Djúpavogshreppur
A A

Aðalvefur

Áramótabrennu frestað fram á Nýársdag

ATHUGIÐ! Áramótabrennu frestað!

31.12.2018

Áramótin á Djúpavogi

Áramót, flugeldar og brenna

28.12.2018

Jólakveðja frá starfsfólki skrifstofu Djúpavogshrepps

Eftir langar og strangar æfingar er jólakveðjan frá skrifstofu Djúpavogshrepps nú loksins tilbúin. Í þetta sinn þurftum við að þjálfa upp tvo nýja dansara, þau Gretu Mjöll og Rúnar. Þau lofuðu nú ekkert sérstaklega góðu til að byrja með, voru reyndar alveg afleit, en eftir að Anna Sigrún ákvað að senda þau í þriggja vikna æfingabúðir til Gunnu Smára á Neskaupstað fóru hjólin loksins að snúast og jafnt og þétt fór þeim að takast að að halda sæmilegum takti. Gauti lét hafa eftir sér í upptökum að hann héldi að þau myndu innan ekki of margra ára ná þeim lágmarks kröfum sem krafist er af starfsfólki skrifstofunnar. Það má því segja að framtíðin sé björt.

Við óskum öllum gleðilegra jóla og farsældar á komandi ári.

Starfsfólk skrifstofu Djúpavogshrepps

21.12.2018

Jólasveinar og jólagjafir

Afhending í Neistahöllinni!

21.12.2018

Austurbrú óskar eftir liðsmanni

Austurbrú auglýsir eftir starfsmanni í 50% starf með starfsstöð á Djúpavogi. Starfið er tímabundið til eins árs með möguleika á framtíðarstarfi. Umsækjendur þurfa að búa yfir frumkvæði, sjálfstæði og skapandi hugsun auk góðra samskiptahæfileika. Spennandi tækifæri fyrir áhugasama um þróun þjónustu við íbúa og fyrirtæki á Austurlandi.

Helstu verkefni:

Verkefnastjórnun á menningartengdum verkefnum t.d. matarmenningu
Skipulagning viðburða og námskeiða
Ýmis ráðgjöf
Skrif á umsóknum í sjóði sem og skýrslum og samantektum í tengslum við verkefni Austurbrúar
Þátttaka í öðrum verkefnum Austurbrúar
Umsýsla á starfsstöð og ýmis tilfallandi verkefni

Hæfni og menntun:

Háskólamenntun sem nýtist í starfi auk jákvæðni, þjónustulundar og hæfni í mannlegum samskiptum. Starfið krefst metnaðar, skipulagðra vinnubragða auk færni í ritun og framsetningu efnis. Mikilvægt er að verkefnastjóri geti bæði unnið sjálfstætt sem og hluti af teymi. Sérþekking og reynsla á sviði menningar og atvinnuþróunar er kostur.

Laun eru greidd samkvæmt kjarasamningi Sambands íslenskra sveitarfélaga og Fræðagarðs.

Umsóknarfrestur er til og með 10. janúar 2019
- Hvetjum karla jafnt sem konur til að sækja um.

Áhugasamir sendi inn kynningarbréf ásamt ferilskrá á netfangið anna@austurbru.is. Frekari upplýsingar veitir Anna Alexandersdóttir í síma 470 3803 eða í ofangreindu netfangi.

21.12.2018

Íþróttamiðstöðin um jól og áramót 2018

Opnunartímar íþróttamiðstöðvarinnar um jól og áramót 2018.

21.12.2018

Deiliskipulag - Hamarssel í Djúpavogshreppi

Samkvæmt 1. mgr. 41. gr. skipulagslaga nr. 123/2010 er hér auglýst tillaga að eftirfarandi deiliskipulagi:

Uppbygging gistihúsa fyrir ferðamenn í Hamarsseli.

Deiliskipulagssvæðið er 1,1 ha að stærð og nær yfir bæjarstæði og næsta nágrenni. Samkvæmt tillögunni er gert ráð fyrir uppbyggingu tveggja gistihúsa ætluðum til útleigu til ferðamanna auk bílastæða og göngustíga.

20.12.2018

Tillaga að starfsleyfi Fiskeldis Austfjarða hf. í Berufirði til auglýs...

Umhverfisstofnun hefur unnið tillögu að starfsleyfi fyrir Fiskeldi Austfjarða hf. til framleiðslu á allt að 9.800 tonnum af laxi frjóum eða ófrjóum ( að hámarki 6.000 tonn af frjóum laxi) í Berufirði. Tillagan ásamt fylgigögnum er aðgengileg á vefsíðu Umhverfisstofnunar og gefst tækifæri til að koma með athugasemdir á tímabilinu 14.desember 2018 til og með 18.janúar 2019.

Í áliti Skipulagsstofnunar segir að fyrir liggi að fyrirhugað eldi Fiskeldis Austfjarða í Berufirði og Fáskrúðsfirði mun fylgja áhættumati Hafrannsóknastofnunar varðandi magn frjórra laxa í eldi. Áhættumatið miðar við 6.000 tonn af frjóum laxi í Berufirði og 15.000 tonnum í Fáskrúðsfirði og Reyðarfirði samanlagt, en Fiskeldi Austfjarða áformar eldi á 6.000 tonnum af frjóum laxi í Berufirði og 6.000 tonnum af frjóum laxi í Fáskrúðsfirði. Að teknu tilliti til þess og áformaðra öryggisráðstafana í búnaði og rekstri telur Skipulagsstofnun að fyrirhugað eldi Fiskeldis Austfjarða muni hafa nokkuð neikvæð áhrif á stofna villtra laxa, en áhrifin eru háð óvissu. Áhrifin eru líkleg til að verða mest í laxám næst fyrirhuguðum eldissvæðum en mun einnig mögulega gæta í laxám á stærra svæði.

Athugasemdir við tillöguna skulu vera skriflegar og sendar Umhverfisstofnun. Frestur til að skila inn athugasemdum er til og með 18. janúar 2019. Greinargerð mun fylgja starfsleyfi við útgáfu sbr. 6. gr. rg. nr. 550/2018.

19.12.2018

Jólatónleikar tónskólans 2018 í dag

Í Löngubúð kl. 17:00 í dag.

17.12.2018
14.12.2018

Jólabingó Neista 2018

Bingó Neista 2018!!

12.12.2018

21 milljón króna úthlutað til fjarvinnsluverkefna á Djúpavogi

21 milljón króna úthlutað til fjarvinnsluverkefna á Djúpavogi

Cittaslow

Sveitarstjórn: Fundarboð 13.12.2018

Sveitarstjórn: Fundarboð 13.12.2018

10.12.2018

Úthlutun hreindýraarðs 2018

Drög að úthlutun hreindýraarðs fyrir árið 2018 á ágangssvæði/jarðir í sveitarfélaginu liggja frammi á skrifstofu sveitarfélagsins til 14. desember.

Það er jafnframt sá frestur sem gefinn er til að gera skriflegar athugasemdir sem skulu sendast til:
Skrifstofa Umhverfisstofnunar
Tjarnarbraut 39A
Pósthólf 174
700 Egilsstaðir

Sveitarstjóri

07.12.2018

Opnunartími Tryggvabúðar í desember

Dagsetningar lokunar í Tryggvabúð

07.12.2018

Sameiningarviðræður: Samið við ráðgjafarfyrirtæki

Á fundi samstarfsnefndar um sameiningu sveitarfélaganna Borgafjarðar eystri, Djúpavogshrepps, Fljótsdalshéraðs og Seyðisfjarðarkaupstaðar, sem haldinn var þriðjudaginn 4. desember 2018, var samþykkt samhljóða að ganga til samninga við RR ráðgjöf varðandi verkefnastjórn og vinnu við stöðumat og framtíðarsýn.

Fulltrúar í samstarfsnefnd eru einnig sammála um að vinna að verkefninu undir vinnuheitinu SVEITARFÉLAGIÐ AUSTURLAND með það að markmiði að grunnþjónusta við íbúa sameinaðs sveitarfélags verði efld frá því sem nú er m.a. með þróun nútíma stjórnunarhátta og rafrænnar stjórnsýslu. Áhersla verður lögð á að virkar og öflugar starfsstöðvar verði til staðar í öllum byggðakjörnum þess, framtíðarstjórnskipulag geri ráð fyrir hverfisráðum með ákvörðunarrétt í vissum málum s.s. varðandi umhverfis- og skipulagsmál og jafnframt verði unnið að því í sameiningarferlinu að fá samþykki stjórnvalda fyrir ákveðnum samgöngubótum innan svæðisins sem munu gegna lykilhlutverki varðandi framtíðarþróun þess.

Horft er til þess að íbúar sveitarfélaganna fjögurra kjósi um sameiningu þeirra fyrir árslok 2019 og mun verða leitast við að virkja starfsmenn, íbúa og fulltrúa félagasamtaka í þeirri vinnu sem leiða mun síðan af sér tillögur að framtíðarfyrirkomulagi SVEITARFÉLAGSINS AUSTURLANDS sem kosið verður þá um.

06.12.2018

Jólamarkaður Kvenfélagsins Vöku 2018

Jólamarkaður í Löngubúð

03.12.2018

Hátíðardagskrá í Löngubúð

Í tilefni af 100 ára afmæli fullveldis Íslands þann 1. des verður notaleg stund í Löngubúð.

30.11.2018

Jólaljósatendrun 2018

Ljósin á jólatré Djúpavogshrepps verða tendruð fyrsta sunnudag í aðventu þann 2. desember kl. 17:00 á Bjargstúni.

Grunnskólanemi kveikir jólaljósin.

Sungið og dansað í kringum jólatréð.

Jólasveinar kíkja í snemmbúna heimsókn niður í mannabyggð með sitthvað í pokahorninu.

Jólatréð er gjöf frá Skógræktarfélagi Djúpavogs.

30.11.2018

Jólablað Bóndavörðunnar 2018 komið á netið

Jólablað Bóndavörðunnar 2018 kom út þann 23. nóvember síðastliðinn.

Nú er hægt að skoða netútgáfu af blaðinu.

Smellið hér til fara á vefsvæði Bóndavörðunnar, en þar er einnig hægt að skoða eldri tölublöð.

28.11.2018

Bókagjöf frá Lionsklúbbi Djúpavogs

Á dögunum færðu Lionsfélagar á Djúpavogi leikskólanum námsefnispakka frá Menntamálastofnun. En þessi gjafapakki fór til allra leikskóla á landinu og sáu fulltrúar Lions-hreyfingarinnar um að heimsækja leikskólana og afhenda þeim gjafapakkann.

Í pakkanum er að finna spjöld með bókstöfum, veggspjöld með bók- og tölustöfum, hreyfispil, tónlistarleiki og léttlestrarbækur. Afhending námsefnisins er liður í þjóðarsáttmála um læsi og mun það nýtast vel í öllu starfi leikskólans okkar.

Við þökkum Lions kærlega fyrir þessa heimsókn til okkar.

28.11.2018

Foreldrafélög Djúpavogs fá barnabókahöfund á Djúpavog

Bergrún Íris rithöfundur heimsækir Djúpavog

26.11.2018

Bera - fyrsta íslenska hot sauce sósan

"Bera er fyrsta íslenska „hot sauce” sósan. Nefnd eftir austfirskri skessu og framleidd í samnefndum firði. Hún er sterk, stór og ber að nálgast af varfærni. En ef rétt er að farið opnast gáttirnar fyrir sætu og seiðandi suðrænu bragði sem sleppir seint taki."

Svona er lýsingin á sósunni sem Djúpavogsbúinn William Óðinn Lefever hefur verið að vinna að síðastliðin ár. Og nú er komið að lokahnykknum við að koma sósunni á markað. Óðinn hefur komið á laggirnar Karolina Fund söfnun til að klára verkefnið. Á Facebook síðu Lefever Hot Sauce segir: Tæplega 600 mangóum seinna og sósan er klár! Nú þurfum við á ykkar hjálp að halda! Ykkar framlag á Karolinafund getur látið þennan draum verða að veruleika. Íslandi sárvantar hot sauce í matarflóru sína. Með ykkar framlagi getum við teygt það til frambúðar!

Óðinn hefur staðið sveittur með hjálp góðra manna í framleiðslueldhúsinu á Karlsstöðum við að malla sósuna og koma á flöskur.

Við hvetjum að sjálfsögðu alla til að styðja við þetta flotta verkefni.

Cittaslow

Þórshamar "hræðilegasta" húsið á Dögum myrkurs

Tilkynning á hræðilegasta húsinu á Dögum myrkurs

23.11.2018

Sunnudagaskólinn í Djúpavogskirkju

Sunnudagaskólinn í Djúpavogskirkju kl. 13.00, sunnudaginn 25. nóvember.

Þáttur sýndur með Hafdísi og Klemma og Rebbi mætir og söngur og gaman

Allir krakkar velkomnir og pabbar og mömmur, líka afar og ömmur,

sóknarprestur

22.11.2018