Djúpavogshreppur
A A

Aðalvefur

Sveitarstjórn: Fundargerð 12.02.2015

Hægt er að nálgast fundargerðina með því að smella hér.

ÓB

13.02.2015

Þetta er frétt

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

13.02.2015

Námskeið í silfursmíði

Er áhugi meðal einhverra íbúa í Djúpavogshreppi að hér verði haldið námskeið í víravirkisgerð?

Ef svo er, þá endilega hafið samband í síma 478-8228 eða á netfangið erla@djupivogur.is

Austurbrú ætlar að skoða þann möguleika að halda námskeið hér ef þátttaka er næg.

Ennfremur skuluð þið endilega láta mig vita ef áhugi er fyrir því að einhver ákveðin námskeið verði haldin hér í Djúpavogshreppi, og sem líklegt væri að einhverjir íbúar hefðu áhuga á. Austurbrú þarf að jafnaði 8-10 manns til að námskeið verði haldið.

Erla Dóra, ferða- og menningarmálafulltrúi

11.02.2015

Sveitarstjórn: Fundarboð 12.02.2015

Sveitarstjórn Djúpavogshrepps: Fundarboð 12.02.2015

9. fundur 2010-2014

Fundur verður haldinn í sveitarstjórn Djúpavogshrepps fimmtudaginn 12. febrúar 2015 kl. 16:30. Fundarstaður: Geysir.

Dagskrá: 

1. Fundargerðir

a) Ferða- og menningarmálanefnd, dags. 7. janúar 2015.
b) Skipulags-, framkvæmda- og umhverfisnefnd, dags. 12. janúar 2015.
c) Hafnasamband Íslands, dags. 16. janúar 2015.
d) SSA, dags. 21. janúar 2015.
e) Skipulags-, framkvæmda- og umhverfisnefnd, dags. 23. janúar 2015.
f) Cruise Iceland, dags. 23. janúar 2015.
g) Hafnarnefnd Djúpavogshrepps, dags. 26. janúar 2015.
h) Atvinnumálanefnd, dags. 9. febrúar 2015.
i) Ferða- og menningarmálanefnd, dags. 10. febrúar 2015.

2. Erindi og bréf

a) Landsnet, kerfisáætlun 2015-2024, dags. 2. janúar 2015
b) Skipulagsstofnun, tillaga að breytingu á Aðalskipulag Djúpavogshrepps 2008-2020, Teigarhorn, dags. 8. janúar 2015.
c) Fljótsdalshérað, bókun náttúruverndarnefndar Fljótsdalshéraðs, dags. 12. janúar 2014.
d) Skipulagsstofnun, umsögn um tillögu að landsskipulagsstefnu 2015-2026, 29. janúar 2015.
e) Hafnasamband Íslands, ársreikningur Hafnasambands Íslands 2014, dags. 3. febrúar 2014.
f) Sýslumaðurinn á Austurlandi, umsókn um rekstarleyfi á Karlsstöðum í Berufirði, dags. 3. febrúar 2015.
g) Héraðsskjalasafn Austfirðinga, styrkumsókn vegna ljósmyndavefs, dags. 3. febrúar 2015.
h) Óskalistinn, tillaga um starfshóp, dags. 9. febrúar 2014.
i) Óskalistinn, ungmennaráð, dags. 9. febrúar 2014.

3. Samkomulag við Náttúran.is
4. Samkomulag um aukna byggðafestu á Djúpavogi
5. Samningur um sóknaráætlun Austurlands 2015-2019
6. Siðareglur Djúpavogshrepps
7. Skýrsla sveitarstjóra


Djúpavogi, 9. febrúar 2015.
sveitarstjóri

11.02.2015

Námskeið í förðun og umhirðu húðar

Næstkomandi föstudagskvöld verður námskeið í förðun og umhirðu húðarinnar. Snyrti- og Förðunarmeistarinn Kristín Stefánsdóttir sér um námskeiðið. Það hentar öllum frá 12 ára aldri (7. bekkur). Foreldrafélagið niðurgreiðir námskeiðið um helming fyrir 7.-10. bekk. 

Þetta fróðlega námskeið kostar 5.000 kr og verður haldið í Tryggvabúð frá kl 19:00 -22:00. Frábært tækifæri fyrir vinkonur að eiga notalegt og fróðlegt kvöld saman. Skráning hjá Hafdísi í síma 861-1979. 

09.02.2015

Næsta myndasýning í Tryggvabúð

Næsta myndasýning í Tryggvabúð verður mánudaginn 9. febrúar næstkomandi kl. 16:00.

Allir hjartanlega velkomnir.

Merkingasveitin

06.02.2015

Dagur leikskólans 2015

Í dag 6. febrúar er dagur leikskólans en þetta er í áttunda sinn sem þessi dagur er haldinn hátíðlegur. Þetta er því  merkisdagur í íslenskri leikskólasögu en á þessum degi árið 1950 stofnuðu frumkvöðlar leikskólakennara fyrstu samtökin sín.   Tilgangurinn með þessum degi er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfsemina út á við. 

Við í Bjarkatúni buðu því sveitarstjórn, fræðslunefnd og sveitarstjóra til morgunverðar inn á deildum.  Gauti, Andrés, Sóley, Rán og Hegla Rún komu og skiptu þau sér inn á deildirnar og fengu sér morgunmat með börnunum á deildunum.  Þau fylgdust svo með starfinu en eftir morgunverð var farið í samveru þar sem þjónn dagsins var valinn og farið yfir daginn og veðrið.  Þá var komið að valinu en á föstudögum er stórt val þar sem Tjaldadeild og Kríudeild velja saman sem að elstu krakkarnir á Krummadeild koma í heimsókn á Kríudeild. 

Andrés á Krummadeild

Gauti á Kríudeild

Það var því margt að sjá og upplifa bæði fyrir börnin og gestina en diskur flaug á gólfið inn á Krummadeild, weetabixinu var dýft ofan í glasið og bitið í því og voru nokkur fljót að grípa það og herma eftir.  Á Kríudeild þótti það sæta til tíðinda að einn fékk sér tvö weetabix í einu og gleymdi svo að segja takk fyrir mig þegar hann gekk frá disknum sínum.  Á Tjaldadeild vakti það mikla undrun meðal gestanna hvað börnin voru rosalega stillt og þæg. 

Rán og Helga Rún kíktu á Tjaldadeild

Síðan hafa deildirnar sett upp listaverk, Krummadeild er með verk á Neistatúninu, Kríudeild er með verk út í Samkaup/strax og Tjaldadeild er með verk í sparisjóðnum.  Við hvetjum ykkur til að skoða þessi verk barnanna. 

Fleiri myndir hér

ÞS

Erla Dóra er nýr ferða- og menningarmálafulltrúi Djúpavogshrepps

Erla Dóra Vogler hóf störf í vikunni sem nýr ferða- og menningarmálafulltrúi Djúpavogshrepps.

Erla kemur frá Egilsstöðum, en hefur einnig búið í Reykjavík og Vínarborg, þar sem hún var við nám. Hún er jarðfræðingur og söngvari að mennt.

Mörg verkefni bíða Erlu og hlakkar hún til að kynnast íbúum, fyrirtækjum, verkefnum, sögu, menningu og landslagi Djúpavogshrepps á komandi mánuðum.

Við bjóðum Erlu hjartanlega velkomna til starfa.

ÓB

06.02.2015

Dagur leikskólans

Dagur leikskólans er á morgun, föstudaginn 6. febrúar.  Af því tilefni hafa nemendur og starfsfólk boðið fræðslunefnd, sveitarstjórn og sveitarstjóra í morgunverð í fyrramálið.
Auk þess ætla börnin að vera með listaverkasýningar vítt og breitt um þorpið.  Tjaldadeild verður með listaverk til sýnis í Sparisjóðnum / Íslandspósti, Kríudeild verður með listaverk til sýnis í Samkaup-Strax og Krummadeild verður með útilistaverk á Neistatúninu.  Hvetjum við alla til að gera sér ferð og skoða þessi fallegu verk.
Þá ætlar starfsfólkið að sitja fjarfund á morgun þar sem fjallað verður um málþroska og læsi í leikskólum.

Gleðilegan leikskóladag !!

Skólastjóri

Frá Þorrablótsnefndinni - forsölu lýkur í kvöld!

Í dag er síðasti dagur í forsölu á miðum á Þorrablótið, miðasalan er opin til kl. 22:00 á Hótel Framtíð í kvöld.

Þessi ætlar:

 

 

 

 

 

 

04.02.2015

Frá Þorrablótsnefndinni - forsölu lýkur í dag!

Í dag er síðasti dagur í forsölu á miðum á Þorrablótið, miðasalan er opin til kl. 22:00 á Hótel Framtíð í kvöld.

Ekki láta þig vanta.

Þorrablótsnefndin

 

 

 

 

 

 

04.02.2015

Hreinkýrin Hengla

Hreindýr eru mjög áberandi hér í Djúpavogshreppi, stofninn er stór og fyrir liggur samkvæmt talningum að hvergi eru dýrin hlutfallslega fleiri en einmitt hér í sveitarfélaginu. Þekkt er að hreindýrin færa sig niður á láglendi þegar herðir að og vetur gengur í garð og sækja dýrin þá gjarnan alveg niður í byggð og hafa m.a. stórir hópar haldið sig hér við þéttbýlið á Djúpavogi á undanförnum árum.

Náttúrustofa Austurlands vaktar hagagöngu hreindýra allan ársins hring og er nú um þessar mundir unnið að sérstakri vöktun hreindýra í Djúpavogshreppi undir stjórn Skarphéðins G. Þórissonar líffræðings og starfsmanns Náttúrustofu Austurlands.
Stefnt er á í þessu skyni að koma fyrir gps. sendum á þremur hreindýrum og þann 18. janúar síðast liðinn komu hreindýraleiðsögumenn hér á svæðinu fyrir sendi á fyrsta dýrinu sem er hreinkýr. Hefur þessi kýr hlotið hið skemmtilega nafn Hengla, en dýrið var merkt í Henglavík og ber heitið samkvæmt því. Hreindýrið sem gengur nú hér um svæðið gefur frá sér reglulegar upplýsingar sem nýtast við rannsóknir á atferli dýranna.

Í þeim tilgangi að kynna þetta verkefni hér á svæðinu þá óskaði undirritaður eftir því við Skarphéðinn G. Þórisson að fá að miðla áfram upplýsingum um þetta skemmtilega og jafnframt fróðlega verkefni og var veitt góðfúslegt leyfi fyrir því.
Að þessu sögðu má sjá hér feril hreinkýrinar Henglu frá því hún fékk gps sendinn þann
18 jan. í Henglavíkinni til dagsins í gær 3 feb. Í dag er Hengla stödd á Búlandsdal í landi Teigarhorns og hefur haldið sig þar á svæðinu síðustu daga.

Nú er bara að vita hvort áhugi er til staðar að við uppfærum fréttir af Henglu og ferðalagi hennar hér um svæðið.  
Ef áhugi reynist meðal lesenda fyrir því að birta reglulegar upplýsingar um ferðir Henglu þá væri fínt ef að lesendur hér smelli á like við síðuna.

Klikkið tvisvar á myndina og stækkið til að sjá feril Henglu betur 

Spruningin er, hvar verður Hengla stödd í næstu viku - verður hún kannski komin á fótboltavöllinn ?

Hreindýramyndir eru úr myndasafni AS

                                                                                                                              Andrés Skúlason

 

 

 

 


 

 

04.02.2015

Frá félagi eldri borgara

Fundur verður í félagi eldri borgara föstudaginn 6. febrúar kl. 14:00 í Tryggvabúð, félagsaðstöðu eldri borgara, Markarlandi 2.

Nýir félagar velkomnir.

Stjórnin

04.02.2015

Spurningakeppni Neista

Það er nóg að gera þessa dagana á Djúpavogi. Þorrablótið rétt handan við hornið og eftir það tekur við Spurningakeppni Neista sem segja má að sé í svokölluðum Útsvars-stíl. Neisti hvetjur að sjálfsögðu alla til að mynda lið og skrá sig.

 

03.02.2015

Frá þorrablótsnefndinni - 4 dagar í blót

Forsalan hefur farið vel á stað en við viljum minna á að henni lýkur miðvikudaginn 4. febrúar.

4 dagar í blót!

Kveðja;
Nefndin

 

 

 

03.02.2015

Blundar í þér söngáhugi? - Ákall frá kirkjukór Djúpavogs

Enn á ný óskum við eftir fólki sem vill syngja með okkur í kirkjukórnum á Djúpavogi. Kórstjóri er Jószef Béla Kiss og stjórnar hann æfingum á miðvikudögum kl. 19.00. 

Kórinn syngur við messur og aðrar athafnir í kirkjunum í Djúpavogshreppi en þess á milli gefst tími til að æfa lög og kórverk sem eru ótengd kirkjunni. Í litlu samfélagi munar um hvern og einn sem gefur sér tíma til að styðja við bakið á góðum og þörfum félagsskap.

Við kórfélagar viljum hafa kórinn flottan með góðan mannauð. Okkur kórfólki hefur farið fækkandi sl. ár, sér í lagi vegna aldurs og endurnýjunin er llítil. Þess vegna höfum við áhyggjur af framtíð kórsins.

Núna vantar sérstaklega fólk í bassa og sópran en aðrar raddir eru að sjálfsögðu vel þegnar.

Við fáum smá greitt fyrir hverja mætingu og það fer í sameiginlegan sjóð, svo gerum við eitthvað skemmtilegt til að lyfta okkur upp með reglulegu millibili. Kórinn hefur tvívegis farið í söngferðalag til Ungverjalands, einu sinni á leiksýningu á Akureyri og tvisvar á Óperusýningar á Eiðum, svo að eitthvað sé nefnt.

Í vor er stefnt að því að syngja stórt verk í samstarfi við kór frá Stöðvarfirði og Breiðdalsvík.

Við vitum að það er til fullt af góðu söngfólki í sveitarfélaginu okkur þætti vænt um að þú létir sjá þig í Djúpavogskirkju á miðvikudögum í náinni framtíð. Æfingarnar eru á milli 19:00 og 21:00. Oft er eitthvað gott með kaffinu.

Með kveðju;
stjórn kórsins

02.02.2015

Frá þorrablótsnefndinni - 5 dagar í blót

Okkur var að berast eftirfarandi frá Þorrablótsnefndinni:

Í dag, mánudaginn 2. febrúar, fer af stað forsala aðgöngumiða á Þorrablót Djúpavogsbúa, sem haldið verður 7. febrúar.

Miðarnir eru til sölu á Hótel Framtíð.

Miðaverð:
7.250.- í forsölu annars 7.950,-
6.950.- í forsölu 67 ára og eldri og 18 ára á árinu
annars 7.600,-

 

Síðan fylgdi þetta grunsamlega myndband:

ÓB

02.02.2015