Djúpavogshreppur
A A

Fréttir

Rúmlega 3.500 á kjörskrá

Rúmlega 3.500 kjósendur eru á kjörskrá fyrir kosningar um sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarhrepps.

Þjóðskrá Íslands hefur gefið út kjörskrárstofn fyrir sameiningarkosningarnar og munu sveitarfélögin á næstu dögum afgreiða kjörskrár í samræmi við lög um kosningar til sveitarstjórna. Tíu dögum fyrir kosningar munu íbúar geta skoðað kjörskrárnar á skrifstofum sveitarfélaganna og gert athugasemdir ef einhverjar eru.

Einstaklingar geta kannað hvort þeir eru á kjörskrá og í hvaða kjördeild, með því að fletta upp í kjörskránni hjá Þjóðskrá. Það er gert með því að fara inn á vefsíðu Þjóðskrár hér.

10.10.2019

Íbúafundur um sameiningartillögu

Íbúafundur í Djúpavogshreppi vegna fyrirhugaðrar sameiningar Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar verður haldinn 9. október á Hótel Framtíð.

Á fundinum verður tillaga um sameiningu sveitarfélaganna kynnt og íbúum gefst tækifæri til að koma spurningum, sjónarmiðum og ábendingum á framfæri.

Hægt verður að koma spurningum á framfæri jafnt rafrænt og munnlega. Því er mikilvægt að þátttakendur hafi meðferðis snjallsíma, spjaldtölvu eða tölvu ef þau vilja nýta sér rafræna möguleikann. Fundunum verður streymt á Facebook-síðu sveitarfélagsins og geta íbúar fylgst með þar og sent inn spurningar.

Fundurinn fer fram milli kl. 18:00 og 21:00.

Þátttakendum verður boðið upp á súpu og meðlæti.

Viðburðurinn á Facebook.

Nánari upplýsingar á svausturland.is

09.10.2019

Óskað eftir tilboðum í rekstur Löngubúðar

Djúpavogshreppur óskar eftir tilboðum í veitingarekstur Löngubúðar frá 1. janúar 2020.

Tilboðum skal skila til skrifstofu sveitarfélagsins fyrir kl. 15:00 föstudaginn 1. nóvember.
Tilboð verða opnuð á sama stað kl. 11:00 mánudaginn 4. nóvember að viðstöddum þeim bjóðendum sem óska.
Tilboð skulu gilda í tvær vikur frá opnun þeirra.

Djúpavogshreppur áskilur sér rétt til að taka hvaða tilboði sem er eða hafna öllum. Vakin er athygli á að ýmsar kvaðir fylgja rekstrinum sem áhugasömum er bent á að kynna sér.

Frekari upplýsingar veitir undirritaður í síma 470-8700 og á sveitarstjori@djupivogur.is og Þorbjörg Sandholt formaður atvinnu- og menningarmálanefndar obba@djupivogur.is

Sveitarstjóri

09.10.2019

Hugleiðsludagur unga fólksins í dag

Hugleiðsludagur unga fólksins, 9. október 2019

Hugleiðsludagur unga fólksins verður haldinn þann 9. október en sá dagur er einnig afmælisdagur friðarsinnans John Lennon heitins. Þá verður Friðarsúlan tendruð í Viðey fyrir von um frið í heiminum. Samtökin “Jóga hjartað” standa fyrir sameiginlegri hugleiðslu fyrir þá sem hafa áhuga á að taka þátt. Viðburðurinn fer fram klukkan 10:30. Þeir sem hafa áhuga á að vera með, geta gert það það með því að fylgja eftirfarandi leiðbeiningum.

Hugleiðslan (hún er sýnd í myndbandi á vefslóð fyrir neðan)

1. Við hægjum á öndun.
2. Við setjum lófa á brjóstkassa og tengjum við hjarta.
3. Við lokum augum.
4. Og við hugleiðum inn á frið í hjarta í 3 mínútur. Finnum okkar innri frið.

09.10.2019

Frá Íþróttamiðstöðinni

Vegna bilunar í tækjabúnaði þarf að loka sundlauginni.

Tilkynnt verður um leið og hægt er að opna fyrir aðgang.
Opið verður hinsvegar sem áfram í potta og barnalaug.

Forstöðum. ÍÞMD

07.10.2019

Húsnæði til leigu

Fyrir áhugasama um dvöl á landsbyggðinni.

Til boða glæsilegt hús, nú á síðasta hluta byggingarstigs. Tæplega 200m2 + bílskúr. Geta verið tvær aðskildar íbúðir eða ein heild. Heilsugæsla, skóli, leikskóli, íþróttahús, sundlaug og önnur þjónusta í stuttu göngufæri. Friðsemd og rómuð náttúrufegurð. Fuglafriðunarland. Tengsl við eldri búsetu með náttúrugarði vítt umkring. Verkefni að viðhalda og gera að sælureit. Áhugi fyrir náttúruvernd óskastaða. Garðyrkja og margvíslegt tengt: ennfremur góð, mannleg samskipti og aðstoð á móti leigu. Hið síðara eftir samkomulagi. Þarf ekki að vera skilyrði, en reglusemi forsenda.

Getur annars tengst fjölbreytilegum störfum og áhugasviðum.

Velkomið að kynna sér með fyrirspurnum sem skoðast trúnaðarmál.

Heimilissími 47-88867.

07.10.2019

Skipulagsfundur vegna Daga myrkurs

Skipulagsfundur vegna Daga myrkurs verður haldinn í Sambúð, mánudaginn 7. október 2019 frá kl. 17:00 - 18:00.

Dagskráin okkar í fyrra vakti mikla athygli og er áhugi fyrir því að gera viðburðinn í ár jafn glæsilegan.

Þeir sem hafa áhuga á að vera með viðburð eru hvattir til að mæta á fundinn en ef einhverjir komast ekki má senda upplýsingar um dagskrá / viðburð á dora@austurbru.is í síðasta lagi 9. október.

F.h. Djúpavogshrepps
Halldóra Dröfn Hafþórsdóttir

Cittaslow

Cittaslow sunnudagur

Sunnudaginn 29. september verður í áttunda sinn haldinn Cittaslow sunnudagur í Djúpavogshreppi.

Formleg opnun verður á Rauðakrossbúðinn Bakka 3 ( Sætún )

Sérstök opnun í Notó þar sem handunnar vörur verða á afslætti.

Kaffi, kleinur, ástarpungar og pönnukökur í boði sveitarfélagsins í Löngubúð.

Allt þetta stendur yfir frá kl.14:00 til 16:00.

Verið hjartanlega velkomin.

Nefndin

Cittaslow sunnudagur er haldinn ár hvert síðasta sunnudag í september í öllum aðildarsveitarfélögum Cittaslow.

Cittaslow

Kjörskrá fyrir sameiningarkosningar

Viðmiðunardagur kjörskrár vegna sameiningarkosninga er 5. október n.k. en kosningarnar fara fram þann 26. október 2019.

27.09.2019

Sveitarfélagið Austurland?

Kosningar, kynningarfundur og íbúafundir.

26.09.2019

Kynningarbæklingur um sameiningartillöguna

Kjördagur er 26. október næstkomandi.

26.09.2019

Utankjörfundarkosning hafin

Utankjörfundaratkvæðagreiðsla um tillögu um sameiningu sveitarfélaganna hófst 2. september og stendur fram á kjördag 26. október. Hægt er að kjósa hjá sýslumönnum um land allt og sendiráðum Íslands.

Í sameiningarkosningum eiga námsmenn sem búsettir eru á norðurlöndunum rétt á því að vera teknir á kjörskrá en þeir þurfa að sækja sérstaklega um það hjá Þjóðskrá Íslands á þar til gerðu eyðublaði (K-101) ásamt því að skila inn staðfestingu á námsvist, sjá upplýsingar hér á vef Þjóðskrár.

Utankjörfundaratkvæðagreiðsla verður möguleg í hverju sveitarfélagi síðustu 3 vikur fyrir kjördag.

Á Fljótsdalshéraði

Skrifstofa sýslumanns á opnunartíma skrifstofunnar.
Bókasafn Héraðsbúa milli klukkan 15:00 og 18:00 virka daga.

Á Borgarfirði

Hreppsstofa á opnunartíma skrifstofunnar.

Á Djúpavogi

Skrifstofa Djúpavogshrepps á opnunartíma skrifstofunnar.

Á Seyðisfirði

Skrifstofa sýslumanns á opnunartíma skrifstofunnar.

Vakin er athygli á að á vefsíðunni www.svausturland.is má finna ýmsar upplýsingar um sameiningarverkefnið og umfjöllun fjölmiðla um það.

26.09.2019

Skipulagsmál í kynningu

Uppbygging áningarstaðar við Snædalsfoss í landi Bragðavalla í Djúpavogshreppi.


20.09.2019

Hápunktur BRAS 2019

(English and Polish below)

Hápunktur BRAS 2019 verður haldinn á Egilsstöðum í ár, laugardaginn 14. september!

Frábær dagskrá fyrir alla aldurshópa í íþróttamiðstöðinni.
Aðgangur er ókeypis á alla viðburði Hápunktsins!

DAGSKRÁ:

Kl.16:00-17:15 FJÖLSKYLDUDAGSKRÁ BRAS
-Kynnar eru Almar Blær og Sigurbjörg Lovísa
-Hátíðarræða BRAS
-nemendasirkussýning
-BRAS dansinn
-Sýning nemenda úr BRAS smiðjum
-Upptakturinn opnar!
-Sirkussjoppan opin

Kl.17:15-18:10 BÆJARSIRKUSINN
Bæjarsirkusinn er glæsileg sirkussýning þar sem töfrar sirkusins vakna til lífsins. Óttalaus áhættuleikari, ótrúleg línudansmær, lipurt loftfimleikafólk og ljónatemjari kynna þig fyrir sirkusnum á hátt sem þú hefur aldrei séð áður! Frábær sýning fyrir alla fjölskylduna.

18:15-19:00 KRAKKADISKÓ og PYLSUPARTÍ
-JAXZY þeytir skífum
-Fimleikadeild Hattar verður með pylsusölu
-Krítargólf!
-Glaðningur frá BRAS fyrir alla krakka

Fréttamenn úr Fjarðabyggð verða á staðnum í samstarfi við UngRÚV!

Tilvalið að skella sér á Maxímús Músíkús fyrir Hápunktinn:
14:30 Maximús Músíkús í Egilsstaðakirkju
https://www.facebook.com/events/2790829884279488/
Miðaverð: 2.900 kr. (frítt fyrir 6 ára og yngri)

Heildardagskrá BRAS á www.bras.is

ENG: The Highlight of BRAS will be on Saturday, September 14th, in the sports centre at Egilsstaðir. It’s a harvest festival where guests can view the results of the festival’s art events, some of which will still be running. Students from the circus workshop give a performance and some proper BRAS dance moves will grace the dance floor. Last but not least, the Town Circus (Bæjarsirkusinn) will perform their show for kids where circus magic comes to life. We’ll see a fearless stunt man, an incredible rope dancer, limber acrobats and lots of other fun things. The show ends with a disco for the kids. The Highlight starts at 4 pm and ends at 7 pm. All are welcome and admission is free.

POL: W sobotę 14 września odbędzie się główna atrakcja Programu BRAS. Festyn odbędzie sie w sali gimnastycznej w Egilsstadir. Jest to festiwal żniw, w którym goście zobaczą wyniki poprzednich wydarzeń, wydarzeń wciąż trwających lub wydarzeń planowanych w najbliższych dniach. Uczniowie z warsztatów cyrkowych pokażą wyniki swojej pracy i zostanie odtańczony taniec BRAS. Punktem kulminacyjnym będzie pokaz cyrkowy wykonany przez Miejski Cyrk (Bæjarsirkusinn) w którym dzielni cyrkowcy ożywią magiczny cyrk. Zobaczymy nieustraszonych śmiałków podejmujących ryzyko, niesamowity taniec na linie, wyrafinowane akrobacje i wiele innych zabawnych rzeczy. Na koniec będzie dyskoteka dla dzieci. Festiwal rozpoczyna się o godzinie 16.00 i potrwa do godziny 19.00. Prosimy pamiętać, że wstęp jest bezpłatny i wszyscy są mile widziani.

13.09.2019

Íslenska fyrir útlendinga

Íslenska fyrir útlendinga
Icelandic courses
Język islandzki dla obcokrajowców

Djúpivogur - Sambúð

Íslenska 1 og 2
Hefst: Fimmtudaginn 26. september
Kennari: Berglind Einarsdóttir
Nánari upplýsingar og skráning
Halldóra Dröfn Hafþórsdóttir, dora@austurbru.is, 470 3871
www.austurbru.is

Íslenska 1 and 2
Starts: Thursday September 26th
Teacher: Berglind Einarsdóttir
Further information and registration:
Halldóra Dröfn Hafþórsdóttir, dora@austurbru.is, 470 3871
www.austurbru.is

Íslenska 1 i 2
Rozpoczyna się w czwartek 26 wrzesień
Nauczyciel: Berglind Einarsdóttir
Dalsze informacje i rejestracja:
Halldóra Dröfn Hafþórsdóttir, dora@austurbru.is, 470 3871
www.austurbru.is

13.09.2019
13.09.2019

Hnaukabúið er Djúpavogsdeildarmeistari 2019

Hnaukabúið er sigurvegari fyrsta móts Djúpavogsdeildarinnar.

Sex lið voru skráð til leiks í Djúpavogsdeildinni sem hófst 2. júní og samtals tóku um 85 leikmenn þátt. Leikið var jafnt og þétt í allt sumar og að lokum voru það lið Nallara og Hnaukabúsins sem léku til úrslita á Neistavelli föstudaginn 6. september.

Nallarar höfðu unnið alla sína leiki nema einn fram að úrslitaleiknum og Hnaukabúið unnið alla sína nema gegn Nöllurum, en liðin mættust 17. júní í hörkuleik þar Nallarar höfðu sigur 5-1. Hnaukabúið hafði því harma að hefna.

Úrslitaleikurinn var hin besta skemmtun og mikið af færum á báða bóga. Það er þó skemmst frá því að segja að Hnaukabúið vann leikinn 4-1 og sýndi mikla yfirburði á flestum sviðum.

Hnaukabúið er því Djúpavogsdeildarmeistari 2019 og við óskum liðinu innilega til hamingju.

09.09.2019

Úrslitaleikur í Djúpavogsdeildinni

Úrslitaleikur í Djúpavogsdeildinni fer fram í dag, föstudaginn 6. september.

Þar mætast Nallarar og Hnaukabúið.

Leikurinn fer fram á Neistavelli kl. 18:00.

Fjölmennum!

06.09.2019

Jón Ingvar á Birtu SU aflahæstur landsvísu

Strandveiðum ársins lauk í síðustu viku. Aflahæstur á strandveiðum 2019 var Jón Ingvar Hilmarsson á Birtu SU 36 sem gerir út frá Djúpavogi.

Strandveiðar eru handfæraveiðar utan kvóta sem heimilar eru frá maí til ágúst. Veiðunum er stjórnað með því að takmarka skammt í róðri og fjölda veiðidaga í mánuði. Jón Ingvar er þokkalega ánægður með strandveiðiárið. „Fiskeríið var gott en veðráttan leiðinleg. Verð á mörkuðum var líka þokkalega gott þetta árið svo ég er þokkalega sáttur. Maður getur ekki stjórnað veðrinu.“

Strandveiðikerfið hefur verið í þróun frá því að strandveiðar hófust árið 2009 og segir Jón Ingvar að það megi enn bæta með því að rýmka leyfilegann fjölda róðrardaga. „Það væri betra að geta róið fleiri daga, þetta eru 12 dagar í mánuði sem má róa í heild en það má ekki róa um helgar eða á rauðum dögum. Svo eru sumir mánuðir, eins og maí til dæmis þar sem er mikið af rauðum dögum, þá eru menn að róa í leiðindaveðrum til að ná uppí þessa 12 daga. Í staðin fyrir að hafa þetta örlítið rýmra svo menn séu ekki í svona

Frétt af austurfrett.is

Jón Ingvar var með samtals 52,4 tonn í 46 róðrum. Við óskum honum innilega til hamingju með árangurinn.

04.09.2019

Sveitarfélagið Austurland: Heimastjórnir vekja athygli

Verði tillaga um sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar samþykkt er ráðgert að setja upp nýtt stjórnskipulag með stoð í tilraunaákvæði í sveitarstjórnarlögunum. Það ákvæði veitir heimild til að gera breytingar á stjórn­skipu­lagi sveitarfélags með heimild sveitarstjórnarráðuneytisins. Tilraunin skal ekki gerð til skemmri tíma en átta ára.

Stjórnskipulagshugmyndin byggir á ein­faldri og skil­virkri stjórn­sýslu, ásamt vald­dreif­ingu til heima­stjórna sem fara með til­tekin nær­þjón­ustu­verk­efni, t.d. afgreiðslu deiliskipulags.

Mark­miðið með heima­stjórn­um er að tryggja áhrif íbúa á nærsamfélag sitt og bregð­ast við þeirri gagn­rýni að jað­ar­byggðir missi áhrif í sam­ein­uðum sveit­ar­fé­lög­um. Heimastjórnarhugmyndin hefur vakið mikla athygli og hafa fjölmiðlar fjallað um hana undanfarið, m.a. morgunútvarpið á Rás 1 og Kjarninn.

Heimastjórnir verða fjórar og munu þrír fulltrúar sitja í hverri heimastjórn. Það hefur vakið mikla athygli og umræðu að tveir fulltrúanna verða kosnir beinni kosningu af íbúum á hverjum stað. Þriðji fulltrúinn á sæti í bæjarstjórn, en fulltrúarnir eru jafn réttháir og atkvæðisvægi hið sama. Með þessu móti verður sterk tenging á milli bæjarstjórnar og heimastjórna.

Nánari umfjöllun um stjórnskipulag sameinaðs sveitarfélags má finna í skýrslu Samstarfsnefndar.

27.05.19. Sveitarfélagið Austurland (PDF)

04.09.2019

Íbúafundir um gerð sóknaráætlunar Austurlands

Vertu með í að móta framtíð Austurlands.

Hvernig verður Austurlands 2024? Eða 2040? Eða 2070?

Framlag íbúa Austurlands er lykilatriði í gerð nýrrar Sóknaráætlunar fyrir landshlutann. Í henni kemur fram framtíðarsýn Austurlands og þau markmið og aðgerðir sem við ætlum að vinna til að ná þeirri framtíðarsýn.

Mánudagur 9. september

Vopnafjörður: 11:30 - 13:30
Egilsstaðir: 17:00 - 19:00

Þriðjudagur 10. september

Djúpivogur: 11:00 - 13:00
Reyðarfjörður: 18:00 - 20:00

Málaflokkar sem til umfjöllunar eru:

  • Fjölbreytt og öflugt atvinnulíf.
  • Kraftmikil nýsköpun.
  • Lifandi menning
  • Heilbrigt umhverfi.

Fundunum er stýrt af sérfræðingum frá Capacent sem bjóða uppá skemmtilega nálgun á viðfangsefnið m.a. með peningaspilinu Goal-O-Poly.

04.09.2019

Bókasafnið opnar í dag

Bókasafn Djúpavogs opnar aftur í dag eftir sumarlokun.

Opnunartími er frá 16:00 - 19:00.

Bókasafnsvörður

27.08.2019

UMF Neisti auglýsir eftir spurningahöfundum

Nú er undirbúningur fyrir spurningakeppni Neista 2019 að hefjast. Fyrsta skrefið er að fá spurningahöfunda til verks. Birgir Thorberg mun leiða hópinn í að gera keppnina æsispennandi og skemmtilega. Áhugasamir hafi samband við mig á neisti@djupivogur.is eða í síma 868 1050.

Fh. Neista
Helga Rún Guðjónsdóttir
Framkvæmdarstjóri

23.08.2019

Skólasetning Djúpavogsskóla 2019

Skólasetning Djúpavogsskóla fer fram þriðjudaginn 20. ágúst.

Starfsfólk skólans býður nemendum og foreldrum saman á stutta kynningu á helstu þáttum skólastarfsins í vetur á þeim tímum sem hér eru taldir upp.

09.00 Nemendur og foreldrar 1. bekkjar.
Umsjónarkennari er Helga Björk Arnarsdóttir.

10.00 Nemendur og foreldrar 2. - 3. bekkjar.
Umsjónarkennari er Berglind Elva Gunnlaugsdóttir.

10.00 Nemendur og foreldrar 4. - 5. bekkjar.
Umsjónarkennari er María Dögg Línberg.

11.00 Nemendur og foreldrar 6. bekkjar.
Umsjónarkennarar eru Dröfn Freysdóttir og Sigrún Eva Grétarsdóttir.

11.00 Nemendur og foreldrar 7. - 8. bekkjar.
Umsjónarkennari er Lilja Dögg Björgvinsdóttir.

11.00 Nemendur og foreldrar 9. - 10. Bekkjar.
Umsjónarkennari er Karen Sveinsdóttir.

19.08.2019

Lestun á baggaplasti 2019

Ágætu bændur í Djúpavogshreppi

Nú stendur fyrir dyrum eins og áður að fara á sveitabæi í Djúpavogshreppi og taka baggaplast til endurvinnslu. Það verður gert fimmtudaginn 29. ágúst og er áætlað að byrja að taka baggaplast á syðsta sveitabæ um hádegisbil og enda svo á Núpi. Ef ekki næst að taka allt baggaplastið í einni ferð verður önnur ferð skipulögð hið fyrsta og bændur þá upplýstir um það. Bændur eru hér með vinsamlega beðnir um að tryggja öruggt aðgengi að rúlluplastinu svo lestun gangi vandræðalaust fyrir sig.

Þeir bændur sem ætla að nýta sér þessa ferð eru vinsamlegast beðnir um að láta vita á skrifstofu Djúpavogshrepps í síma 470-8700 eigi síðar en mánudaginn 26. ágúst.

Með góðum samstarfskveðjum

Djúpavogshreppur – Sjónarás.

19.08.2019

Búlandstindur óskar eftir verkstjóra


Verkstjóri í Fiskvinnslu
Búlandstindur óskar eftir að ráða verkstjóra til að sinna fölbreyttum
og krefandi störfum í vinnslu félagsins.Æskilegt er að viðkomandi geti hafið störf sem fyrst.

STARFIÐ
Starfið felur meðal annars í sér daglega stjórnun og skipulagningu á vinnu starfsfólks. Viðkomandi hefur umsjón með gæðastarfi og að unnið sé samkvæmt verklags- og öryggisreglum.

MENNTUN OG REYNSLA
Æskilegt er að umsækjendur hafi reynslu af verkstjórn og starfsmannahaldi. Menntun og/eða reynsla tengd sjávarútvegi er kostur.

AÐRAR HÆFNISKRÖFUR
-Hæfni til að eiga uppbyggileg samskipti við einstaklinga og
starfsmannahópa.
-Hæfni til að hvetja fólk til dáða og hámarka frammistöðu þess.
-Mikill skilningur á framleiðsluferli og framleiðslutækni.
-Hæfni til að leiða greiningu og úrlausn vandamála.
-Hæfni til að tjá sig í ræðu og riti, bæði á íslensku og ensku.
-Hæfni til að nota og læra á ýmis tölvuforrit og kerfi
(Innova, MS Office, Navision, Bakvörð o.fl.).

Nánari upplýsingar veitir Elís Hlynur Grétarsson, framkvæmdarstjóri Búlandstinds ehf., (elli@bulandstindur.is).

Umsóknarfrestur er til og með 2. september 2019.

19.08.2019

Búlandstindur auglýsir eftir gæðastjóra / Quality manager

(English below)

Búlandstindur ehf óska eftir að ráða gæðastjóra. Gæðastjóri hefur umsjón með gæðamálum í verkefnum fyrirtækisins.

Starfs- og ábyrgðarsvið
• Ábyrgð á verkefnum á sviði gæðamála
• Ábyrgð og umsjón með stjórnkerfum gæðamála
• Fræðsla og ráðgjöf við stjórnendur og aðra starfsmenn
• Rýning og skráning verkferla
• Samræming og yfirumsjón með gæðavinnu
• Ábyrgð á gerð og viðhaldi handbóka og leiðbeininga
• Vinna að einföldun ferla og aukinni skilvirkni
• Samskipti við hagsmunaaðila innan sem utan fyrirtækisins

Menntunar- og hæfniskröfur
• Háskólapróf sem nýtist í starfi
• Góð þekking og reynsla á sviði gæðastjórnunar
• Reynsla og þekking í rekstri stjórnunarkerfa skv. ISO 9001
• Reynsla af ISO 14001, 18001, 27001, er æskileg
• Reynsla af verkefnastjórnun er kostur
• Góð almenn tölvufærni
• Frumkvæði og metnaður til að ná árangri og tileinka sér nýjungar
• Skipulagshæfni og sjálfstæði í vinnubrögðum
• Hæfni í samskiptum og virðing fyrir samstarfsmönnum og umhverfi
• Gott vald á íslensku og ensku, talaðri sem ritaðri

Einstaklingar af báðum kynjum eru hvattir til að sækja um starfið.

Nánari upplýsingar veitir Elís Hlynur Grétarsson, framkvæmdarstjóri Búlandstinds ehf., (elli@bulandstindur.is).
Umsóknarfrestur er til og með 2. september 2019.

Quality Manager
Búlandstindur ehf would like to hire a quality manager. The quality manager oversees quality issues in the company´s projects.

Job description and responsibility
• Responsibility for quality issues
• Responsibility and oversight of quality control systems
• Education and consulting with managers and other employees
• Review and registration of procedures
• Coordination and supervision of quality work
• Responsibility for making and maintaining manuals and instructions
• Work to simplify processes and increase efficiency
• Interaction with stakeholders within and outside the company
Education and skills required
• University degree is an advantage
• Knowledge and experience in quality management
• Experience and knowledge in the operation of management systems, ISO 9001
• Experience of ISO 14001, 18001, 27001, is an advantage
• Experience in project management is an advantage
• Good general computer skills
• Initiative and ambition to succeed and learn new things
• Organizational skills and independence in work
• Communication skills and respect for colleagues and the environment
• Good language skills in Icelandic and English, spoken as written

For further information contat Elís Hlynur Grétarsson, elli@bulandstindur.is.
The deadline for an application is september 2nd 2019.

19.08.2019