Fréttir

áheitagangan "Enn gerum við gagn"

Í tengslum við gerð nýs deiliskipulags fyrir efsta hluta Borgarlands sem nú er í auglýsingu, hefur verið smíðað gagnvirkt, tölvugert þrívíddarumhverfi. Umhverfið gefur fólki kost á því að virða fyrir sér framtíðaruppbyggingu frá ólíkum sjónarhornum af jörðu niðri.

Þetta þróunarverkefni er hluti af verkefninu Sjálfbærar borgir framtíðarinnar 2 (Cities that Sustain Us 2) sem er samstarfsverkefni Djúpavogshrepps, TGJ og Háskólans í Reykjavík, unnið með stuðningi frá Tækniþróunarsjóði Íslands.

Sjón er sögu ríkari - smelltu hér til að skoða.

(ATH! Nota þarf Mozilla Firefox-vafrann til að opna þrívíddarumhverfið. Hægt er að nálgast nýjustu með því að smella hér).

Sveitarstjórn Djúpavogshrepps samþykkti þann 13. júní 2019 að auglýsa tillögu að deiliskipulagi í Borgarlandi, skv. 1. mgr. 41. gr. skipulagslaga nr. 123/2010.

Deiliskipulagssvæðið er 1,4 ha að stærð og nær yfir efsta hluta Borgarlands á Djúpavogi. Samkvæmt tillögunni er gert ráð fyrir uppbyggingu sjö einbýlishúsa og eins parhúss, auk bílastæða og göngustíga.

2. aukafundur 2018 - 2022

sveitarfélagið býður öllum í köku, kaffi og kakó í Löngubúð

17. júní fór fram á Djúpavogi með pompi og prakt.

Dagskráin hófst með skrúðgöngu frá Íþróttahúsi niður í Blá.

Fjallkona var Guðrún Lilja Eðvarðsdóttir. Hún flutti ljóðið “Hver á sér fegra föðurland” og stóð sig með stakri prýði.

Farið var í hina ýmsu leiki og leiktæki sem Boltafjör-Vatnaboltar settu upp og vöktu gríðalega mikla hrifningu hjá ungu kynslóðinni. Þar var einnig skopteiknari / myndskreytir og var nóg að gera hjá honum við að teikna börn og fullorðna.

Unglingar voru með andlitsmálningu að vanda. Grillveisla var haldin og í boði voru hamborgarar og vöktu grillmeistararnir mikla lukku meðal gesta, heyrst hefur að þetta hafi verið heimsins bestu borgarar.

Leikið var í Djúpavogsdeildinni um kvöldið, þar sem Hnaukabúið og Nallarar öttu kappi og var stemmningin spennandi meðal áhorfenda.

Leikurinn fór á þá leið að Nallarar unnu Hnaukabúið 5-1.

Var þetta hinn skemmtilegasti dagur og vill stjórn Neista þakka öllum þeim sem aðstoðuðu.

Hafdís Reynisdóttir
Framkvæmdarstjóri Neista

Lokadagur í Mjóafirði 23. júní 2019.

Stjórn Ungmenna- og íþróttasambands Austurlands hefur ákveðið að fella niður skráningargjöld fyrir þátttakendur af sambandssvæðinu á Landsmót UMFÍ 50 ára og eldri sem haldið verður í Neskaupstað 28. – 30. júní næstkomandi. Undirbúningi mótsins miðar vel.

„Við viljum hvetja Austfirðinga til að nýta sér þetta frábær tækifæri til hreyfingar,“ segir Gunnar Gunnarsson, framkvæmdastjóri UÍA.

Ákvörðunin er meðal annars tekin í ljósi þess að skráning á móti frá Austurlandi hefur verið dræm en þetta er í fyrsta skipti sem Landsmót 50+ er haldið á Austurlandi. Í gær voru aðeins ellefu þátttakendur skráðir undir merkjum UÍA. Þeim verður endurgreitt þátttökugjaldið.

„Það eru auðvitað vonbrigði hve treglega skráningin hér eystra hefur gengið. Við getum ekki látið það spyrjast út um okkur að við mætum ekki á mótið þegar það er haldið í okkar eigin bakgarði.

Við höfum heyrt í samtölum okkar við fólk eystra að það er hikandi því það þekki ekki mótin. Skráning víða annars staðar hefur gengið ágætlega, einkum frá þeim stöðum sem hafa haldið mótin áður.

Við viljum því nota þetta tækifæri til að Austfirðingar kynnist mótunum. Við erum í þessari stöðu meðal annars því við höfum öfluga bakhjarla sem koma myndarlega að mótinu,“ segir Gunnar.

Þótt mótið sé ætlað fólki sem er komið yfir fimmtugt er þar einnig að finna greinar sem opnar eru fyrir alla aldurshópa svo sem pílukast, lomber, frisbígolf, strandblak og garðahlaup.

Undirbúningi mótsins miðar annars vel. Meðal annars hefur verið ráðist í gerð frjálsíþróttaaðstöðu, gryfju fyrir langstökk og kastsvæða fyrir mótið. Erfiðast er að stjórna veðrinu en nýjustu langtímaspár benda til þess að þar horfi til betri vegar í næstu viku en verið hefur það sem af er mánuðinum.

Í gær var einnig ákveðið að framlengja skráningarfrest á mótið út þriðjudaginn 25. júní. Skráning og allar nánari upplýsingar um mótið má finna á umfi.is. Þeir sem vilja aðstoð við skráningu geta haft samband við skrifstofu UÍA í síma 471-1353 eða UMFÍ í síma 568-2929.

Sveitarstjórnir Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar hafa tekið álit samstarfsnefndar um tillögu um sameiningu sveitarfélaganna til fyrri umræðu og vísað því til síðari umræðu. Álit samstarfsnefndarinnar er að fram skuli fara atkvæðagreiðsla meðal íbúa sveitarfélaganna um sameiningu sveitarfélaganna fjögurra í eitt.

Í skýrslunni Sveitarfélagið Austurland – stöðugreining og forsendur tillögu um sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar, má finna greiningu og hugmyndir um mögulega framtíðaruppbyggingu sveitarfélagsins, verði sameining samþykkt.

Greiningin er m.a. byggð á upplýsingum frá sveitarfélögunum, vinnu starfshópa sem samstarfsnefndin skipaði og vinnu á íbúafundum. Jafnframt var aflað gagna úr opinberum skýrslum og gagnagrunnum.

Skýrsluna Sveitarfélagið Austurland má finna hér.

Fingrum fyrir minni báta verður komið fyrir í Djúpavogshöfn á næstu dögum. Gjald vegna legu við fingur verður kr. 10.560 + vsk á mánuði og verður árinu skipt í 3 tímabil janúar-apríl, maí-ágúst og september –desember.

Þeim sem vilja tryggja sér legupláss er bent á að hafa samband við hafnarvörð.

Hafnarstjóri

12. fundur 2018 - 2022

Kvennahlaup ÍSÍ 2019 á Djúpavogi, 15. júní.

Landsbankinn auglýsir laust til umsóknar 50% starf við almenna afgreiðslu bankans og póstsins á Djúpavogi.

Hátíðardagskrá Neista

eftir starfsmanni í hlutastarf við heimaþjónustu

verður haldinn í Tryggvabúð fimmtudaginn 13. júní kl 17:00

12. fundur 2018 - 2022

Laus er til umsóknar staða varaslökkviliðsstjóra Brunavarna á Austurlandi

Annan í hvítasunnu

Gítar- og skógarhelgistundí Hálsaskógi á hvítasunnudag kl. 14.00.

ásamt skólastjóra, umsjónarkennara og tveimur öðrum starfsmönnum

verða á morgun 6. júní

í blíðu sjómannadagsins.