Djúpavogshreppur
A A

Aðalvefur

Ríkið festir kaup á Teigarhorni

Í morgun var opinberuð aldeilis góð og stór frétt fyrir íbúa Djúpavogshrepps og reyndar landsmenn alla á vefsíðu Umhverfis- og auðlindaráðuneytis þar sem staðfest eru kaup ríkisins á Teigarhorni. Hér er á ferðinni mikil tíðindi sem ber í alla staði að fagna.  

Um nokkuð langt skeið hafa fulltrúar sveitarfélagsins unnið að því að fá ríkisvaldið til að festa kaup á jörðinni Teigarhorni m.a. til að tryggja í sessi þau miklu náttúru- og menningarverðmæti sem þar er að finna. Jafnhliða vildu fulltrúar sveitarfélagsins tryggja aðra mikilvæga þætti sem skipta íbúa svæðisins gríðarlega miklu máli og má þar nefna vatnsverndarsvæði sveitarfélagsins og fl.  Á næstu vikum munu mál varðandi jörðina skýrast frekar en sveitarfélagið vinnur nú með umhverfis- og auðlindaráðuneytinu og viðkomandi stofnunum að því að móta framtíðarfyrirkomulag á jörðinni m.a. hver muni hafa umsjón með svæðinu. Til að upplýsa hér enn frekar þá hefur sveitarfélagið lýst áhuga á því að taka að sér umsjá með svæðinu með samningum við viðkomandi aðila, en þessir þættir skýrast betur á næstu vikum og munu liggja fyrir þegar jörðin verður formlega afhent ríkinu þann 15. apríl næstkomandi.  

Fulltrúar sveitarfélagins munu upplýsa hér frekar um mál eftir því sem mál skýrast.      

Sjá hér frétt frá Umhverfis- og auðlindaráðuneytinu.

                                         Til hamingju íbúar Djúpavogshrepps og landsmenn allir
                                                             Andrés Skúlson oddviti

 

 

 

 

 

 

                                                                                                              Mynd AS

                                                                                                              Mynd: AS 


29.01.2013

Djúpivogur fær ljósnet á árinu 2013

Samkvæmt þessari frétt þá er Djúpivogur einn 53 þéttbýlisstaða á landinu sem fá hið svokallaða ljósnet á árinu 2013.

Ljósnet er hraðasta internet-tenging sem völ er á hjá Símanum en skemmst er að minnast stækkunar símstöðvar hér á Djúpavogi sem átti sér stað um mitt ár 2012. Þá var eldri símstöð sem bauð upp á allt að 8 m/bs aflögð og ný símstöð sett upp sem færir okkur allt að 16 mb/s, auk Skjábíó og fjölmargra sjónvarpsstöða. Ljósnet býður upp á allt að 50 mb/s sem er rúmlega þreföldun á þeim hraða sem nú er í boði og rúmlega sexföldun þess hraða sem var í boði áður.

Það er því óhætt að segja að hlutirnir gerist hratt í þessum málum í orðsins fyllstu merkingu og að sjálfsögðu fögnum við þessum fyrirætlunum Símans.

Þess má geta að eins og staðan er í dag eru mánaðargjöld fyrir ljósnet almennt lægri en fyrir ADSL.

ÓB

29.01.2013

Fatamarkaður

Er kominn tími á að poppa upp fataskápinn?

Ef svo er endilega kíktu þá við í Rauðakrosshúsinu að Mörk 12 laugardaginn 2. febrúar og sunnudaginn 3. febrúar.

Það verður ferlega spennandi fatamarkaður frá kl. 13:00-17:00 báða dagana.
Fullt af fallegum og góðum fatnaði og skóbúnaði.

Opið á kaffi KLINK

Allir velkomnir.

29.01.2013

Frá nefndinni: Þorrablótið er á morgun

Æfingar fyrir Þorrablótið hafa staðið fram á nótt undanfarið en generalprufa fer fram í kvöld.

Sérstakur siðgæðisvörður nefndarinnar hefur séð ástæðu til að gera athugasemdir við nokkur atriði sem honum þóttu of djörf og ekki boðleg á blótinu. Sérstaklega hafa þeir Emil, Haukur og Ágúst þótt djarfir.  Á meðfylgjandi mynd má sjá hvar er að lesa yfir þeim vegna sérstaklega grófs atriðis sem þurfti að skrifa upp á nýtt.  Eins og sjá má tekur Emil vel eftir, Haukur skammast sín en Ágústi gæti ekki verið meira sama !

Nefndin

 

 

 

25.01.2013

Ávaxtamót ÚÍA og Loðnuvinnslunnar

 

Í frjálsum íþróttum verður haldið í íþróttahúsinu á
Fáskrúðsfirði Laugardaginn 26. janúar.
Húsið opnar kl.11:30 og keppni hefst kl:12:00.
Mótið er fyrir 10 ára og yngri og
kjörið tækifæri til að kynnast frjálsum íþróttum.
Keppt verður í langstökki án atrennu, boltakasti, spretti og þrautabraut.
Keppnisgjald er 500 kr. óháð greinafjölda.
Allir fá þátttökuverðlaun.
Skráning fer fram á skrifstofu UÍA í síma 471-1353,
í tölvupósti á uia@uia.is eða á staðnum áður en keppni hefst.
Við hvetjum alla sem hafa áhuga að taka þátt.
Ávaxtamót UÍA og Loðnuvinnslunnar hf
Í

 

Í frjálsum íþróttum verður haldið í íþróttahúsinu áFáskrúðsfirði Laugardaginn 26. janúar.

Húsið opnar kl.11:30 og keppni hefst kl:12:00.

Mótið er fyrir 10 ára og yngri ogkjörið tækifæri til að kynnast frjálsum íþróttum. Keppt verður í langstökki án atrennu, boltakasti, spretti og þrautabraut. Keppnisgjald er 500 kr. óháð greinafjölda.

Allir fá þátttökuverðlaun.Skráning fer fram á skrifstofu UÍA í síma 471-1353,í tölvupósti á uia@uia.is eða á staðnum áður en keppni hefst. Við hvetjum foreldra til að mæta með sín börn og taka þátt. Þeir keppeendur sem eru félagar í Neista greiða ekki þátttökugjald heldur mun Ungmennafélagið sjá um þær greiðslur.

Stjórn Neista.

 

 

24.01.2013

Frá nefndinni - síðasti dagur í forsölu er í dag (mynd)

Mikil leynd hefur ríkt um þau atriði sem tekin verða fyrir á Þorrablótinu á laugardaginn.  Útsendara heimasíðunnar tókst að ná mynd af nokkrum leikmunum á æfingunni í gærkvöldi þar á meðal þessum brjóstum.  Ekki er ljóst til hvers þau verða notuð en þeir sem vilja komast að því eru hvattir til að mæta.

Síðasti dagur í forsölu er í dag.

Nefndin.

 

 

 

 

24.01.2013

Frá þorrablótsnefndinni

Þorrablótsnefndin hefur æft stíft undanfarna daga.  Þótt ólíklegt megi virðast reyndist ótrúlega margt  hæfileikafólk í nefndinni.  Sigurjón Stefánsson hefur til dæmis komið á óvart með sinni tæru og hreinu söngrödd.  Konurnar í nefndinni og jafnvel einstaka karlmenn hafa fellt tár í tilfinningaríkustu köflunum í verki þar sem hann syngur eitt aðalhlutverkið.  Þessi mynd er tekin á æfingu í gær.

Blótið er á laugardaginn og opnar húsið kl. 19:00. Forsala aðgöngumiða er á hótelinu en síðasti dagur í forsölu er fimmtudagurinn 24. janúar.

Nefndin

 

 

 

 

23.01.2013

Framlengd forsala aðgöngumiða á Þorrablót Djúpavogs

Ákveðið hefur verið að framlengja forsölu aðgöngumiða vegna þorrablótsins. Síðasti dagur í forsölu er því fimmtudagurinn 24. janúar.

Sjá hér að neðan auglýsingu vegna blótsins.

ÓB

 

 

 

 

 

 

23.01.2013

Bakkabúð auglýsir

Bakkabúð verður lokuð á morgun, miðvikudaginn 23. janúar.

Bakkabúð

22.01.2013

Langabúð auglýsir

Langabúð óskar eftir að ráða til sín starfsfólk í sumarvinnu á kaffihúsið. Einnig er laust  til umsóknar starf safnvarðar.

Frekari upplýsingar gefur Rán í síma 863-4303 eða ran@ran.is

ÓB

21.01.2013

Í mötuneytinu

Meðfylgjandi myndir voru teknar í mötuneyti Grunnskólans, sem starfrækt er á Hótel Framtíð. Eins og gefur að skilja er oft mikið sem gengur á þegar gefa þarf 40 börnum að borða - svo þarf líka að syngja afmælissönginn þegar svo ber undir en þennan dag átti Anna Jóna Eðvarðsdóttir 7 ára afmæli.

Myndirnar má skoða með því að smella hér.

ÓB

Frá Löngubúð

Engin félagsvist verður í kvöld.

Næsta félagsvist verður föstudaginn 1. febrúar nk.

Golfklúbbur Djúpavogs

18.01.2013

Starfsmann vantar í leikskólann

Leikskólakennara vantar í Leikskólann Bjarkatún, afleysingar vegna fæðingarorlofs. Tímabilið sem um ræðir er 11. febrúar – 31. maí 2013. Vinnutími er 8:00 – 14:00 Ef enginn menntaður leikskólakennari sækir um verður ráðið inn í húsið með tilliti til menntunar, reynslu og þess hvernig viðkomandi starfsmaður nýtist sem best í þau störf sem fyrir liggja. Umsóknarfrestur er til 15:00 þann 25. janúar 2013. Hægt er að senda inn umsóknir á netfangið: skolastjori@djupivogur.is, einnig má hringja í skólastjóra í 478-8832 eða 899-6913. Skólastjóri

Auglýsing vegna úthlutunar byggðakvóta á fiskveiðiárinu 2012/2013

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 628/2012 um úthlutun byggðakvóta til fiskiskipa á fiskveiðiárinu 2012/2013

Djúpavogshreppur

Auk reglugerðarinnar er vísað til sérstakra úthlutunarreglna í neðanskráðum byggðalögum sbr. auglýsingu nr. 2/2013 í Stjórnartíðindum

Sveitarfélagið Ölfus (Þorlákshöfn)
Súðavíkurhreppur
Dalvíkurbyggð (Dalvík, Árskógssandur og Hauganes)
Norðurþing (Húsavík, Kópasker og Raufarhöfn)

Umsóknum skal skilað til Fiskistofu á eyðublaði sem er að finna hér.  Umsóknum þarf að fylgja samningur við vinnslu á eyðublaði sem er að finna hér.  
Vakin skal athygli á því að umsóknin telst ekki gild nema samningur um vinnslu fylgi.

Umsóknarfrestur er til og með 18. janúar 2013.

Fiskistofa 4. janúar 2013

 
 
15.01.2013

Samanburður á lönduðum afla

Árið 2012 var mjög gott í Djúpavogshöfn, það besta síðan 2007.

Hér að neðan má sjá samanburð á árunum 2007 - 2012 í Djúpavogshöfn. Smellið á myndina til að stækka hana.

ÓB

 

 

 

 

 

 

14.01.2013

Spilavist fellur niður í kvöld

Af óviðráðanlegum orsökum fellur fyrirhuguð spilavist niður í Löngubúð í kvöld.

Golfklúbbur Djúpavogs

11.01.2013

Sveitarstjórn: Fundargerð 10.01.2012

Hægt er að nálgast fundargerðina með því að smella hér.

ÓB

11.01.2013

Sveitarstjórn: Fundarboð 10.01.2013

Sveitarstjórn Djúpavogshrepps:  Fundarboð 10.01.2013

33. fundur 2010 – 2014

Fundur verður haldinn í sveitarstjórn Djúpavogshrepps fimmtudaginn 10. janúar 2013 kl. 16:00.
Fundarstaður: Langabúð.

Dagskrá:

1.    Fundargerðir

a)    Framkvæmdastjórn Skólaskrifstofu Austurlands, dags. 20. nóvember.
b)    Skólaskrifstofa Austurlands, dags. 23. nóvember 2012.
c)    Heilbrigðisnefnd Austurlands, dags. 12. desember 2012.
d)    Héraðsskjalasafn Austfirðinga, dags. 18. desember 2012.
e)    Cruise Iceland, dags. 27. apríl 2012.
f)     Samtök sjávarútvegssveitarfélaga, dags. 11. desember 2012.
g)    Samband íslenskra sveitarfélaga, dags. 12. desember 2012.

2.    Erindi og bréf

a)    SBU, dags. 2. janúar 2013.

3.    Almenningssamgöngur
4.    Sérstakar húsaleigubætur
5.    Skýrsla sveitarstjóra


Djúpavogi, 8. janúar 2013;
sveitarstjóri

09.01.2013

Úthlutun úr Styrktar- og menningarsjóði Sparisjóðs Vestmannaeyja

Meðfylgjandi er fréttatilkynning og myndir frá Sparisjóðnum vegna úthlutunar úr Styrktar- og menningarsjóði Sparisjóðsins 2012. Skógræktarfélag Djúpavogs hlaut viðurkenningu í þetta skiptið og voru það Guðlaugur Birgisson og Vigdís Guðlaugsdóttir sem tóku við henni fyrir hönd Skógræktarfélagsins:

Sparisjóðurinn úthlutaði úr Styrktar- og menningarsjóði Sparisjóðs Vestmannaeyja, í fimmta skipti þann 29. nóvember s.l.

Við hittumst hér í sparisjóðnum á Höfn og áttum góða stund saman.

Dagskráin var þannig að 2 ungir hljóðfæraleikarar, Þorkell Ragnar og Ármann Örn, léku fyrir okkur á hljómborð og gítar, meðal annars frumsamin lög.

Við afhentum viðurkenningar til 3ja aðila að þessu sinni og einnig skrifuðum við undir áframhaldandi samstarfssamning við Golfklúbb Hornafjarðar til næstu 3ja ára.

Þessir aðilar fengu viðurkenningu og styrk:
Nemendafélag FAS
Skógræktarfélag Djúpavogs
Björgunarsveitin Eining á Breiðdalsvík

Á eftir var boðið upp á veitingar, snittur  og nýlagað kaffi að hætti okkar í sparisjóðnum.

Anna Halldórsdóttir
forstöðum. Sparisjóðsins

Neðar á síðunni má sjá nánar um þá sem fengu styrkveitingu

Skógræktarfélag Djúpavogs

Hálsaskógur er sannkallaður sælureitur, sem lætur ekki mikið yfir sér frá þjóðveginum séð.  Fyrir  60 árum var Skógræktarfélag Djúpavogs  stofnað og hefur félagið verið ötult í gróðursetningu allar götur síðan. Auk fallegs gróðurs,  skartar skógurinn góðum göngustígum og þar er líka að finna  bekki og borð sem nýtast vel til útivistar í veðursælum skógarlundinum, sem er staðsettur í um 2ja km fjarlægð frá, hinu fallega bæjarstæði, Djúpavogi. Hálsaskógur var  formlega vígður sem“ Opinn skógur“  í júní 2008.  Ég vitna hér í grein frá Skógræktarfélagi Íslands:
„Ýmsir áhugaverðir staðir eru í og við Hálsaskóg.  Álfheiðarskúti er hellir rétt fyrir ofan skóginn. Dregur hann nafn sitt af ungri stúlku, sem árið 1627 tókst að sleppa frá ræningjum „Tyrkja“ (sem reyndar voru frá Marokkó) með því að fela sig í hellinum. Gatklettur ber nafn sitt af tveimur samsíða götum, sem tengja jarðmyndunina og skóginn, en götin eru leifar af trjástofni sem varð fyrir hrauni.
Bergið á svæðinu er frá síð-míosen tíma (8,5-10 milljón ár) og á þeim tíma uxu þar ýmsar tegundir  barr- og lauftrjáa, en líklegast er að barrtré hafi myndað götin, vegna þess hversu bein þau eru. Í skóginum má einnig finna tóftir, fjárrétt og fallega kletta“.
Skógræktarfélag Djúpavogs hefur  unnið að  stöðugri uppbyggingu skógarins  í 60 ár og af því tilefni  sendum við okkar bestu afmæliskveðjur í Hálsaskóg. Megi hann stækka og dafna á ókomnum árum og verða íbúum og gestum á svæðinu áframhaldandi gleðigjafi.

Nemendafélag FAS
Framhaldsskólinn í  Austur-Skaftafellssýslu (FAS) fagnar 25 ára afmæli skólans á þessu ári. Einn af viðburðum ársins var nýstárleg sýning á leikverkinu „Átta konur“  en það var samstarfsverkefni Leikhóps FAS og Leikfélags Hornafjarðar.
Nemendur skólans hafa mest um það að segja hvernig tekst til  að halda uppi öflugu  og fjölbreyttu félagslífi. Það er augljóst að þetta ár hefur verið viðburðaríkt. Ekki er hægt að gera öllum þáttum skil en þess skal getið að 12 klúbbar voru stofnaðir í ársbyrjun og viðburðir voru fjölmargir.  Þar má nefna kaffihúsakvöld, þorrablót, stelpu/konukvöld,  handboltamót, FÍFA mót, RockBand mót, öskudagsball fyrir börn sveitarfélagsins, útvarpsútsendingar og árshátíð, svo dæmi séu tekin. Skólahúsnæðið var nýtt undir flesta þessa viðburði og mæltist það vel fyrir.   
Það vill stundum  gleymast að þakka unga fólkinu það sem vel er gert. Nemendafélag FAS er vel að því komið að fá viðurkenningu fyrir öflugt félagslíf í skólanum sínum og sendum við  skólanum og nemendum hans góðar  kveðjur og framtíðaróskir.

Björgunarsveitin Eining
Árið 1950 bar boðað til fundar í samkomuhúsinu á Heydölum. Tilefni fundarins var stofnun slysavarnardeildar í Breiðdal.  Fjörutíu manns sóttu fundinn.
Á þessum 60 árum hefur starfið þróast  og breyst eins og gefur að skilja.
Félagið hélt í samráði við ungmennafélagið samkomu á 17. júní árið 1952 og  við það tilefni flutti formaður deildarinnar ávarp sem hér verður gripið niður í:

„Heiðruðu samkomugestir!

Þetta er í fyrsta sinn sem slysavarnardeildin Eining boðar til samkomu og þykir okkur, sem að henni stöndum, mikils um vert að vel megi takast. Slysavarnarmálin eru eitt af því fáa, sem íslenska þjóðin sameinast einhuga um og því hefur svo mikið áunnist til góðs í þeim málum á síðari árum og sannast þar sem víðar hið fornkveðna: „Sameinaðir stöndum vér, sundraðir föllum vér.“"

Í dag, rúmlega 60 árum síðar, getum við flutt þennan sama texta við þetta tækifæri og  hvert orð, er orð að sönnu.
Það er því heiður að fá að afhenda þessa viðurkenningu enda er björgunarsveitin  Eining einn af mörgum  hlekkjum í stórri keðju Slysavarnarfélagsins Landsbjargar.  

09.01.2013

Djúpavogshreppur auglýsir: Félagsleg íbúð, laus til umsóknar

Íbúðin að Borgarlandi 40 er laus til umsóknar.

 

Staðsetning:          Byggð:    Herb.:      Stærð:         Laus:
Borgarland 40     1990         3         109,6m2      28 jan.


Umsóknarfrestur er til kl. 16:00, mánudaginn 21. janúar 2013.

 

Upplýsingar og eyðublöð fást á skrifstofu Djúpavogshrepps.

Eyðublöð má einnig nálgast hér á heimasíðu Djúpavogshrepps.

 

Sveitarstjóri

07.01.2013

Þrettándagleði

Þrettándagleði verður haldin sunnudaginn 6. janúar kl. 16:00.  Gengið verður frá Kirkjunni  inná Hermannastekka þar sem kveiktur verður varðeldur og sungið, auk þess sem kynjaverur fara á stjá og flugeldar verða tendraðir.  Mætum vel klædd með endurskinsmerki, stjörnuljósin og góða skapið.

Þrettándanefndin

05.01.2013

Mest lesnu fréttir ársins 2012

Þá er komið að því að birta lista yfir mest lesnu fréttir ársins 2012. Þessar upptalningar virðast mælast vel fyrir því í raun var mest lesna fréttin 2012 Mest lesnu fréttirnar 2011. Sú frétt var þó ekki gjaldgeng á listann og ekki heldur auglýsingar og tilkynningar.

 

Hægt er að smella á hverja frétt fyrir sig til að skoða nánar.

 

ÓB

 

 

 

 

 

1. Strandveiði

 

 

 


 

2. Við höldum áfram að fjölga okkur

 

 

 

 


 

3. Húsris

 

 

 


 

4. Gjöf

 

 

 

 


 

5. Öxi

 

 

 

 


 

 

6. Strákarnir okkar

 

 

 

 


 

7. Húsris

 

 

 

 


 

8. Vel gert hjá Ölfu að komast á þennan lista, frétt í lok desember

 

 

 

 

 


 

9. Langþráð malbikun

 

 

 

 


 

10. Heimsfrægð

 

 

 

 

 


 

11. Átaksverkefni og átakaverkefni

 

 

 

 

 


 

12. Sauðburður


13. Hammond

 


14. Heiður þeim sem heiður ber

 


 

15. Ungur og efnilegur


16. Rödd Djúpavogs


17. Bíó


18. Hammond


19. Ugnius


20. Gjöf


21. Tröllkonurnar okkar


22. Heimsfrægð


23. Ekki týndur


24. Húsris


25. Heimsfrægð

02.01.2013