafin er vinna við gerð strandsvæðisskipulags á Austfjörðum á grundvelli laga um skipulag haf- og strandsvæða. Svæðisráð, skipað af umhverfis- og auðlindaráðherra, ber ábyrgð á gerð strandsvæðisskipulagsins en Skipulagsstofnun annast gerð þess í umboði svæðisráðanna.

Á ári hverju berst sveitarfélaginu umtalsverður fjöldi ábendinga og kvartana frá íbúum er varðar kattahald hér í þéttbýlinu á Djúpavogi og eru umkvörtunarefnin með svipuðu sniði milli ára. Sveitarfélögin hafa sannarlega skyldur að bera í þessum efnum og því er brugðið á það ráð hér að senda vinsamleg tilmæli og fara þess á leit við kattaeigendur að þeir mæti sjónarmiðum þeirra íbúa sem gagnrýna lausagöngu katta í þéttbýlinu, ekki síst á þessum tíma árs. Kettir geta verið skaðræði í varpi og sumir þeirra virðast ekki vera með bjöllur eða lítið virkar.

Viltu svitna, keyra púlsinn upp og hafa svolítið gaman?

Þá ættir þú að taka þátt í Djúpavogsdeildinni. Skráning er hafin en deildin fer fram í annað sinn í sumar. Leikin verður knattspyrna á Neistavelli og fer leikjafjöldi deildarinnar að sjálfsögðu eftir skráningu liða.

Deildin samanstendur af blönduðum liðum og aðstæður eru til fyrirmyndar.

Konum og körlum af öllum getustigum knattspyrnunnar er velkomin þátttaka. Sumir leikmenn geta haft bakgrunn í knattspyrnu, forna frægð eða eftirminnileg augnablik frá því í fyrra, á meðan aðrir búa yfir minni reynslu. Þú getur sett saman þitt eigið lið eða skráð þig sem einstaklingur og deildin setur þig í lið fyrir sumarið.

Bókasafnið opnar aftur með takmörkunum.

Í maí verður bókasafnið opið eins og áður á þriðjudögum frá 16-19 en með nokkrum takmörkunum.