Aðalvefur

Ungmennafélagið Neisti óskar öllum bæjarbúum og velunnurum gleðilegra jóla og farsældar á komandi ári.

Afmælisnefnd Neista þakkar veittan stuðning frá styrktaraðilum og bæjarbúum en nefndin mun starf áfram þar til í febrúar.

Áfram Neisti!

-

Sveitarstjórn Djúpavogshrepps samþykkti þann 12. desember 2019 að auglýsa tillögu að deiliskipulagi við Snædalsfoss í landi Bragðavalla, skv. 1. mgr. 41. gr. skipulagslaga nr. 123/2010.

Deiliskipulagssvæðið er 18 ha að stærð og tekur yfir nærumhverfi Snædalsfoss og gönguleiðir frá bæjarstæðinu á Bragðavöllum að fossinum. Samkvæmt tillögunni er gert ráð fyrir uppbyggingu göngustíga, göngu- og útsýnispalls og aðstöðuhúss.

Íþróttamiðstöð Djúpavogs er opin eftirtalda daga yfir hátíðarnar 2019.

17. fundur 2018 - 2022

Síðasti opnunardagur í Tryggvabúð fyrir jól er miðvikudagurinn 18. desember.

Við opnum aftur mánudaginn 13. janúar, kl. 10:30.

Skólar á grænni grein (Eco-Schools) er verkefni sem byggir á því að stuðla að sjálfbærni og umhverfisvernd út frá lýðræðismenntun og getu til aðgerða. Skólar á grænni grein þurfa að fylgja sjö skrefa ferli sem markast að því að efla vitund nemenda, kennara og annara starfsmanna skólans um umhverfismál. Þetta verkefni hefur víðtæk áhrif þar sem skólar taka ábyrga afstöðu í málum sem snerta umhverfið.

Það er því gleðiefni að Leikskólinn Bjarkatún fái grænfánann afhentan í fjórða skiptið. Það var hún Guðrún frá Landvernd sem kom og afhenti okkur fánann sem við munum hafa til næstu tveggja ára. Þórdís verkefnastjóri umhverfisstarfs Bjarkatúns og elstu nemendur Bjarkatúns sem eru jafnframt í grænfánanefnd skólans tóku á móti fánanum.

Aðventuhátíð í Djúpavogskirkju föstudaginn 13. desember kl. 18:00.

Uppbyggingarsjóður styrkir menningar-, atvinnu- og nýsköpunarverkefni sem falla að Sóknaráætlun Austurlands.

Nánari upplýsingar og leiðbeiningar um umsóknargerð er að finna á austurbru.is. Einnig hægt að smella hér til að skoða handbók með úthlutunarreglum Uppbyggingarsjóðs.

Opnað var fyrir umsóknir fimmtudaginn 5. des. 2019 kl. 12:00

Sótt er um á soknaraaetlun.is

Umsóknarfrestur er til kl. 23:00 þann 3. janúar 2020.

Tryggvabúð, félagsaðstaða eldri borgara í Djúpavogshreppi, er lokuð í dag vegna veðurs. Vöfflukaffið vikulega sem vera átti í dag verður þess í stað á morgun, kl. 15:00.

Sveitarstjóri

17. fundur 2018-2022

Rafmagnslaust verður í Víkurlandi 1-5, frystihúsi og Hafnarbryggju 07.12.2019 frá kl 10:00 til kl 16:00 Vegna vinnu í spennistöð RARIK á Djúpavogi. Nánari upplýsingar veitir Svæðisvakt RARIK Austurlandi í síma 528 9790 og kort af svæðinu má sjá á www.rarik.is/rof.

Hlutverk Uppbyggingarsjóðs er að styrkja menningar-, atvinnu- og nýsköpunarverkefni sem falla að Sóknaráætlun Austurlands. Auk þess veitir sjóðurinn stofn- og rekstrarstyrki til menningarverkefna.

Drög að úthlutun hreindýraarðs fyrir árið 2019 á ágangssvæði/jarðir í sveitarfélaginu liggja frammi á skrifstofu sveitarfélagsins til 14. desember.

Djúpavogshreppur auglýsir eftir tilboðum í verkið: Grunnskóli Djúpavogs – viðbygging, 2. áfangi innanhússfrágangur

Í síðustu viku var Barnaþing haldið í fyrsta sinn á Íslandi. Þar fékk fjölbreyttur hópur barna boð um að mæta og taka þátt. Stærstur hluti barnanna var valinn með slembivali úr þjóðskrá en einnig var séð til þess að börn af erlendum uppruna og börn með fatlanir ættu fulltrúa á þinginu. Á þinginu fengu krakkarnir að segja sínar skoðanir á þeim málum sem þeim finnst mikilvæg. Þingið var með þjóðfundarsniði og voru um 150 börnum skipt í hópa með einn stjórnanda sem sá um að allar skoðanir kæmust að. Við í Djúpavogsskóla vorum svo heppinn að eiga einn fulltrúa á þinginu en það var hann Björgvin Sigurjónsson í 8. bekk.

Ljósin á jólatré Djúpavogshrepps verða tendruð fyrsta sunnudag í aðventu þann 1. desember kl. 17:00, á Bjargstúni.

Grunnskólanemi kveikir jólaljósin.

Sungið og dansað í kringum jólatréð.

Jólasveinar kíkja í snemmbúna heimsókn niður í mannabyggð með sitthvað í pokahorninu.

Jólatréð er gjöf frá Skógræktarfélagi Djúpavogs.

Fjölskyldustund á aðventu í Djúpavogskirkju, 1. desember kl. 14:00.

Fiskeldi Austfjarða leitar að áhöfn á nýjan þjónustubát.

Við leitum að duglegum, samviskusömum og Jákvæðum liðsauka til að vinna með okkur þau verkefni sem þjónustubáturinn sinnir í Fáskrúðs- og Berufirði.

Laugardaginn 23. nóvember fóru fram úrslit í Spurningakeppni Neista 2019 á Hótel Framtíð. Fjögur lið höfðu tryggt sér þátttöku í úrslitunum, Djúpavogshreppur, Leikskólinn Bjarkatún, Baggi ehf. og Skákfélag Djúpavogs. Í fyrstu viðureign kvöldsins hafði Djúpavogshreppur tæpan sigur gegn leikskólanum og annarri viðureigninni fór Baggi ehf. nokkuð létt með Skákfélagið.

Djúpavogshreppur mætti síðan Bagga í úrslitum og þar höfðu þau fyrrnefndu yfirburði á flestum sviðum og stóðu uppi sem sigurvegarar.

Verðlaunin voru að sjálfsögðu hinn eftirsótti farandbikar auk fjölmargra vara sem unnar eru hér í Djúpavogshreppi.

Það var gaman að sjá hve vel var mætt og má segja að húsfyllir hafi verið og stemmningin eftir því.

Við óskum Djúpavogshreppi til hamingju með sigurinn.

Samband íslenskra sveitarfélaga hyggst ráða lögfræðing á lögfræði- og velferðarsviði. Lögfræðingar sambandsins koma fram fyrir þess hönd við undirbúning lagafrumvarpa og stjórnvaldsfyrirmæla sem varða sveitarfélögin og vinna að upplýsingagjöf, ráðgjöf og fræðslu til sveitarfélaga. Lögfræðingurinn mun starfa ásamt öðrum lögfræðingum og sérfræðingum sviðsins að margþættum og síbreytilegum verkefnum, sem meðal annars varða skipulags-, umhverfis- og auðlindamál, skólamál, málefni félagsþjónustu sveitarfélaga og túlkun laga og reglna sem varða starfsemi sveitarfélaga.

Undirbúningsstjórn sem vinnur að innleiðingu sameinaðs sveitarfélags leggur mikla áherslu á að sameiningarferlið verði gagnsætt og upplýsingar aðgengilegar um verkefnin framundan. Starfsfólk sveitarfélaganna eru lykilaðilar í því að vel takist til og var ákveðið að fyrsta verkefni væri hefja samráð við starfsfólk.

Æskulýðsstarf í Djúpavogskirkju, miðvikudaginn 27. nóvember.

Sveitarstjórnir Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hafa skipað undirbúningsstjórn sem skal undirbúa stofnun nýs sveitarfélags. Íbúar sveitarfélaganna samþykktu sameiningu sveitarfélaganna með afgerandi hætti þann 26. október síðastliðinn. Áætlað er að kosið verði til nýrrar sveitarstjórnar eftir páska og að nýtt sveitarfélag taki til starfa í lok apríl eða byrjun maí. Fram að þeim tíma starfa sveitarfélögin fjögur eins og verið hefur.