Djúpavogshreppur
A A

Aðalvefur

Framboð til sveitarstjórnar og sveitarstjórnarkosninga

Auglýsing um framboð til sveitarstjórnar og sveitarstjórnarkosningar í sameinuðu sveitarfélagi Borgarfjarðarhrepps, Djúpavogshrepps, Fljótsdalshéraðs og Seyðisfjarðar.

Yfirkjörstjórn við sveitarstjórnarkosningar í sameinuðu sveitarfélagi Borgarfjarðarhrepps, Djúpavogshrepps, Fljótsdalshéraðs og Seyðisfjarðar hefur móttekið og staðfest sem gilda framboðslista fimm eftirtalinna framboða fyrir sveitarstjórnarkosningar, sem fram munu fara þann 19. september 2020.

Framboðslistarnir með nöfnum þeirra frambjóðenda sem í kjöri verða eru eftirfarandi, raðað skv. listabókstöfum framboðanna.

01.09.2020

Íþróttamiðstöðin lokuð þriðjudaginn 1. september

Það verður lokað hjá okkur í íþróttamiðstöðinni þriðjudaginn 1.sept. Við ætlum að þrífa og sótthreinsa húsið vel fyrir komandi vetur. Svo opnum við hress og kát kl 07:00 á miðvikudagsmorgunn.

Einnig má benda það að vetraropnun hefst 2. september.

Mánudagar - föstudaga: 07:00 - 20:30
Laugardagar: 11:00 - 15:00
Sunnudagar: Lokað

Með bestu kveðju,
forstöðumaður

31.08.2020

Kjörbúðin auglýsir eftir starfsmanni

Kjörbúðin á Djúpavogi auglýsir eftir starfsmanni.

Sjá nánar hér að neðan.

31.08.2020

Fréttabréf Neista - sumar 2020

Ungmennafélagið Neista hefur sent frá sér rafrænt fréttabréf fyrir sumarið 2020.

Hægt er að sjá það hér að neðan og einnig með því að smella hér.

31.08.2020
Cittaslow

Borgarland 46-54 - óveruleg breyting á deiliskipulagi

Á fundi sveitarstjórnar Djúpavogshrepps 14. ágúst 2020 var ákveðið að láta fara fram grenndarkynningu sbr. 44. gr. skipulagslaga nr. 123/2010 á eftirfarandi tillögum:

Djúpivogur – Borgarland 46 - 54 – óveruleg breyting á deiliskipulagi

Hægt er að nálgast nánari upplýsingar, m.a. uppdrátt og greinargerð með því að smella hér.

31.08.2020

Gjöf barst safni Ríkarðs Jónssonar

Úskorinn stóll barst safni Ríkarðs Jónssonar

Cittaslow

Lestun á baggaplasti 2020

Ágætu bændur í Djúpavogshreppi

Nú stendur fyrir dyrum eins og áður að fara á sveitabæi í Djúpavogshreppi og taka baggaplast til endurvinnslu. Það verður gert fimmtudaginn 20. ágúst og er áætlað að byrja að taka baggaplast á syðsta sveitabæ um hádegisbil og enda svo á Núpi. Ef ekki næst að taka allt baggaplastið í einni ferð verður önnur ferð skipulögð hið fyrsta og bændur þá upplýstir um það. Bændur eru hér með vinsamlega beðnir um að tryggja öruggt aðgengi að rúlluplastinu svo lestun gangi vandræðalaust fyrir sig.

Þeir bændur sem ætla að nýta sér þessa ferð eru vinsamlegast beðnir um að láta vita á skrifstofu Djúpavogshrepps í síma 470-8700 eigi síðar en miðvikudaginn 19. ágúst.

Með góðum samstarfskveðjum

Djúpavogshreppur – Terra á Austurlandi

17.08.2020

Viðbygging við grunnskólann formlega tekin í notkun

Í dag var ný viðbygging við grunnskólann tekin formlega í notkun. Með því er tekið mikilvægt og löngu tímabært skref með það að markmiði að bæta vinnuaðstöðu nemenda og kennara.

Viðbyggingin er rúmlega 150 fermetrar og skiptist í fjölnotarými annars vegar og aðstöðu fyrir tæknimennt hinsvegar. Einnig var bætt við salernum auk þess sem nýju loftræstikerfi var komið fyrir í nýju byggingunni og hluta af eldra húsnæðinu. Af þessu tilefni var iðnaðarmönnum sem starfað hafa að verkefninu, auk formanns fræðslu- og tómstundanefndar boðið til kaffisamsætis með starfsfólki. Í máli sveitarstjóra og skólastjóra sem tóku til máls við athöfnina kom fram mikil ánægja með allt samstarf meðan á framkæmdunum stóð og var iðnaðarmönnunum þakkað sérstaklega með lófataki. Í máli sveitarstjóra kom einnig fram að nauðsynlegt væri að hefja fljótlega undirbúning að frekari viðbyggingu enda hefur nemendum skólans fjölgað mikið undanfarin ár.

Sveitarstjóri

17.08.2020
Cittaslow

Sveitarstjórnarkosningar 2020 - framboðsfrestur

Auglýsing frá yfirkjörstjórn sameinaðs sveitarfélags Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar um framboðsfrest og viðtöku framboðslista vegna sveitarstjórnarkosninga sem fram fara þann 19. september 2020.

17.08.2020

Sveitarstjórnarkosningar í sameinuðu sveitarfélagi

Kosið verður til sveitarstjórnar Sameinaðs sveitarfélags Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar þann 19. september næstkomandi.

Kjósa skal ellefu fulltrúa í sveitarstjórn hins sameinaða sveitarfélags, auk átta fulltrúa og átta til vara með beinni kosningu í fjórar heimastjórnir sveitarfélagsins.

  • Heimastjórn Borgarfjarðar
  • Heimastjórn Djúpavogs
  • Heimastjórn Fljótsdalshéraðs
  • Heimastjórn Seyðisfjarðar

Frestur til að skila inn framboðum vegna sveitarstjórnarkosninganna rennur út á hádegi laugardaginn 29. ágúst nk. Framboðum skal skila til yfirkjörstjórnar að Lyngási 12, Egilsstöðum. Við heimastjórnarkosningar er kosning ekki bundin við framboð en allir kjósendur á viðkomandi svæði eru í kjöri.

17.08.2020
17.08.2020

Frá íþróttamiðstöðinni vegna Covid-19

Í ljósi aðstæðna vegna COVID-19 hafa reglur verið hertar og taka þær gildi núna í hádeginu og viljum við biðla til gesta að virða 2m regluna og passa vel uppá allan handþvott! Á veggjum beggja klefa eru leiðbeiningar sem sýna helstu snertifleti og mun starfsfólk labba klefana á milli og sótthreinsa reglulega

Við höfum ákveðið að takmarka ræktarsalinn og mega aðeins 2 vera inni á sama tíma - Hanskar verða í boði og sprittbrúsar til staðar og biðlum við til allra að hreinsa tækin vel eftir notkun.

Athugið að við gætum þurft að takmarka fjölda í sund ef þörf krefur.

Sýnum skilning og tæklum þetta saman!

Dagur Björnsson
Forstöðumaður

31.07.2020

Réttar fréttir - dagskrá hefur verið aflýst

Allri dagskrá hefur verið aflýst

30.07.2020

Tilkynning frá verkstæði Hjartar Þórs

Lokað frá 27. júlí til 31. ágúst.

Gjafir til safns Ríkarðs Jónssonar

Gjafir í safn Ríkarðs Jónssonar

Cittaslow

Gjafir berast safni Ríkarðs Jónssonar

Frá afkomendum Páls Guðjónssonar

Cittaslow

Snorrasjóður auglýsir eftir umsóknum

Styrktarsjóður Snorra Gíslasonar frá Papey auglýsir eftir umsóknum um námsstyrk.

Samkvæmt skipulagsskrá sjóðsins er markmið hans „að styrkja ungt fólk úr Djúpavogshreppi til náms. Styrkir skulu veittir ungu fólki með búsetu í Djúpavogshreppi til náms á framhaldsskólastigi. Sérstaklega skal horft til náms sem getur mögulega komið samfélaginu í Djúpavogshreppi til góða“.

Úr sjóðnum verður veittur einn styrkur að upphæð 500.000 kr. Umsókn skal fylgja ítarleg greinargerð um fyrirhugað nám ásamt upplýsingum um fyrra nám auk rökstuðnings um hvernig námið mun koma samfélaginu í Djúpavogshreppi til góða.

Umsóknarfrestur er til 1. september 2020 en úthlutun fer fram um áramót.

Vinsamlega sendið umsóknir rafrænt á netfangið kristjan@djupivogur.is.

Nánari upplýsingar eru veittar á skrifstofu Djúpavogshrepps.

17.07.2020
Cittaslow

Ný skipulagsmál í auglýsingu / kynningu

Sveitarstjórn Djúpavogshrepps samþykkti þann 11. júní 2020 að auglýsa, skv. 1. mgr. 41. gr. skipulagslaga nr. 123/2010, tillögu að deiliskipulagi fyrir ferðaþjónustusvæðið á Eyjólfsstöðum og tillögu að deiliskipulagi fyrir Steinaborg.

Á fundi sveitarstjórnar Djúpavogshrepps 9. júlí 2020 var ákveðið að láta fara fram grenndarkynningu sbr. 44. gr. skipulagslaga nr. 123/2010, vegna breytinga á Vogalandi 4.

Ofangreind mál er hægt að kynna sér nánar með því að smella hér.

17.07.2020

Rafmagnslaust í dag

Rafmagnslaust verður á Djúpavogi á Víkurlandi 15,16 á Háausum 1 og Æðarsteinsvita 16.07.2020 frá kl 11:00 til kl 13:00 v endurbóta á dreifikerfi Rarik. Nánari upplýsingar veitir Svæðisvakt RARIK Austurlandi í síma 528 9790 og kort af svæðinu má sjá á www.rarik.is/rof.

16.07.2020

Sumarlokun skrifstofu Djúpavogshrepps 2020

Skrifstofa Djúpavogshrepps verður lokuð frá 20. júlí til og með 9. ágúst vegna sumarleyfa.

Skrifstofan opnar aftur mánudaginn 10. ágúst kl. 13:00.

Sveitarstjóri

15.07.2020

Opnunarhátíð Rúllandi snjóbolta /13

Hátt á þriðja hundrað manns sóttu opnunarhátíðina síðastliðinn laugardag þegar Rúllandi snjóbolti/ 13, Djúpivogur opnaði í Bræðslunni. Sýningin er nú haldin í sjöunda sinn en hún er samvinnuverkefni Kínversk-evrópsku menningarmiðstöðvarinnar og Djúpavogshrepps. Alls taka 33 listamenn þátt í sýningunni í ár en 19 af þeim útskrifuðust úr Listaháskóla Íslands síðastliðið vor. Opnunin var glæsileg og var boðið upp á girnilegar veitingar úr héraði, klassískt söngatriði og ræðuhöld áður en opnað var formlega þegar klippt var á borðann. Öllu var dreift þægilega í stóru rými Bræðslunnar og fylgt var öllum viðmiðum almannavarna vegna Covid-19 faraldursins og spritt til reiðu hvarvetna.

Sýningin er opin alla daga kl. 11:00-16:00 til 15. ágúst og strax mikil aðsókn enda ókeypis inn. Fjöldi ferðamanna og gesta skoða gjarnan egg Sigurðar Guðmundssonar í Gleðivík dag hvern, en sýningarrýmið Bræðslan er þar beint við hliðina og er Sigurður Guðmundsson einmitt einn af þátttakendum sýningarinnar í ár. En listamennirnir sem taka þátt í ár eru:

Alexander Hugo Gunnarsson, Andri Þór Arason, Anika L. Baldursdóttir, Atli Pálsson, Auðunn Kvaran, Birkir Mar Hjaltested, Bjargey Ólafsdóttir, Clare Aimée Gossen, Daníel Ágúst Ágústsson, Einar Lúðvík Ólafsson, Hrafnkell Sigurðsson, Huang Shizun, Jóhanna Margrétardóttir, Kjáni Thorlacius, Lin Jing, Liu Yuanyuan, Lova Y & Tycho Hupperets, Margrét Dúadóttir Landmark, María Lind Baldursdóttir, Marike Schuurman, Rakel Andrésdóttir, Renate Feizaka, Sigurður Guðmundsson, Sólbjört Vera Ómarsdóttir, Sölvi Steinn Þórhallsson, Tara & Silla, Wei Na, Yang Zhiqian, Ye Qianfu og Þór Vigfússon

14.07.2020
Cittaslow

Rúllandi snjóbolti opnar í dag

Opnar í Bræðslunni í dag!

11.07.2020
10.07.2020

Leikið í Djúpavogsdeildinni í dag

Tveir leikir fara fram í Djúpavogsdeildinni í dag. Leik Búlandstinds og Hótels Framtíðar hefur verið frestað.

Þeir leikir sem leiknir verða í dag eru:

18:00 - Vigdís Finnboga gegn Samsteypufélaginu. Dómgæsla er í höndum Hnaukabúsins.
19:00 - Hnaukabúið gegn Vetrarbruna. Dómgæsla er í höndum Hótels Framtíðar.

UMF Neisti verður með kaffi og kruðerí til sölu.

Fjölmennum.

Mótsstjórn

09.07.2020
Cittaslow

Síðbúnar myndir frá 17. júní 2020 á Djúpavogi

17. júní var að venju fagnað hér á Djúpavogi. Dagskrá var með hefðbundnum hætti, skrúðganga frá grunnskólanujm að Neistavelli og leikir og gleði við Neista. Sigurásta Guðbjörg Ólafsdóttir var fjallkona, UMF Neisti veitti verðlaun fyrir góðan árangur í íþróttum og svo voru grillaðir hamborgarar og pulsur ofan í viðstadda. Að hefðbundinni dagskrá lokinni voru síðan spilaðir leikir í Djúpavogsdeildinni.

Það er gaman að segja frá því að Jón Friðrik Sigurðsson, einn dyggasti fótboltaáhorfandi Djúpavogs sl. áratugi ákvað að gefa Djúpavogsdeildinni veglegar gjafir, nánar tiltekið tvo bikara. Einn stóran farandbikar og annan eignarbikar. Hann hefur jafnframt ákveðið að gefa sigurliði deildarinnar árlega eignarbikar svo lengi sem deildin verður spiluð. Frábært framtak hjá Jóni.

Myndir frá þessum góða degi má sjá með því að smella hér.

Hluti myndanna er frá Maciej Pietrunko og kunnum við honum bestu þakkir fyrir. Myndirnar hans eru merktar honum.

08.07.2020