Djúpavogshreppur
A A

Aðalvefur

​Kynningarfundur vegna nýs fyrirkomulags við sorphirðu

Kynningarfundur vegna nýs fyrirkomulags við sorphirðu verður haldinn á Hótel Framtíð miðvikudaginn 20. febrúar nk. kl. 18:00.

Þar munu fulltrúar Íslenska gámafélagsins kynna þjónustu sína og svara spurningum. Þeir munu dvelja í sveitarfélaginu fram á föstudag og svara spurningum verði til þeirra leitað.

Íbúar eru hvattir til að fjölmenna á kynningarfundinn og kynna sér hið nýja fyrirkomulag. Heitt á könnunni.

Sveitarstjóri

15.02.2019

Breytingar á sorphirðu í Djúpavogshreppi

Breytingar verða á sorphirðu í Djúpavogshreppi frá og með 1. mars næstkomandi.

13.02.2019

Djúpavogshreppur auglýsir eftir skólastjóra við Djúpavogsskóla

Staða skólastjóra Djúpavogsskóla er laus til umsóknar.

Djúpavogsskóli er sameinaður grunn- og tónskóli.

Nýr skólastjóri þarf að geta hafið störf eigi síðar en 1. ágúst nk. Djúpavogsskóli er heildstæður grunnskóli með ríflega 70 nemendur frá Djúpavogi og aðliggjandi dreifbýli þaðan sem nemendum er ekið í skólabíl.

Í tónskólanum í vetur eru um 35 nemendur. Skólinn er að taka fyrstu skrefin í innleiðingu á „Uppeldi til ábyrgðar“ auk þess sem skólinn, fyrstur skóla á Íslandi, er að innleiða hæglætisstefnuna Cittaslow inn í allt skólastarfið.

Frekari upplýsingar má finna á: djupivogur.is/Thjonusta/menntun/Grunnskoli/ og djupivogur.is/Thjonusta/menntun/Tonskoli/

Í Djúpavogshreppi eru u.þ.b. 475 íbúar. Nánari upplýsingar um sveitarfélagið er að finna hér á heimasíðunni.

Leitað er eftir einstaklingi sem er tilbúinn til að viðhalda og byggja upp öflugt skólasamfélag af dugnaði og atorku samkvæmt gildandi fræðslustefnu, með virðingu, metnað og gleði að leiðarljósi.

Helstu verkefni og ábyrgð:

Veita faglega forystu og leiða þróun skólastarfs í grunnog tónskóla til framtíðar í samræmi við fræðslustefnu sveitarfélagsins, aðalnámskrá grunnskóla, aðalnámskrá tónlistarskóla og lög og reglugerðir um grunn- og tónlistarskóla. Hafa umsjón með daglegu starfi í lengdri viðveru sem er í boði fyrir 1.-3. bekk frá 13:10 – 16:00.

Menntunar- og hæfnikröfur:

  • Leyfisbréf sem grunnskólakennari og farsæl kennslureynsla í grunnskóla.
  • Framhaldsmenntun á sviði stjórnunar eða farsæl stjórnunarreynsla.
  • Færni og reynsla í starfsmannastjórnun, stefnumótun og áætlanagerð og vilji til að taka þátt í þróun skólastarfs.
  • Hæfni í samskiptum, jákvæðni og metnaður.
  • Reynsla í fjármálastjórnun kostur.

Laun eru samkvæmt kjarasamningi Samninganefndar sveitarfélaga (SNS) og Skólastjórafélags Íslands (SÍ).

Næsti yfirmaður er sveitarstjóri.

Umsóknarfrestur er til 1. apríl nk. Umsóknum skal skila á netfangið sveitarstjori@djupivogur.is.

Með umsókn skal skila starfsferilskrá, nöfnum 2 umsagnaraðila, stuttri kynningu á umsækjanda og greinargerð þar sem umsækjandi gerir grein fyrir sýn sinni á skólamál og faglegri reynslu og getu sem nýtist í starfi.

Umsækjandi þarf að veita leyfi til upplýsingaöflunar úr sakaskrá. Sveitarstjóri gefur fúslega frekari upplýsingar í síma 470-8700 og 843-9889

Öllum umsóknum verður svarað þegar ákvörðun um ráðningu hefur verið tekin. Réttur áskilinn til að hætta við ráðningu og/ eða auglýsa stöðuna að nýju.

11.02.2019

Viðvera byggingarfulltrúa

Viðvera Byggingarfulltrúa Mánudaginn 25. febrúar

05.02.2019

Forsala miða á þorrablótið 2019 hefst í dag

Þorrablót Djúpavogs verður haldið laugardaginn 2. febrúar n.k. á Hótel Framtíð.

Forsala aðgöngumiða hefst á hótelinu í dag og stendur yfir fram á föstudag. Opið er í miðasölu á milli 18:00 og 20:00.

Miðaverð í forsölu er kr. 8.500. Eftir forsölu verður verðið kr. 9.500.-

Þorrablótsnefnd

Cittaslow

6 verkefni úr Djúpavogshreppi hlutu styrk

Styrkjum veitt úr Uppbyggingarsjóði Austurlands

29.01.2019

Frábær árangur í söngkeppni Samaust

Samaust (Samtök félagsmiðstöðva á austurlandi) hélt á dögunum sína árlegu söngkeppni. Í ár gerðu ungmenni á Djúpavogi sér lítið fyrir og sendu tvo fulltrúa á keppnina.

Guðrún Lilja Eðavarðdóttir og Íris Antonía Ólafsdóttir stigu á svið og sungu fyrir fullum sal í Valaskjálf á Egilsstöðum. Guðrún Lilja söng lagið Óskin Mín eftir Rakel Pálsdóttur og gerði það með stakri prýði.

Íris Antonía söng lagið Creep með Radiohead og gerði sér lítið fyrir og lenti í öðru sæti fyrir sinn flutning. Fyrir vikið öðlaðist hún þátttöku rétt í söngkepnni Samfés sem fram fer í mars 2019. Þar mun hún stíga á svið í Laugardalshöll og flytja lag fyrir fulla höll af unglingum frá öllum landshornum! Við óskum þeim báðum til hamingju með árangurinn og hlökkum til að heyra í þeim í framtíðinni!

Félagsmiðstöðin Zion.

28.01.2019

Dagskrá Hammondhátíðar 2019

Fjórtánda Hammondhátíð Djúpavogs.

Cittaslow

Íslenska fyrir útlendinga / Icelandic courses / Język islandzki dla ob...

Hálf námskeið 20 tímar / Half courses 20 hours / Pół kursu 20 godzin

25.01.2019

Skautadagur Neista

Neisti býður í kakó

25.01.2019
25.01.2019

Neisti 100 ára og nafnasamkeppni

Ungmennafélagið Neisti fagnar 100 ára afmæli á þessu ári

23.01.2019

Nýtt kynningarmyndband um Austurland

Nýtt kynningarmyndband um Austurland
Í dag, 17. janúar, fer í dreifingu nýtt og glæsilegt kynningarmyndband um Austurland. Myndbandið, sem er eins konar örsaga, lýsir upplifun aðkomumanneskju af svæðinu í máli og mögnuðum myndum og tekst þannig að gefa áhorfendum innsýn inn í þennan sérstaka og töfrandi landshluta. Myndbandið er framleitt og tekið upp af Sebastian Ziegler en leikstjóri var Henrik Dyb Zwart og með aðalhlutverk fór Nanna Juelsbo.


17.01.2019

Árshátíð grunnskólans, 17. janúar

Grunnskólinn sýnir Pétur Pan á Hótel Framtíð.

16.01.2019

Kvikmyndin um Hans Jónatan á RÚV 16. janúar

Saga Hans Jónatans, þræls af danskri nýlendu sem við upphaf 19. aldar fluttist til Djúpavogs, hefur farið víða síðan bók Gísla Pálssonar um hann kom út árið 2014. Á morgun verður sýnd heimildarmynd sem byggð er á bókinni á RÚV.

Árið 1802 birtist á Djúpavogi ungur, þeldökkur maður sem settist þar að. Þessi maður hét Hans Jónatan og er eftir því sem best er vitað fyrsti þeldökki maðurinn sem settist að á Íslandi. Móðir Hans Jónatans var ambátt af afrískum uppruna á eyjunni Saint Croix sem þá var dönsk nýlenda en ekki er vitað með vissu um föður hans nema að hann var hvítur. Honum var tekið vel á Djúpavogi, fékk starf í versluninni í Löngubúð og varð síðar verslunarstjóri og giftist dóttur hreppstjórans.

Hans hafði verið þræll allt sitt líf en tókst að hefja nýtt líf á Íslandi. Afkomendur hans og Katrínar, eiginkonu hans, eru á tólfta hundraðið í dag. Þó Hans Jónatan hafi notið virðingar á Djúpavogi áttu afkomendur hans eftir að kynnast fordómum, eins og kom fram í sjónvarpsfréttum þegar myndin var frumsýnd í Berufirði vorið 2017.

Höfundar heimildarmyndar um ævi Hans Jónatans, sem sýnd verður á á RÚV miðvikudaginn 16. janúar, eru hjónin Valdimar Leifsson og Bryndís Kristjánsdóttir. „Við kynntumst þessari sögu í gegnum Gísla Pálsson mannfræðiprófessor. Íslendingar hafa af og til verið minntir á að hann hafi komið hingað,“ segir Bryndís. „Það sem er merkilegt er að hann var fyrsti þeldökki maðurinn sem settist að á Íslandi svo vitað sé. Gísli hafði séð heimildarmynd í danska sjónvarpinu, þar sem fjallað var um að hann hefði komið til Íslands, og hún kveikti virkilega í honum. Svo hann fór að vinna að þessu mikla verki sínu. Þegar hann var kominn inn í verkið datt honum í hug að það gæti orðið skemmtilegt að gera heimildarmynd um þetta.“

Bryndís og Valdimar ferðuðust um slóðir Hans Jónatans, til Danmerkur og St. Croix, við gerð myndarinnar ásamt afkomendum hans. Með hlutverk í myndinni fara George Leite, Edda Björnsdóttir og Yiori Moorhead.

Gísli Pálsson gaf út bókina Hans Jónatan, maðurinn sem stal sjálfum sér, árið 2014. Hún hefur verið þýdd á ensku, dönsku og frönsku. Svo gæti farið að lífshlaup Hans Jónatans verði einnig að leikinni kvikmynd, en greint var frá því á Morgunvakt Rásar 1 að bandarískir kvikmyndagerðarmenn veltu fyrir sér söguefninu.

Frétt af RÚV.is

15.01.2019

Fundur atvinnu- og menningarmálanefndar vel sóttur

Áhersla fundarins var að þessu sinni fiskeldi og fiskvinnsla.

14.01.2019

Minjastofnun Íslands auglýsir

Minjastofnun Íslands auglýsir laust til umsóknar starf við fjarvinnslu á Djúpavogi.


14.01.2019
11.01.2019

Djúpivogur 3D í fréttum RÚV

Á gamlársdag var í fréttum RÚV fjallað um skipulagsmál á Djúpavogi og hvernig sýndarveruleiki er notaður til að raungera þá framtíðarsýn sem kemur fram í tillögum að skipulagi fyrir miðbæjarsvæðið og mæla sálfræðileg áhrif hennar. Þetta er hluti af verkefninu Cities that Sustain Us sem fer fram innan veggja Háskólans í Reykjavík í samstarfi við Djúpavogshrepp og TGJ hönnun - ráðgjöf - rannsóknir.

10.01.2019

Samráðsfundur fyrir bændur, heimavinnsluaðila og smáframleiðendur

Þriðjudaginn 15. janúar kl. 20:00, í fundarsal Austurbrúar Egilsstöðum

09.01.2019

Opinn fundur um atvinnumál

Fyrsti fundur verður laugardaginn 12.janúar á Hótel Framtíð kl.11. Áhersla verður fiskeldi og fiskvinnsla.

07.01.2019

Myndband Jimmy Hill á Djúpavogi vekur athygli

Djúpavogshreppur spilar stórt hlutverk í nýju myndbandi Jimmy Hill

07.01.2019