Djúpavogshreppur
A A

Aðalvefur

Opnunarhátíð Rúllandi snjóbolta /13

Hátt á þriðja hundrað manns sóttu opnunarhátíðina síðastliðinn laugardag þegar Rúllandi snjóbolti/ 13, Djúpivogur opnaði í Bræðslunni. Sýningin er nú haldin í sjöunda sinn en hún er samvinnuverkefni Kínversk-evrópsku menningarmiðstöðvarinnar og Djúpavogshrepps. Alls taka 33 listamenn þátt í sýningunni í ár en 19 af þeim útskrifuðust úr Listaháskóla Íslands síðastliðið vor. Opnunin var glæsileg og var boðið upp á girnilegar veitingar úr héraði, klassískt söngatriði og ræðuhöld áður en opnað var formlega þegar klippt var á borðann. Öllu var dreift þægilega í stóru rými Bræðslunnar og fylgt var öllum viðmiðum almannavarna vegna Covid-19 faraldursins og spritt til reiðu hvarvetna.

Sýningin er opin alla daga kl. 11:00-16:00 til 15. ágúst og strax mikil aðsókn enda ókeypis inn. Fjöldi ferðamanna og gesta skoða gjarnan egg Sigurðar Guðmundssonar í Gleðivík dag hvern, en sýningarrýmið Bræðslan er þar beint við hliðina og er Sigurður Guðmundsson einmitt einn af þátttakendum sýningarinnar í ár. En listamennirnir sem taka þátt í ár eru:

Alexander Hugo Gunnarsson, Andri Þór Arason, Anika L. Baldursdóttir, Atli Pálsson, Auðunn Kvaran, Birkir Mar Hjaltested, Bjargey Ólafsdóttir, Clare Aimée Gossen, Daníel Ágúst Ágústsson, Einar Lúðvík Ólafsson, Hrafnkell Sigurðsson, Huang Shizun, Jóhanna Margrétardóttir, Kjáni Thorlacius, Lin Jing, Liu Yuanyuan, Lova Y & Tycho Hupperets, Margrét Dúadóttir Landmark, María Lind Baldursdóttir, Marike Schuurman, Rakel Andrésdóttir, Renate Feizaka, Sigurður Guðmundsson, Sólbjört Vera Ómarsdóttir, Sölvi Steinn Þórhallsson, Tara & Silla, Wei Na, Yang Zhiqian, Ye Qianfu og Þór Vigfússon

14.07.2020
Cittaslow

Rúllandi snjóbolti opnar í dag

Opnar í Bræðslunni í dag!

11.07.2020
10.07.2020

Leikið í Djúpavogsdeildinni í dag

Tveir leikir fara fram í Djúpavogsdeildinni í dag. Leik Búlandstinds og Hótels Framtíðar hefur verið frestað.

Þeir leikir sem leiknir verða í dag eru:

18:00 - Vigdís Finnboga gegn Samsteypufélaginu. Dómgæsla er í höndum Hnaukabúsins.
19:00 - Hnaukabúið gegn Vetrarbruna. Dómgæsla er í höndum Hótels Framtíðar.

UMF Neisti verður með kaffi og kruðerí til sölu.

Fjölmennum.

Mótsstjórn

09.07.2020
Cittaslow

Síðbúnar myndir frá 17. júní 2020 á Djúpavogi

17. júní var að venju fagnað hér á Djúpavogi. Dagskrá var með hefðbundnum hætti, skrúðganga frá grunnskólanujm að Neistavelli og leikir og gleði við Neista. Sigurásta Guðbjörg Ólafsdóttir var fjallkona, UMF Neisti veitti verðlaun fyrir góðan árangur í íþróttum og svo voru grillaðir hamborgarar og pulsur ofan í viðstadda. Að hefðbundinni dagskrá lokinni voru síðan spilaðir leikir í Djúpavogsdeildinni.

Það er gaman að segja frá því að Jón Friðrik Sigurðsson, einn dyggasti fótboltaáhorfandi Djúpavogs sl. áratugi ákvað að gefa Djúpavogsdeildinni veglegar gjafir, nánar tiltekið tvo bikara. Einn stóran farandbikar og annan eignarbikar. Hann hefur jafnframt ákveðið að gefa sigurliði deildarinnar árlega eignarbikar svo lengi sem deildin verður spiluð. Frábært framtak hjá Jóni.

Myndir frá þessum góða degi má sjá með því að smella hér.

Hluti myndanna er frá Maciej Pietrunko og kunnum við honum bestu þakkir fyrir. Myndirnar hans eru merktar honum.

08.07.2020

Kjörbúðin hefur sölu á sérmerktum vörum af svæðinu

Stórt skref var nýlega stigið á Djúpavogi þegar Kjörbúðin hóf að bjóða sérmerktar framleiðsluvörur af svæðinu. Þetta samstarf sveitarfélagsins við framleiðendur og Samkaup er í anda Cittaslow sem m.a. leggur áherslu á mikilvægi þess að auka framboð staðbundinnar framleiðslu í aðildarsveitarfélögunum. Það er von allra sem að verkefninu standa að þetta sé aðeins byrjunin og að framboð staðbundinnar framleiðslu aukist í framtíðinni. Með því móti verða tengsl framleiðenda og neytenda meiri, virðing fyrir mat og raunvirði hans eykst og uppruni matvælanna verður öllum ljós. Um leið og við þökkum öllum sem taka þátt í þessum fyrsta áfanga með okkur, hvetjum við nýja framleiðendur og neytendur til að taka þátt í að hefja staðbundna framleiðslu til vegs og virðingar. Saman getum við haft áhrif.

Sveitarstjóri

07.07.2020
Cittaslow
06.07.2020

Slökkvitækjaþjónusta Austurlands auglýsir

Verðum með skoðun á slökkvitækjum þann 8. júlí næstkomandi í áhaldahúsi bæjarins frá kl 10:30.

Einnig verður til sölu eldvarnarbúnaður svo sem slökkvitæki, eldvarnarteppi og reykskynjarar

Slökkvitækjaþjónusta Austurlands

06.07.2020

Nýtt starfsfólk hjá Djúpavogshreppi

Undanfarið hafa nokkrir nýir starfsmenn hafið störf hjá Djúpavogshreppi. Dagur Börnsson hefur verið ráðinn forstöðumaður Íþóttamiðstöðvar Djúpavogs. Eva Björk Hlöðversdóttir hefur tekið við sem skrifstofustjóri í Geysi. Þorbjörg Sandholt er nýráði skólastjóri Djúpavogsskóla og Ingibjörg Bára Gunnlaugsdóttir tekur við sem aðstoðarskólastjóri 1. ágúst.

01.07.2020

Vogaland 4 - Hótel Framtíð - bætt aðgengi fyrir fatlaða

Samkvæmt 4. mgr. 6. gr. laga um verndarsvæði í byggð nr. 87/2015 er hér auglýst fyrirhuguð framkvæmd innan verndarsvæðis í byggð á Djúpavogi:

- Vogaland 4 – Hótel Framtíð - Bætt aðgengi fyrir fatlaða og hreyfihamlaða.

Verkið felur í sér byggingu skábrautar fyrir fatlaða og hreyfihamlaða, sem liggja mun samsíða þeim hluta viðbyggingar sem hýsir samkomusal hótelsins. Áætlaður verktími er 2 vikur.

01.07.2020

Múlaþing hlutskarpast

Nafnið Múlaþing fékk flest atkvæði, bæði í fyrsta sæti og samanlagt hjá þeim íbúum Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar sem tóku þátt í nafnakönnun fyrir nýtt sameinað sveitarfélag samhliða forsetakosningunum í gær.

Á kjörskrá voru 3618 og þar af greiddu 2232 atkvæði eða 62%. Öllum íbúum sveitarfélaganna 16 ára og eldri var gefinn kostur á að taka þátt í valinu í gær.

01.07.2020

Þínir uppáhaldsstaðir á Austurlandi - á einum stað!

Austurbrú hefur fest kaup á appinu SparAustur

29.06.2020

Kosið um nafn á nýtt sveitarfélag jafnhliða forsetakosningum

Samhliða forsetakosningum þann 27. júní greiða íbúar Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar atkvæði um sex tillögur að heiti á nýtt sveitarfélag. Þau sem eiga ekki heimangengt á kjördag geta tekið þátt í valinu með því að greiða atkvæði á skrifstofum sveitarfélaganna á hefðbundnum opnunartíma. Atkvæðagreiðslan hefst föstudaginn 19. júní og lýkur föstudaginn 26. júní.

25.06.2020

Kjörfundur vegna forsetakosninga

Kjörfundur vegna forsetakosninga verður laugardaginn 27. júní 2020.

Kosið verður í Tryggvabúð.

Kjörfundur hefst kl. 10:00 og stendur a.m.k. til 18:00.

Kjörstjórn

25.06.2020

Leikið í Djúpavogsdeildinni í dag

Leikir dagsins í Djúpavogsdeildinni verða tveir, en einum leik hefur verið frestað.

19:00 Hnaukabúið - Samsteypufélagið
20:00 Vigdís Finnboga - Hótel Framtíð staff

Neisti býður upp á kaffi og svo verður í boði að kaupa sér kruðerí með’í!

Allir hvattir til að mæta enda tilvalið að virða fyrir sér leikmenn kvöldsins áður en félagsskiptaglugginn opnar að miðnætti!

25.06.2020
Cittaslow

Sumarlokun Tryggvabúðar í júlí 2020

Tryggavbúð, félagsaðstaða eldri borgara í Djúpavogshreppi, verður lokuð vegna sumarleyfa frá og með 6. - 20. júlí 2020.

Forstöðukona Tryggvabúðar

24.06.2020

Tillögur að deiliskipulagi - Steinaborg og Fossárdalur

Í samræmi við 4. mgr. 40. gr. skipulagslaga nr. 123/2010 er kynnt tillaga að deiliskipulagi fyrir Steinaborg annars vegar og Eyjólfsstaði í Fossárdal hins vegar.

24.06.2020

Húsnæði til leigu á Djúpavogi

Fyrir íbúa á Djúpavogi eða áhugasama um dvöl á landsbyggðinni.

Til leigu glæsilegt nýtt hús. Tæplega 200 m2 bílskúr.

19.06.2020

Tónleikar í Við Voginn

Tónleikafélag Djúpavogs ásamt 6pence ætlar að spila fyrir okkur í Við Voginn á laugardaginn 20. júní.

19.06.2020

Djúpavogsskóli auglýsir eftir aðstoðarskólastjóra

Djúpavogsskóli starfar í takt við hugmyndafræði Cittáslow og er mikil áhersla lögð á velferð og vellíðan. Starfsandinn er góður og tækifærin mörg fyrir einstaklinga sem eru tilbúnir að vinna eftir stefnu skólans og taka þátt í skapandi vinnu. Skólinn er í mikilli þróun og á næsta skólaári verður áherslan meðal annars á teymis-og útikennslu,grenndarnám, núvitund og nýskapandivinnu. Við leitum að aðstoðarskólastjóra sem hefur farsæla starfsreynslu, er tilbúinn að taka þátt í samrýmdu teymistjórnenda,taka þátt í þróunarstarfiog starfa eftir stefnu ogframtíðarsýnskólans. Aðstoðarskólastjóri í Djúpavogsskóla er staðgengill skólastjóra, hefur umsjón með stoðþjónustu, tekur þátt í að leiða faglega þróun og hefur kennsluskyldu.

18.06.2020

Djúpavogsskóli auglýsir eftir kennara í smíði og hönnun

Djúpavogsskóli starfar í takt við hugmyndafræði Cittáslow og er mikil áhersla lögð á velferð og vellíðan. Starfsandinn er góður og tækifærin mörg fyrir einstaklinga sem eru tilbúnir að vinna eftir stefnu skólans og taka þátt í skapandi vinnu. Skólinn er í mikilli þróun og á næsta skólaári verður áherslan meðal annars á teymis-og útikennslu,grenndarnám, núvitund og nýskapandivinnu.

18.06.2020

Djúpavogsskóli auglýsir eftir starfsmanni í ræstingar / cleaning posit...

Djúpavogsskóli starfar í takt við hugmyndafræði Cittáslow og er mikil áhersla lögð á velferð og vellíðan. Starfsandinn er góður og skólinn er í mikilli þróun.

18.06.2020

17. júní 2020 í Djúpavogshreppi

Það verður nóg um að vera á þjóðhátíðardaginn í Djúpavogshreppi, skrúðganga, leikir, grill, verðlaunaafhendingar, Djúpavogsdeildin og margt fleira.

Sjá nánar í auglýsingu frá UMF Neista hér að neðan.

16.06.2020

Fræðsluskilti við Djáknadys

Minjastofnun Íslands hefur nú komið upp fræðsluskilti og léttri afmörkun við Djáknadysina í Hamarsfirði en það var eitt af þeim verkefnum sem stofnunin fékk styrk til að vinna af Landsáætlun um uppbyggingu innviða. Aukinn ferðamannastraumur hefur leitt til aukins ágangs við dysina og þótti því þörf á að miðla upplýsingum til þeirra sem heimsækja staðinn ásamt því að afmarka dysina svo hún yrði ekki fyrir frekara raski.

Austfirðingar kannast margir við sögu staðarins en hún segir að þar hafi djákninn á Hamri og presturinn á Hálsi barist vegna ósættist, þeir hafi báðir látið lífið og annar eða báðir verið dysaðir þarna á staðnum. Sagt er að sú kvöð hvíli á þeim vegfarendum sem fram hjá dysinni fara að þeir verði að kasta steinvölu í dysina til að eiga góða vegferð framundan.

Dysin var friðlýst árið 1964 af þáverandi þjóðminjaverði, Kristjáni Eldjárn. Hún nýtur þar með æðstu verndar minjavörslunnar, en það er eitt af hlutverkum Minjastofnunar Íslands að merkja og miða upplýsingum um friðlýstar fornleifar. Djáknadysin er lifandi minjastaður þar sem fólk hefur tekið þátt í að móta staðinn. Þrátt fyrir vegagerð á svæðinu í gegnum tíðina stendur dysin enn og þar með fær saga hennar að lifa enn þann dag í dag og getur þar með glatt komandi kynslóðir, en það er einn tilgangur minjavörslunar – að skila menningararfi þjóðarinnar óspilltum til komandi kynslóða.

Minjastofnun færir þeim Hreini Guðmundssyni og Rúnari Matthíassyni kærar þakkir fyrir aðstoðina við framkvæmdirnar og Andrési Skúlassyni fyrir myndina á skiltið.

15.06.2020
Cittaslow

Nýtt sameinað sveitarfélag á Austurlandi leitar að öflugum einstaklingum...

Fjögur sveitarfélög á Austurlandi, Djúpavogshreppur, Borgarfjarðarhreppur, Fljótsdalshérað og Seyðisfjarðarkaupstaður sameinast og verður til um 4900 manna sveitarfélag. Áhersla er lögð á skemmtilegt og skapandi samfélag með góða þjónustu við íbúa, vandaða stjórnsýslu og sterka byggðarkjarna með greiðum samgöngum. Sveitarfélagið hyggst verða leiðandi í nýtingu rafrænna lausna í stjórnsýslu sveitarfélagsins og þjónustu við íbúa.

15.06.2020

Bóndavarðan, sumarblað 2020 - netútgáfa

Nú er hægt að nálgast nýjasta tölublað Bóndavörðunnar á netinu, smellið hér til að skoða það.

15.06.2020
Cittaslow

Undirbúningur stjórnskipulags í sameinuðu sveitarfélagi

Mikilvægt er að stjórnskipulag sameinaðs sveitarfélags verði virkt þegar ný sveitarstjórn kemur saman í október, þannig að sveitarfélagið geti unnið hratt og örugglega að fyrirliggjandi verkefnum. Kjörtímabil sveitarstjórnarinnar er stutt, aðeins 20 mánuðir, þar sem kosið verður aftur til sveitarstjórnar í maí 2022 eins í öðrum sveitarfélögum á landinu. Framundan eru mörg brýn og mikilvæg verkefni, sem snúa að reglulegri starfsemi og þjónustu sveitarfélagsins, áhrifum af heimsfaraldri og innleiðingu nýs sveitarfélags.

15.06.2020