Aðalvefur
Auglýsing vegna úthlutunar byggðakvóta á fiskveiðiárinu 2015/2016
Fiskistofa auglýsir eftir umsóknum um byggðakvóta til fiskiskipa í eftirfarandi byggðarlögum:
1) Á grundvelli reglugerðar um úthlutun byggðakvóta til fiskiskipa nr. 605, 3. júlí 2015
Djúpivogur
2) Auk ofangreindrar reglugerðar er vísað til sérstakra úthlutunarreglna í neðanskráðum byggðalögum sbr. auglýsingu nr. 1159/2015 í Stjórnartíðindum:
Norðurþing (Húsavík, Kópasker og Raufarhöfn)
3) Fiskistofa auglýsir öðru sinni eftir umsóknum um byggðakvóta til fiskiskipa í neðangreindum byggðarlögum sbr. reglugerð nr. 605/2015 og auglýsingu nr. 1159/2015 (áður sendar umsóknir eru gildar):
Vogar
Ísafjarðarbær (Ísafjörður)
Umsóknum skal skilað til Fiskistofu á eyðublaði sem er að finna hér. Umsóknum þarf að fylgja samningur við vinnslu á eyðublaði sem er að finna hér.
Vakin skal athygli á því að umsóknin telst ekki gild nema samningur um vinnslu fylgi.
Umsóknarfrestur er til og með 12. janúar 2016
Fiskistofa 29. desember 2015
Félagsvist í Löngubúð
Í kvöld fer fram síðasta félagsvist ársins 2015 í Löngubúð.
Við byrjum kl. 20:30.
Kvenfélagið Vaka
Áramótabrennan 2015
Kveikt verður í áramótabrennunni í Blánni þann 31. desember kl. 17:00. Fólk er hvatt til að koma gangandi til brennunnar.
Björgunarsveitin Bára sér um stórbrotna flugeldasýningu og Umf. Neisti sér um að kveikja upp í brennunni og halda henni á lífi.
Að venju vonumst við eftir fjölmenni við að kveðja gamla árið og fagna því nýja.
Sveitarstjóri
Frá Bakkabúð
Síðustu opnunardagar ársins í Bakkabúð eru:
Þriðjudagurinn 29. des. og miðvikudagurinn 30. des. frá kl. 14:00 - 18:00.
Ef þið þurfið að skila eða skipta, endilega að kíkja :)
Starfsfólk Bakkabúðar
Vöfflukaffi á aðventunni
Í byrjun aðventunar fór hópur barna úr leikskólanum í vöfflukaffi út í Tryggvabúð. Vöfflukaffi er alla miðvikudaga í Tryggvabúð og fóru 7-8 börn frá leikskólanum í hvert skipti. Farið var í fjögur skipti og var síðasta skiptið þann 16. desember. Börnin gengu ef veður leyfði og voru ýmist sótt þangað eða komu til baka í leikskólann um fjögur leytið. Var þetta skemmtileg tilbreyting á starfinu og fannst öllum gaman að kíkja á heldri borgara sem hafa aðstöðu þarna og sum hittu ömmu sína eða afa, langömmu eða frænku og snæða ljúffenga vöfflu með sultu og rjóma.
Fyrsti hópurinn í vöfflukaffi
Síðasti hópurinn í vöfflukaffi
ÞS
Jólalokun í Tryggvabúð
Tryggvabúð verður lokuð eftir kl. 15:00 á morgun, eftir skötuveisluna. Við opnum aftur 4. janúar kl. 09:00.
Jólakveðja
B og M
Foreldrar kátra barna athugið!
Aðstoðarmenn jólasveinanna óska eftir ábendingum og tillögum að jólagjöfum handa börnunum. Vinsamlegast komið þeim til skila á Þorláksmessu, þann 23. desember, í Íþróttamiðstöð Djúpavogs.
Viðvera jólasveinanna verður frá kl. 16:00 - 17:00.
Verð á heimili er kr. 1.000.-
Dagskráin fram að jólum og milli jóla og nýárs
22. desember
Hótel Framtíð: Pizzutilboð kl. 17:30-20:00. 12" pizza með þremur áleggstegundum og gos á kr. 2.350,-
23. desember
Skötuveisla í Tryggvabúð: Eldri borgarar bjóða upp á skötuveislu í Tryggvabúð á Þorláksmessu, 23. desember, kl. 12:00. Saltfiskur verður einnig í boði. Kaffi og konfekt í eftirrétt. Okkur þætti voða vænt um að þeir sem hafa hug á að koma, skrái sig mánudaginn 21. desember frá kl. 09:00 - 17:00 í síma 478-8275 eða í gegnum netfangið tryggvabud@djupivogur.is. Verð á mann er kr. 1.500, 750 kr. fyrir 12 ára og yngri. Allir hjartanlega velkomnir. Eldri borgarar í Djúpvogshreppi.
Þorláksmessa í Löngubúð: Langabúð verður opin í kvöld frá kl. 21. Íris Antonía ætlar að syngja og spila huglúfa tónlist til að koma okkur í jólaskapið. Tilvalið að koma í hlýjuna og slaka á eftir jólaundirbúiningin í góðra vina hópi.
Sörur - marens - brauðterta, jólakaffi og annað gúmmilaði
Allir velkomnir. Kveðja, Rán
24. desember
Gleðileg jól kæru íbúar Djúpavogshrepps!
Djúpavogskirkja: Aðfangadagskvöld kl. 18:00 - aftansöngur í Djúpavogskirkju.
26. desember
Langabúð: Jólabarsvar kl. 22:00. Barinn opinn.
27. desember
Hofskirkja: Hátíðarguðsþjónusta í Hofskirkju sunnudaginn 27. des. kl. 14:00.
29. desember
Björgunarsveitin Bára: Flugeldasala í Sambúð að Mörk 12, kl. 13:00-20:00.
Hótel Framtíð: Pizzutilboð kl. 17:30-20:00. 12" pizza með þremur áleggstegundum og gos á kr. 2.350. ATH forsala fyrir áramótagleðina á Hótel Framtíð hefst í dag.
30. desember
Björgunarsveitin Bára: Flugeldasala í Sambúð að Mörk 12, kl. 13:00-22:00.
Hótel Framtíð: Pizzutilboð kl. 17:30-20:00. 12" pizza með þremur áleggstegundum og gos á kr. 2.350,-
31. desember
Björgunarsveitin Bára: Flugeldasala í Sambúð að Mörk 12, kl. 10:00-14:00.
Áramótabrenna: Kveikt verður í áramótabrennunni í Blánni kl. 17:00. Fólk er hvatt til að koma gangandi til brennunnar. Björgunarsveitin Bára sér um stórbrotna flugeldasýningu og Umf. Neisti sér um að kveikja upp í brennunni og halda henni á lífi. Að venju vonumst við eftir fjölmenni við að kveðja gamla árið og fagna því nýja.
Áramótagleði á Hótel Framtíð: Kl. 01:00-04:00. Aldurstakmark 18 ára (dagurinn). Kr. 1.850,- í forsölu (29. og 30. desember). Kr. 2.850,- eftir að forsölu lýkur. Frír drykkur fylgir hverjum keyptum miða.
Fréttir og jólakveðja úr Djúpinu
Frá því 7. apríl 2015 hefur verið fastur starfsmaður í Djúpinu á starfsstöð Austurbrúar á Djúpavogi. Eitt af því sem hefur áunnist við opnun nýrrar starfsstöðvar á Djúpavogi er að grunnskólinn á staðnum losnaði við alla umsýslu vegna prófa fjarnema. Sú umsýsla sem lenti áður á herðum starfsmanna skólans var orðin ærin. Frá 1.-18. des voru 35 próf undirbúin í Djúpinu, en 32 tekin próf til 18. des. Ekki er vitað til annars en að nemendum hafi líkað aðstaðan í Djúpinu við próftökuna. Sumir vissu ekki af aðstöðunni og geta jafnvel hugsað sér að nýta hana í næstu framtíð við heimanám. Því ber að fagna enda töluverður fjöldi einstaklinga sem búsettir eru á Djúpavogi í fjarnámi. Það er virkilega jákvætt þegar góð námsaðstaða er til staðar fyrir heimamenn og ekki allir sem hafa ró og frið til þess að sinna námi sínu heima við. Við vonum bara að framhald verði á og fleiri sjái sér hag í því að nýta Djúpið.
Undirrituð þakkar nemendum fyrir komuna og óskar þeim gleðilegra jóla og farsældar á nýju ári.
Kær kveðja,
Katrín Reynisdóttir
Verkefnastjóri
katrin@austurbru.is • 470 3870 • 853 7765
Munum eftir að flokka um jólin
- Jólapappír er endurvinnanlegur líkt og annar pappír og oft er jafnvel hægt að endurnýta hann að ári. Stundum er reyndar innpökkunarpappír úr plasti og þá á hann heima með því.
- Týpískir jólaborðar eru úr plastefni og flokkast sem slíkt.
- Slaufur og efnisborða má endurnýta næstum fram í hið óendanlega.
- Orabaunirnar koma í dós sem auðvelt er að þrífa og flokka með öðrum málmum. Sama máli gegnir um lokið á rauðkálskrukkunni.
- Krukkur flokkast með öðru því gleri sem ekki er skilagjald á.
- Fernur utan af þeim mikla rjóma sem notast yfir hátíðirinar (m.a. í möndlugraut og jólaís) flokkast með öðrum fernum.
- Matarafganga er hægt að nýta í moltugerð eða t.d. sem fæði fyrir hænur í sveitarfélaginu.
- Umframorku af jólaáti má nýta í létt skokk eða jólaljósagöngu.
Svo er hægt að styðja félög og góð málefni með því að gefa flöskur og dósir.
Jólakveðjur,
Djúpavogshreppur
ED
Þorláksmessuskata í Tryggvabúð
Eldri borgarar bjóða upp á skötuveislu í Tryggvabúð á Þorláksmessu, 23. desember, kl. 12:00. Saltfiskur verður einnig í boði. Kaffi og konfekt í eftirrétt.
Okkur þætti voða vænt um að þeir sem hafa hug á að koma, skrái sig mánudaginn 21. desember frá kl. 09:00 - 17:00 í síma 478-8275 eða í gegnum netfangið tryggvabud@djupivogur.is.
Verð á mann er kr. 1.500, 750 kr. fyrir 12 ára og yngri.
Allir hjartanlega velkomnir.
Eldri borgarar í Djúpvogshreppi
Opnunartími Bakkabúðar til jóla
Opið alla daga til jóla frá kl. 13:00 - 18:00.
Opið á Þorláksmessu frá kl. 13:00 - 21:00.
Verið velkomin!!
Sigrún Svavarsdóttir
Leiðrétting á dagskrá Hótel Framtíðar
Kæru viðskiptavinir,
mistök voru í auglýsingunni yfir dagskrá Hótel Framtíðar í desembermánuði sem birtist í Bóndavörðunni.
Pizzatilboð verður þann 22. desember, en ekki 23. eins og misritaðist.
Kveðja,
starfsfólk Hótel Framtíðar
Hvað er að gerast jólalegt í vikunni?
14. desember
Tryggvabúð: Nýjar bækur: Lesið verður úr nýjum bókum í Tryggvabúð mánudagskvöldið 14. desember kl. 20:30.
Heitt á könnunni og nammi í skál.
Allir velkomnir!
Félag h-eldri borgara
18. desember
Við Voginn: Skötuhlaðborð
Hótel Framtíð: Jólatrésskemmtun kl. 11:00. Allir velkomnir og frítt inn.
19. desember
Jólatréssala: Jólatréssala Skógræktarfélags Djúpavogs í skógræktinni kl. 13:00-14:00.
Farið er upp afleggjarann við kirkjugarðinn og fólk getur valið sér tré.
Félagar skógræktarfélagsins verða á staðnum og saga fyrir fólk.
Verð kr. 3.000.-
Ljótu-jólapeysupartý í Löngubúð: Verðlaun fyrir ljótustu peysuna. 2 fyrir 1 ár barnum kl. 22:00-23:00. Jólaglögg, jólabjór...
Sveitarstjórn: Fundargerð 10.12.2015
Hægt er að nálgast fundargerðina með því að smella hér.
ÓB
Úthlutun hreindýraarðs 2015
Drög að úthlutun hreindýraarðs fyrir árið 2015 á ágangssvæði/jarðir í sveitarfélaginu liggja frammi á skrifstofu sveitarfélagsins til 18. desember. Það er jafnframt sá frestur sem gefinn er til að gera skriflegar athugasemdir sem skulu sendast til:
Skrifstofa Umhverfisstofnunar
Tjarnarbraut 39A
Pósthólf 174
700 Egilsstaðir
Sveitarstjóri
Jólabingó Neista 2016
Næstkomandi sunnudag mun ungmennafélagið Neisti halda sitt árlega jólabingó á Hótel Framtíð
Bingóið er sem fyrr stórglæsilegt og skiptist í barnabingó sem verður kl. 14:00 og fullorðinsbingó sem verður kl. 20:00.
Vinningar eru meðal annars flug, gisting, veitingar, kræsingar beint úr sveitum og sjó, humarsúpa, hárvörur, hönnun, handverk, gjafabréf, leikföng og margt, margt fleira sem ungmennafélagið fær að styrk frá fyrirtækjum og einstaklingum sem leggja þannig sitt að mörkum til uppbyggingar á íþróttastarfi á Djúpavogi.
Viljum við nota tækifærið og þakka kærlega fyrir það framlag og hvetja alla bæjarbúa til að koma og spila.
Innkoma seldra bingóspjalda rennur að sjálfsögðu beint til ungmennafélagsins og verður til þess að áframhaldandi uppbygging og fjölbreytileiki helst í starfi Neista.
Bestu kveðjur,
stjórn Neista
Umsóknarfrestur í tvo sjóði að renna út 15. des.
Norsk-íslenskur menningarsjóður
Umsóknarfrestur til 15. desember 2015.
Skoðið textan og heimasíður sem veita upplýsingar hér fyrir neðan og sækjið um ef þið eruð með verkefni.
Þeir sem starfa á sviði lista og menningar í Noregi og á Íslandi geta sótt um styrki til samstarfsverkefna sem stuðla að fjörbreytilegu samstarfi á því sviði og koma á varanlegum tengslum milli listamanna, þeirra sem starfa að menningarmálum og menningarstofnana í báðum löndum. Norska menningarráðið (Norsk kulturråd) og mennta- og menningarmálaráðuneyti taka umsóknir til umfjöllunar.
Leiðbeiningar fyrir umsækjendur:
Umsækjendur skulu fylla út umsóknareyðublað sem er á vef Norsk kulturråd (http://kulturradet.no/stotteordninger/norsk-islandsk-kultursamarbeid) með upplýsingum um markmið verkefnisins ásamt verkefnis-, framkvæmdar-, fjárhags- og fjármögnunaráætlun. Allar umsóknir þurfa að fara í gegnum vef Norsk kulturråd. Að verkefni loknu skal afhenda skýrslu um verkefnið til Norsk kulturråd í samræmi við þær reglur sem gilda fyrir ríksisstyrkþega.
Athugið. Umsóknir skulu vera á norsku, dönsku sænsku eða ensku.
http://www.menntamalaraduneyti.is/afgreidsla/sjodir-og-eydublod/menningarmal/nr/5061
http://www.kulturradet.no/stotteordninger/norsk-islandsk-kultursamarbeid
Uppbyggingarsjóður Austurlands
Umsóknarfrestur til 15. desember 2015.
Tilgangur sjóðsins er að styrkja menningar- og nýsköpunarverkefni og önnur verkefni sem falla að sóknaráætlun Austurlands.
Sjá nánar á auglýsingunni hér að neðan.
Athugið að boðið er upp á vinnustofur þar sem hægt verður að fá aðstoð við gerð umsókna.
Nánari upplýsingar má finna á heimasíðu Austurbrúar.
Jólatréssala Skógræktarfélags Djúpavogs
Skógræktarfélags Djúpavogs mun standa fyrir sölu jólatrjáa í skógræktinni laugardaginn 19. desember kl. 13:00-14:00.
Farið er upp afleggjarann við kirkjugarðinn og fólk getur valið sér tré.
Félagar skógræktarfélagsins verða á staðnum og saga fyrir fólk.
Verð kr. 3.000.-
Skógræktarfélag Djúpavogs
Nýjar bækur
Lesið verður úr nýjum bókum í Tryggvabúð mánudagskvöldið 14. desember kl. 20:30.
Heitt á könnunni og nammi í skál.
Allir velkomnir!
Félag h-eldri borgara
Sveitarstjórn: Fundarboð 10.12.2015
Sveitarstjórn Djúpavogshrepps: Fundarboð 10.12.2015
18. fundur 2010-2014
Fundur verður haldinn í sveitarstjórn Djúpavogshrepps fimmtudaginn 10. desember 2015 kl. 15:00. Fundarstaður: Geysir.
Dagskrá:
1. Fjárhagsáætlun 2016; fjárhagsleg málefni, málefni stofnana o. fl.
2. Fundargerðir
a) Ársfundur umsjónaraðila friðlýstra svæða, dags. 13. nóvember 2015
b) Stjórn Hafnasambands Íslands, dags. 16. nóvember 2015.
c) Stjórn Sambands íslenskra sveitarfélaga, dags. 20. nóvember 2015.
d) Stjórn Héraðsskjalasafns Austfirðinga, dags. 25. nóvember 2015.
e) Aðalfundur Héraðsskjalasafns Austfirðinga, dags. 25. nóvember 2015.
f) Stjórn Samtaka sjávarútvegssveitarfélaga, dags. 26. nóvember 2015.
g) Heilbrigðisnefnd Austurlands, dags. 2. desember 2015.
h) Fræðslu- og tómstundanefnd, dags. 3. desember.
3. Erindi og bréf
a) Hammondhátíð Djúpavogs, styrkbeiðni, dags. 18. nóvember 2015.
b) Landgræðsla ríkisins, styrkbeiðni, dags. 23. nóvember 2015
c) Innanríkisráðuneytið, breytingar á lögræðislögum, dags. 23. nóvember 2015
d) Samtök sveitarfélaga á Austurlandi, framlenging á samningi um almenningssamgöngur, dags. 25. nóvember 2015.
e) Bæjarstjóri Sveitarfélagsins Hornafjarðar, breyting á vinnslu úrgangs, dags. 26. nóvember 2015.
f) Samband íslenskra sveitarfélaga, gerð leiðbeininga um störf almannavarnanefnda, dags. 26. nóvember 2015.
g) Skógræktarfélag Djúpavogs, styrkbeiðni, dags. 2. desember 2015.
4. Breyting á Aðalskipulagi Djúpavogshrepps 2008-2020: Hringvegur um Berufjarðarbotn
5. Skýrsla sveitarstjóra
Djúpavogi 7. desember 2015;
Sveitarstjóri
Opnunartími Íþróttamiðstöðvar Djúpavogs yfir hátíðirnar
Sjá hér að neðan auglýstan opnunartíma Íþróttamiðstöðvar Djúpavogs yfir hátíðirnar.
Gleðidagskrá þessarrar viku
9. desember
Jólatónleikar (Jólastund) tónskólans verður haldin í Helgafelli 9. desember kl. 17:30.
Vinsæl og falleg jólalög. Allir velkomnir!
11. desember
Við Voginn: Jólahlaðborð
12. desember
Langabúð: Bardagi Gunnar Nelson á skjánum og barinn opinn.
13. desember
Hótel Framtíð: Jólabingó Neista!
Barnabingó kl. 14:00-16:00
Fullorðinsbingó kl. 20:00-22:00
Jólaföndur og kaffihús
Jólaföndur foreldrafélags Djúpavogs
Laugardaginn 5. desember verður árlegt jólaföndur Djúpavogsskóla í grunnskólanum.
Föndrið verður frá 11:00 - 14:00. Í boði verður alls konar endurnýtanlegur efniviður, allt er ókeypis en gott er að taka með sér lím, skæri og auglýsingapésa til að föndra úr.
Nemendur 9. bekkjar verða með kaffihús frá 12:00 - 14:00 og verða margar girnilegar hnallþórur í boði.
Allir íbúar sveitarfélagsins eru hjartanlega velkomnir, ef ekki til að föndra þá bara til að hitta aðra og kíkja á kaffihúsið.
Skólastjóri
Skemmtilegheit þessarar viku
Þegar líður að jólum er margt að gerast. Hér að neðan má sjá dagskrá vikunnar:
2. desember
Smákökubakstur hjá foreldrafélaginu fyrir 5.-6. bekk kl. 15:00-16:30 og 3.-4. bekk 16:30-18:00.
Baksturinn fer fram í Helgafelli.
3. desember
Jólamarkaður kvenfélagsins Vöku í Löngubúð kl. 18:00-21:00.
4. desember
Jólafagnaður eldri borgara
Föstudaginn 4. desember kl. 19:00 ætlum við að halda jólafagnað í Tryggvabúð fyrir íbúa Djúpavogshrepps 60 ára og eldri.
Verð 3.500 kr.
Þeir sem áhuga hafa vinsamlegast skráið ykkur í síðasta lagi 27. nóvember í síma 478-8275.
Hlökkum til að sjá sem flesta.
Starfskonur Tryggvabúðar.
Jólahlaðborð á Hótel Framtíð
Verð á hlaðborð kr. 8.950,- pr/mann
Hópatilboð verð kr. 7.900,- pr/mann
Einnig tilboð á gistingu, sjá auglýsinguna hér.
Pantanir á framtid@simnet.is eða í s. 478-8887
5. desember
Jólaföndur Djúpavogsskóla 2015
Hið árlega jólaföndur Djúpavogsskóla verður haldið laugardaginn 5. desember frá klukkan 11:00-14:00 úti í grunnskóla. Eins og fyrri ár verður kaffi- og kökusala á staðnum.
Jólaföndrið er frítt öllum!
Foreldrafélagið
Jólahlaðborð á Hótel Framtíð
Verð á hlaðborð kr. 8.950,- pr/mann
Hópatilboð verð kr. 7.900,- pr/mann
Einnig tilboð á gistingu, sjá auglýsinguna hér.
Pantanir á framtid@simnet.is eða í s. 478-8887
6. desember
Aðventuhátíð 2. sunnudag í aðventu 6. des. kl. 17.00.
Barnakór og kirkjukór syngja aðventu- og jólalög.
Helgileikir og hugvekja.
Til eigenda hunda- og katta á Djúpavogi
Eigendum hunda og katta er skylt er að láta ormahreinsa dýr sín einu sinni á ári. Ormahreinsun hunda og katta á Djúpavogi haustið 2015 fer fram í áhaldahúsi Djúpavogshrepps fimmtudaginn 10. desember kl. 13:00-14:00 og er hún innifalin í leyfisgjaldi skráðra dýra.
Eigendum óskráðra dýra er bent á að nota tækifærið og láta örmerkja þau og bólusetja og ganga síðan frá skráningu á þeim hjá Djúpavogshreppi. Örmerking og bólusetning er á kostnað eiganda.
Jafnframt er minnt á nýjar samþykktir um hunda-, katta- og gæludýrahald í sveitarfélaginu útgefnum 15. október 2015. Þær má finna með því að smella hér.
Sveitarstjóri
Djúpavogshreppur auglýsir bifreið til sölu
Djúpavogshreppur auglýsir bifreið til sölu. Um er að ræða Toyota Hilux, þá hina sömu og sést á meðfylgjandi mynd.
Bifreiðin er tæplega seld til annars en niðurrifs enda gírkassi og millikassi ónýtir ásamt kúplingspressu.
Vél er léleg og útlit dapurlegt, hvort heldur er að innan eða utan.
Bifreiðin verður seld hæstbjóðanda en tilboðum skal skila á skrifstofu hreppsins eigi síðar en kl. 15:00 mánudaginn 7. desember.
Sveitarstjóri
p.s. fylgihlutir sem sjást á mynd fylgja ekki, hvorki þeir sem sjást að utan né þessir að innan.
p.p.s. ástand bifreiðarinnar er mun, mun verra en myndin sýnir.
p.p.p.s. engir jólasveinar slösuðust við töku meðfylgjandi myndar, ekki heldur neinir Skúlar.
