Djúpavogshreppur
A A

Fréttir

Sundþjálfari óskast

Sunddeild Neista leitar að þjálfara til starfa í haust.

Hefur þú menntun eða reynslu í sundþjálfun og/eða einhvern bakgrunn í sundi og áhuga að vinna með krökkum?

Þá endilega settu þig í samband við okkur í gegnum netfangið neisti@djupivogur.is fyrir frekari upplýsingar.

23.07.2019

Hera - tónleikar á Hótel Framtíð

Þetta sumar syngur Hera víða um landið, hún mun spila þann 25. júli á Hótel framtíð, Djúpavogi; verður þar bæði gamalt og nýtt efni á dagskrá.

Nýverið hefur Hera lokið við gerð plötu þar sem Barði Jóhannsson stýrði upptökum, sú plata er væntanleg á þessu ári.

Fimmtudaginn 25. júlí - Hótel Framtíð - Djúpavogi
Föstudaginn 26. júlí - Beituskúrnum - Neskaupsstað

Tónleikar hefjast kl. 20.30

23.07.2019

Sumarlokun skrifstofu Djúpavogshrepps 2019

Skrifstofa sveitarfélagsins verður lokuð vegna sumarleyfa frá 22. júlí og opnar aftur mánudaginn 19. ágúst.

Sveitarstjóri

19.07.2019

Opnunarhátíð Rúllandi snjóbolta/12, Djúpivogur

Sýningin Rúllandi snjóbolti/12, Djúpivogur var formlega opnuð með viðhöfn laugardaginn 13.júlí sl. að viðstöddu fjölmenni.

Rúllandi snjóbolti er samtímalistasýning sem haldin er á sumrin í Bræðslunni á Djúpavogi. Sýningin er samstarfsverkefni Djúpavogshrepps og CEAC (Chinese European Art Center) í Xiamen, Kína, en CEAC er sjálfseignarstofnun sem stofnuð var árið 1999 af Ineke Guðmundsson með fjárhagslegum stuðningi eiginmanns hennar, Sigurðar Guðmundssonar listamanns.

Þetta er sjötta árið í röð sem sýningin er sett upp en ár hvert má gera ráð fyrir að rúmlega átta þúsundir gesti sæki sýninguna heim.

Á opnunni flutti tónlistarkonan María Viktoría Einarsdóttir nokkur lög, staðgengill mennta- og menningarmálaráðherra, Auður Edda Jökulsdóttir, var heiðursgesturinn í ár og þá var einnig fulltrúi frá Kínverska sendiráðinu, Ms.Gao Chunyan á staðnum og flutti ávarp. Kvenfélagið Vaka sá um veitingar og bauð gestum upp á íslenska brauðsúpu og Austri Brugghús bauð upp á bjórana Vökva og Vöku. Þessum aðilum er hér með þakkað kærlega fyrir sinn þátt í opnuninni.

Sýningin stendur til 18.ágúst nk. og er opin alla daga frá kl. 11:00 – 16:00. Frítt er inn á sýninguna.

Við bjóðum alla velkomna á sýninguna Rúllandi snjóbolti/12, Djúpivogur

Atvinnu- og menningarmálafulltrúi,

15.07.2019

Staða atvinnu- og menningarmálafulltrúa

Djúpavogshreppur óskar eftir að ráða atvinnu- og menningarmálafulltrúa í 100% starf tímabundið frá 1. september 2019 – 31. maí 2020 vegna fæðingarorlofs, möguleiki er á hlutastarfi.

Starfssvið:

  • Að aðstoða við uppbyggingu og kynningu fjölbreyttrar atvinnustarfsemi í sveitarfélaginu og veita fyrirtækjum víðtæka ráðgjöf.
  • Að kynna og stuðla að öflugu menningarlífi í samvinnu við einkaaðila, félagasamtök og opinberar stofnanir ásamt því að hafa yfirumsjón með málefnum safna í sveitarfélaginu.

Menntunar- og hæfniskröfur:

  • Háskólamenntun sem nýtist í starfi. Færni í mannlegum samskiptum. Áhersla er lögð á frumkvæði, öguð og sjálfstæð vinnubrögð. Góð íslensku-, ensku- og tölvukunnátta.

Umsóknarfrestur er til 9. ágúst

Frekari upplýsingar veitir sveitarstjóri sveitarstjori@djupivogur.is og í síma 470-8700 / 843-9889.

15.07.2019

Áningarstaður ferðamanna í Fossárvík

Nú eru komnar í kynningu tillögur að breytingu á deiliskipulagi og aðalskipulagi vegna áningarstaðar ferðamanna í Fossárvík.

Hægt er að skoða tillögurnar með því að smella hér.

15.07.2019
12.07.2019
08.07.2019

Kosið um sameiningu þann 26. október

íbúar fá tækifæri til að kjósa um tillögu um sameiningu sveitarfélaganna

04.07.2019

DJÚPAVOGSDEILIN - KAUP LEIKMANNA Í HÁDEGINU

Nú hefur félagsskiptaglugganum verið lokað

Cittaslow