Djúpavogshreppur
A A

Aðalvefur

Djúpivogur á N4

Gísli Sigurgeirsson staldraði við hér á Djúpavogi um daginn og gerði skemmtilegt innslag fyrir þáttinn Glettur - Austurlandi á norðlensku sjónvarpsstöðinni N4.

Hægt er að skoða þáttinn með því að smella hér.

ÓB

10.12.2012

Lestrarátakið í grunnskólanum

Í desember hefur staðið yfir lestrarátak í grunnskólanum.  Við settum upp gervijólatré, skreyttum það með ljósum og stilltum því upp á ganginum.  Síðan hafa nemendur smám saman verið að skreyta það, með bjöllum, kertum, hjörtum og fleira skrauti úr pappír.  Á hvert skraut skrá börnin nafnið sitt, nafn bókarinnar og fjölda blaðsíðna.  Eins og sjá má á myndinni sem fylgir fréttinni er tréð orðið hæfilega skreytt og hætt við að ofskreyting gæti átt sér stað ef börnin verða dugleg að lesa þessa viku sem eftir er af skólanum, fram að jólafríi.  HDH

Árshátíðin - til sölu!!

Nú er verið að leggja síðustu hönd á DVD diskana með "Bugsy Malone", árshátíð grunnskólans.
Diskarnir fara í sölu í næstu viku.
Þeir sem hafa áhuga geta lagt inn pöntun á skolastjori@djupivogur.is.  Diskarnir kosta 1.500.- stykkið.

Diskarnir verða svo til sölu í versluninni "Við Voginn", frá og með miðvikudeginum 12. desember.

Diskarnir eru kjörnir í jólagjafir handa ömmum og öfum, frænkum og frændum um land allt :)

HDH

Brunavarnir í heimsókn

Í vikunni komu Brunavarnir Austurlands í heimsókn á Kríudeild.  Tilgangur heimsóknarinnar er fræða börnin um eldvarnir og að kynna fyrir leikskólabörnunum slökkviliðsmanninn og þá sérstaklega reykköfunarmanninum sem getur verið ansi ógnvekjandi fyrir litla krakka.  Hann er með mikinn útbúnað á sér auk þess sem það heyrast skringileg hljóð í honum.  Sum börnin voru nokkuð smeyk í fyrstu en svo lagaðist það og fengu þau hugrökkustu að prófa hjálm slökkviliðsmannsins. 

Skoða hjálminn

 

Talað við reykköfunarmennina

 

Fleiri myndir eru hér

ÞS

Bæjarlífið nóvember 2012

Sprellfjörugur bæjarlífspakki nóvembermánaðar er kominn á alnetið.

ÓB

07.12.2012

Jólaíþróttasprelldagur í íþróttamiðstöðinni

Laugardaginn 7. desember verður jólaíþróttasprelldagur fyrir leikskólabörn í Íþróttamiðstöð Djúpavogs frá kl. 11:00 - 12:30.

Hlökkum til að sjá sem flesta;

Foreldrafélag Djúpavogsskóla

Frá Djúpavogskirkju

Aðventuhátíð sunnudaginn 9. des. kl. 17.00.

Fjölbreytt dagskrá.  Kirkjukór, karlakórinn Trausti og skólakór syngja aðventu- og jólalög.  Helgileikir barna og unglinga.  

Eigum saman góða aðventu- og hátíðarstund,

allir velkomnir,
sóknarprestur.


07.12.2012

Piparkökubakstur og boð

Í dag var piparkökuboð leikskólabarna þar sem þau buðu foreldrum sínum að koma og smakka á piparkökunum sem þau höfðu bakað og skreytt í vikunni.  Flest allir foreldrar komu við og fengu að bragða á góðgætinu en einhverjir áttu þo ekki heimangengt en fengu þá kökurnar sendar heim með barninu í lok dagsins. 

Það er vandasamt að raða formunum á degið

Það þarf að vanda til verksins svo deigið verði slétt og fellt

Síðan er að skreyta þær

Mamma kom í heimsókn og fékk kaffi og piparkökur

Miklu fleiri myndir eru hér

ÞS

Landaður afli í nóvember 2012

Hér gefur að líta tölur yfir landaðan afla í Djúpavogshöfn í nóvember 2012.

Það er gaman að segja frá því að ekki hefur verið landað jafn miklum afla síðan í október 2007, en einungis vantaði 24,5 tonn til að bæta þann mánuð. Í heildina voru þetta 2.202.546 kíló en 2.227.120 í október 2007.

ÓB

 

 

 

 

 

 

Skip/Bátur Afli Veiðarfæri Fjöldi róðra
Glaður SU 268 Handfæri 2
Tálfi SU 15.881 Dragnót 5
Birna SU 664 Landbeitt lína 3
Öðlingur SU 27.297 Landbeitt lína 6
Ragnar Alfreðsson GK 13.093 Landbeitt lína 5
Gulltoppur GK 141.688 Landbeitt lína 20
Hamar SH 66.357 Landbeitt lína 9
Óli á Stað GK 91.304 Lína 16
Þórkatla GK 40.888 Lína 7
Olafur HF 57.854 Lína 11
Guðmundur á Hópi GK 56.822 Lína 10
Arnarberg ÁR 44.711 Lína 2
Ágúst GK 169.586 Lína 4
Fjölnir SU 385.224 Lína 5
Kristín ÞH 76.709 Lína 1
Páll Jónsson GK 233.062 Lína 3
Sighvatur GK 298.738 Lína 4
Sturla GK 226.170 Lína 4
Tómas Þorvaldsson GK 50.048 Lína 1
Valdimar GK 186.962 Lína 4
Þinganes SF 19.220 Botnvarpa 1
Samt 2.202.546

06.12.2012

Starfsmann vantar í leikskólann

Í Leikskólann Bjarkatún vantar starfsmann frá 1. janúar 2013 í 50% starf.  Vinnutími frá 8:00 – 12:00.

Viðkomandi þarf einnig að geta leyst af matráð í morgunmat og hádegismat, þegar matráður er fjarverandi.   Tímabilið sem um ræðir er 1. janúar – 1. júní 2013.

Umsóknarfrestur er til 15:00 þann 14. desember 2012.

Nánari upplýsingar veitir skólastjóri í síma:  478-8832, 899-6913 eða á skolastjori@djupivogur.is

Sveitarstjórn: Fundargerð 03.12.2012

Hægt er að nálgast fundargerðina með því að smella hér.

ÓB

03.12.2012

Kveikt á jólatrénu

Eins og vaninn er voru jólaljósin kveikt á jólatré Djúpavogsbúa fyrsta sunnudag í aðventu, þann 2. desember. Veður var gott og fjöldi fólks samankominn.

Athöfnin hófst með ávarpi sveitarstjóra, Gauta Jóhanessonar. Að því loknu var kveikt á trénu og í þetta sinn var það hún Embla Rós Sigurbrandsdóttir sem fékk að kveikja á jólatrénu. Svo var dansað í kringum tréð þar sem Berglind Einarsdóttir stjórnaði söng og Kristján Ingimarsson spilaði undir.

Fjórir jólasveinar, þeir Stekkjastaur, Giljagaur, Stúfur og Þvörusleikir mættu á svæðið með mandarínur handa börnunum og dönsuðu með þeim í kringum tréð.

Eins og undanfarin ár er það Skógræktarfélag Djúpavogs sem gefur íbúum sveitarfélagsins jólatréð.

Myndir má sjá með því að smella hér.

ÓB

03.12.2012

Tendrun jólatrésins

Kveikt verður á jólatré Djúpavogsbúa á Neistatúninu sunnudaginn 2. desember nk, kl. 17:00.

Að venju verður sungið og gengið í kringum tréð og von er á jólasveinum í heimsókn.

Eins og undanfarin ár er það Skógræktarfélag Djúpavogs sem gefur íbúum sveitarfélagsins jólatréð.

Ferða- og menningarnmálafulltrúi Djúpavogs

01.12.2012