Djúpavogshreppur
A A

Aðalvefur

Vatnið er komið í lag

Starfsmenn hreppsins ásamt verktökum hafa unnið alla helgina við viðgerð á vatnsveitunni og af þeirra alkunnu snilld hefur þeim tekist að koma henni í lag og er því allt eins og það á að vera.

ÓB

 

 

 

 

 

Umfjöllun í hádegisfréttum RÚV 2. júlí 2010:

 

Umfjöllun í kvöldfréttum sjónvarpsins, 2. júlí 2010:

04.07.2010

Viðgerðin á vatnsveitunni

Viðgerð á vatnsveitu Djúpavogs í Búlandsdal hefur verið hætt í bili, þar sem ekki er hægt að halda áfram fyrr en sjatnar í  ánni. Það er því útséð með að veitan komist í lag í kvöld. Hins vegar hefur starfsmönnum orðið mjög ágengt og verkinu miðar vel.

Þeir munu halda áfram störfum snemma í fyrramálið.

Við viljum undirstrika tilmæli Heilbrigðiseftirlits Austurlands, sem við birtum fyrr í dag, um að bæjarbúar sjóði neysluvatn.

Hér fyrir neðan má heyra og sjá fréttaflutning vegna aurskriðunnar í útvarpi og sjónvarpi.

ÓB


Umfjöllun í hádegisfréttum ríkisútvarpsins:

Umfjöllun í kvöldfréttum sjónvarps:

02.07.2010

Vatnslaust á Djúpavogi - Nýjar myndir

Skriða féll í Búlandsdal í nótt, n.t.t. úr Stóruskriðugili. Þar af leiðir að vatnsveita Djúpavogs er óvirk og það litla vatn sem er í lögnum og neysluvatnstanki er ekki drykkjarhæft.

Unnið er eftir viðbragðsáætlun Vatnsveitu Djúpavogs.

Frekari upplýsingar er að fá hjá sveitarstjóra Djúpavogshrepps í síma 843-9889.

Undirritaður brá sér inn í Búlandsdal rétt áðan og tók þessar myndir.

Heilbrigðiseftirlit Austurlands fer þess á leit við bæjarbúa að þeir sjóði neysluvatn.

ÓB

 



Hér sést greinilega umfang skriðunnar og hvar hún hefur fallið við göngubrúna inn á Búlandsdal.


02.07.2010

Kennara vantar vegna fæðingarorlofs

Kennara vantar í 88% starf við Grunnskóla Djúpavogs vegna fæðingarorlofs.  Um er að ræða tímabilið frá 15.09.10 – 14.12.10, þ.e. 3 mánuði.  Kennslugreinar:  íþróttir, sund og smíði.  Umsóknarfrestur er til 20. júlí 2010.  Umsóknareyðublöð má finna á heimasíðu skólans; http://djupivogur.is/grunnskoli/.  Nánari upplýsingar veitir Halldóra D. Hafþórsdóttir, skólastjóri í síma:  899-6913 eða á dora@djupivogur.is                                                                                                                               

Skólastjóri

 

 

Íþróttamiðstöðin lokuð í dag

Sökum ástandsins á vatninu, sem ætti ekki að hafa farið framhjá neinum, er Íþróttamiðstöðin lokuð í dag.

ÓB

02.07.2010

Drekkum flöskuvatn í dag

Þrátt fyrir vatnsskort þá verður leikskólinn opinn eins og aðra daga.  Búið er að gera ráðstafanir með vatn til drykkjar handa börnunum og eins með eldun hádegismatar.  Við vonumst auðvitað til að vatnið komist í lag sem fyrst svo við getum notið þess að drekka það úr krananum aftur.

ÞS

Hönnun frá Djúpavogi á Humarhátíð

Ágústa Arnardóttur heldur áfram sigurför sinni um  heiminn og næstkomandi föstudagskvöld verður sýning á sérhönnuðum  og handgerðum hágæða tískuvörum frá Arfleifð- Heritage from Iceland.

Arfleifð frumsýndi vörur sínar á Djúpavogi 24. apríl 2010 og nú er komið að því að sýna Hornfirðingum og gestum Humarhátíðarinnar vörurnar á flottri og fjölbreyttri sýningu í Kartöfluskúrnum fyrir ofan hátíðarsvæðið frá                      kl. 22:00-23:00 á föstudagskvöldinu.

Sýningin nefnist  „Íslenska konan“ og hugmyndin bakvið sýninguna er að sýna hversu glæsilegar konur eru óháð aldri, vaxtarlagi, menntun, starfi eða stöðu.  15-20 flottar fyrirsætur sína fjölbreyttar vörur en inn í sýninguna fléttast líka tónlist, ljósmyndir, textar og fleira.

Arfleifð sérhæfir sig í hönnun og framleiðslu á töskum, fylgihlutum og fatnaði úr íslenskum hráefnum; hreindýra- sel- og lambaleðri, þorsk-lax-hlýra- og karfaroði, hreindýrshornum, hrossa tagli, þæfðri ull og fleiru sem náttúran gefur okkur.

Hver hlutur er vandlega hannaðar út frá náttúrlegu lagi hráefnisins, fagurlegu útliti og þægilegu notagildi. Hver hlutur er handgerður af kostgæfni og vandvirkni, sem gerir hvern hlut einstakan.

Ágústa Margrét Arnardóttir er eigandi Arfleifðar og hannar og handgerir allar vörurnar frá hugmynd að fullbúnum hlut.  Hún er fædd og uppalin á Höfn í Hornafirði og hefur verið búsett á Djúpavogi frá árinu 2006. Útskrifaðist sem stúdent af listnámsbraut- hönnunarsviði frá Iðnskólanum í Hafnarfirði 2005 og lærði skó- og fylgihlutahönnun í IED á Ítalíu árið 2006. Ágústa hefur einnig sótt fjölmörg námskeið í tösku- og skartgripagerð. Hún hefur að langmestu leyti þróað sjálf með sér tæknina sem hún notar við meðhöndlun á skinnum sem er allt öðru vísi en að vinna með textíl efni . Skinnin eru „lifandi“ og taka þarf mið af því við framleiðslu á vörum.

Allar vörur eru handgerðar og horfir Ágústa mikið til forfeðra og formæðra okkar sem notuðu þau hráefni sem náttúran gaf þeim, unnu allt í höndunum og komu sér upp tækni til að búa til þá hluti sem þeim vantaði, vildu og þurftu að eiga. Innblásturinn kemur að langmestu frá hráefnunum sjálfum, íslenskri náttúru, íslensku handverki, íslenskum hefðum og menningu.  Okkar íslenska Arfleifð.

Þess má einnig geta að umfjöllun um sýninguna og fyrirtækið Arfleifð birtist í Fréttablaðinu í dag. Hægt er að sjá umfjöllunina með því að smella hér.

Fyrir neðan má sjá myndir úr nýjustu hönnunarlínu Arfleifðar og mynd af fyrirsætuhópnum frá því Ágústa sýndi hönnun sína á Egilsstöðum í byrjun júní.

 

 

BR

01.07.2010